Morgunblaðið - 10.08.2007, Page 22

daglegt líf
22 FÖSTUDAGUR 10. ÁGÚST 2007 MORGUNBLAÐIÐ
NÆRMYNDIR úr náttúrunni eiga
allan hug Reynis Þorgrímssonar
þessa dagana en hann sýnir um þess-
ar mundir afrakstur síðustu þriggja
ára í Ráðhúsi Reykjavíkur.
Reynir hóf að taka listrænar ljós-
myndir árið 2004, þegar stafræn
ljósmyndun var komin vel á veg, en
hann hefur um langt skeið haft mik-
inn áhuga á ljósmyndun og myndlist.
Dagsdaglega rekur hann þó Fyrir-
tækjasöluna Suðurveri.
„Síðan 2004 er ég búinn að opna
tólf myndlistarsýningar en sýningin
í Reykjavík hefur vakið mikla at-
hygli enda er feikilega mikið
gegnumstreymi, bæði af Íslend-
ingum og útlendingum, í gegnum
húsið,“ segir Reynir sem er einnig
með sýningu í byggðasafninu á
Garðskaga út ágústmánuð.
„Það sem ég hef verið að gera er
að mynda það sem ég kalla skart-
gripi fjallkonunnar og tek ég mynd-
irnar í mikilli nálægð þannig að ég
sýni skófir, mosa, strá og þess hátt-
ar. Ég kalla þessa tækni Reynomatic
sem þýðir nánd, eða nálægð og svo
er þetta allt saman prentað út á
striga. Þetta kemur þá þannig út að
verkin virka eins og málverk og
Sköpunarverkið sett á striga
Morgunblaðið/Frikki
Skartgripir Reynir Þorgrímsson rekur Fyrirtækjasöluna
dagsdaglega, en áhugamálið er þó listræn ljósmyndun og
viðfangsefni hans þar er náttúran.
Ljósmynd/ Reynir Þorgrímsson
Fjallkonan Ljósmyndarinn dregur í verkum sín-
um fram þá smágerðu dýrgripi náttúrunnar sem
oftast eru okkur huldir.
Við göngum fram hjá
þessu og sjáum þetta ekki
en ég er að reyna að koma
þessu á framfæri og gera
þetta sýnilegt.
Frá flugvellinum í Árósumer ekki nema tuttugu mín-útna keyrsla til smábæj-arins Ebeltoft, sem er fal-
legur bær. Þröngar, hlaðnar götur
og gömul hús einkenna miðbæinn og
íbúarnir eru vingjarnlegir og taka
gestum opnum örmum. Frá Ebeltoft
er svo hægt að ferðast um Jótland
sem býður upp á endalausa mögu-
leika fyrir ferðalanga, ekki síst fjöl-
skyldufólk.
Þremur kílómetrum fyrir utan
Ebeltoft er gistiheimilið Stutteri
Ahl, rekið af íslenskri konu, Svövu
Svansdóttur hjúkrunarfræðingi og
eiginmanni hennar Jesper Viskum
Madsen bankastjóra. Jesper hlær
þegar ég kalla hann bankastjóra og
segist vera yfirmaður lítils „Hand-
elsbanka“ þar sem allt er persónu-
legt og heimilislegt. Hann er aldrei í
jakkafötum enda hefur hann meiri
áhuga á hestarækt. Þau hjón eru
með 40 íslenska hesta og dætur
þeirra tvær, Tinna 18 ára og Freyja
sjö ára, eru ekki síður áhugasamar
um hestana.
Skemmtileg reynsla
Svava lærði hjúkrun í Árósum en
Jesper kynntist hún í handboltanum
þegar hún bjó í Viby. Hún hafði spil-
að handbolta með Breiðabliki áður
en hún fluttist til Danmerkur og það
kom aldrei annað til greina en að
halda sér við. Eftir að þau Jesper
fóru að vera saman lá beinast við að
þau flyttu til æskustöðva Jespers,
Ebeltoft, þar sem honum bauðst
vinna.
Svava fékk vinnu sem hjúkrunar-
fræðingur og var ein af stofnendum
Hafmeyjuklínikarinnar sem var
einkarekið sjúkrahús.
„Þetta var eitt af þeim fyrstu í
Danmörku og stofnað þegar vinstri
stefnan var í algleymingi í landinu.
Það var líka kreppa svo þegar til
kom varð enginn hagnaður á sjúkra-
húsinu og eftir fimm ár var því lok-
að,“ segir Svava. „Ég var á báðum
áttum hvort ég ætti að taka þátt í
þessu þar sem ég er vinstrisinnuð í
hjarta mér en þetta var skemmtileg
reynsla og varð á endanum til þess
að breyta kerfinu á jákvæðan hátt.
Hestaáhuginn vaknar
Foreldrar Svövu og bræður á Ís-
landi eru hestafólk og árið 1998 buðu
þau Svövu og Jesper að senda þeim
eina hryssu, sem þau þáðu. Hryssan
eignaðist svo folald sem nú er grað-
hesturinn Gæfur, en Svava fær sí-
fellt skömm í hattinn fyrir nafnið.
„Þegar við vorum búin að vera
með hesta í eitt ár urðum við sam-
mála um að við nenntum ekki alltaf
að keyra fram og til baka til að sinna
hestunum og fórum að leita að bú-
garði,“ segir Jesper. „Þegar við fór-
um að sinna hestamennskunni af al-
vöru varð ég gripinn innblæstri og
löngun til að gera meira. Maður fer
að sjá spennuna í ræktuninni,“ segir
hann og Svava hlær dátt.
„Jesper hugsar alltaf svo stórt,
hann er eins og pabbi hans, sem var
einn af stærri hóteleigendum í Dan-
mörku til langs tíma. Mamma hans,
sem er 81 árs, er nýhætt í stjórn eins
af hótelunum,“ segir hún.
Jesper brosir og segist hafa sett
sér raunhæf markmið. „Við höfum
fengið senda góða hesta og vinnum
oft langan vinnudag en markmiðið
er samt alltaf að lifa lífinu. Við þurf-
um að selja ákveðið marga hesta til
að þetta gangi, en fyrst og fremst er
þetta skemmtilegt og gefandi. Þó ég
sé bankastjóri, sem kannski virkar
eitthvað merkilegt, höfum við
„strögglað“ heilmikið. Við erum
bæði keppnisfólk og nú er þetta farið
að ganga vel. Það hefur líka með
heppni að gera og að vera á réttum
stað á réttum tíma. Það er mikill
áhugi á þessum hestum í Danmörku
og við höfum selt hesta til Svíþjóðar
og Þýskalands.“
„Það er líka svo ánægjulegt að
stelpurnar okkar deila þessu áhuga-
máli með okkur. Við höfum þær með
í ráðum þegar við ræðum ræktunina
og þær hafa alltaf eitthvað merkilegt
til málanna að leggja,“ bætir Svava
við.
Önnur heimasætan
á leið í ævintýraferð
Tinna sem hefur setið með okkur í
garðinum kinkar kolli. Hún hefur
verið ötul við að fara í reiðtúra þessa
daga sem ég hef staldrað við hjá fjöl-
skyldunni enda stefnir hún jafnvel á
HM.
„Ég er þó ekki viss,“ segir hún.
„Danska meistaramótið er í júlí og
þar verður valið úrtak á HM í Hol-
landi í ágúst.“
Tinna er nú þegar fimmfaldur
Danmerkurmeistari, í fyrsta sinn
vann hún í unglingaflokki og síðan
hefur hún unnið á ýmsum mótum í
tölti og fjórgangi og er byrjuð að
keppa í fimmgangi.
„Nú er ég reyndar að fara með
hópi hestamanna til Bandaríkjanna í
september,“ segir Tinna. „Þetta er
skauta- og hestasýning á ís, eins
konar sirkussýning, og við erum tíu
íslenskir knapar sem förum með.
Þegar ég var á Íslandi í haust sá ég
auglýsingu á Netinu og ég og
frænka mín, Elka Halldórsdóttir,
Mottóið að lifa
góðu og inni-
haldsríku lífi
Skammt frá smábænum
Ebeltoft á Jótlandi er
Svava Svansdóttir
hjúkrunarfræðingur og
fjölskylda með hestarækt
og gistiheimili. Edda
Jóhannsdóttir brá sér
í heimsókn.
Blómlegt heimili Rósum prýddur garður gerir heimilið hlýlegt.
Danmerkurmeistari Tinna sinnir hestunum.
Hestarækt Svava Svansdóttir
segir ræktina spennandi.
Hestamaður Jesper Viskum
sést sjaldan í jakkafötum.
Fallegur bær Fjöldi gamalla húsa og þröngar götur setja svip sinn á Ebeltoft .
Ebeltoft Smábátahöfnin er skemmtilegur staður.
Það er líka svo ánægjulegt að stelp-
urnar deila þessu áhugamáli með okk-
ur. Við höfum þær með í ráðum þegar
við ræðum ræktunina og þær hafa
alltaf eitthvað til málanna að leggja
Ljósmynd/Edda Jóhannsdóttir