Morgunblaðið - 30.10.2007, Page 8

8 ÞRIÐJUDAGUR 30. OKTÓBER 2007 MORGUNBLAÐIÐ
FRÉTTIR
RANNSÓKNASJÓÐI Öldrunarráðs
Íslands óx ásmegin í gær en þá af-
hentu stjórnendur Kaupþings hon-
um tvær milljónir króna, Grund
lagði fram aðrar tvær milljónir og
Öldrunarráð Íslands lagði loks
fram eina milljón í minningu Gísla
Sigurbjörnssonar. Gísli var for-
stjóri Grundar í 60 ár en hann átti
frumkvæði að stofnun sjóðsins.
Höfuðstóll öldrunarsjóðsins var
tæpar fjórar milljónir og munar
því mikið um þessi framlög, hann
er nú kominn í nær níu milljónir
alls. Efnt var til móttöku á Grund
í tilefni af 85 ára afmæli stofn-
unarinnar og þess að Gísli hefði
orðið 100 ára í gær.
Tveir styrkir voru veittir úr
sjóðnum í gær og var það Gísli
Páll Pálsson, formaður Öldr-
unarráðs Íslands, sem afhenti þá
eftir að hafa tekið við áðurnefnd-
um framlögum. Lovísa A. Jóns-
dóttir, meistaranemi og hjúkr-
unarfræðingur, fékk tæplega 300
þúsund krónur en rannsókn henn-
ar fjallar um reynslu aldraðra sem
bíða á bráðadeild sjúkrahúss eftir
framtíðarúrræði þrátt fyrir að
hafa lokið meðferð.
Hinn styrkinn, sem einnig var
tæplega 300 þúsund krónur, hlaut
Sigþrúður Ingimundardóttir,
meistaranemi og hjúkrunarfræð-
ingur, sem rannsakar hvaða áhrif
ljós og birta hafa á heilsu og vel-
líðan aldraðra.
Morgunblaðið/Sverrir
Fagnað Afmæli Grundar var fagnað í gær. Á myndinni sést Magnús Sveins-
son ásamt Dorrit Moussaieff forsetafrú en forsetahjónin mættu í veisluna.
Styrkja öldrunarrannsóknir
LANGRÆÐSLAN og Háskóli Ís-
lands hafa undirritað viljayfirlýs-
ingu um að efla rannsóknir og sam-
starf þessara stofnana. Háskólinn
hyggst koma á fót fræðasetri í
Gunnarsholti því hann stefnir að
því að útvíkka fræðasetur sitt á
Reykjum í Ölfusi, þannig að það
verði rannsókna- og fræðasetur
Háskóla Íslands á Suðurlandi með
þremur starfstöðvum; að Reykjum í
Hveragerði eins og nú er, á Selfossi
auk Gunnarsholts. Landgræðslan
mun láta Háskólanum í té húsnæði
auk rannsókna- og skrifstofuað-
stöðu í Gunnarsholti auk sérfræði-
starfsfólks. Markmiðið er að nýta
sérstakar aðstæður á Suðurlandi til
rannsókna á ýmsum fræðasviðum
m.a. á sviði skipulagsfræða, land-
fræði, líffræði, umhverfisfræði,
jarðfræði, félagsfræði, o.s.frv. Há-
skóli Íslands mun stuðla að því að
nemendur eigi þess kost að vinna
að ofangreindum fræðasviðum á
Suðurlandi og geti nýtt sér þá að-
stöðu sem í boði er í Gunnarsholti.
Ljósmynd/Jón Ragnar Björnsson
Undirskrift Sveinn Runólfsson og
Rögnvaldur Ólafsson hjá HÍ.
Fræðasetur í
Gunnarsholti
SAMVINNUFÉLAGIÐ Auðhumla, hefur opnað nýja
upplýsingaveitu á vefnum. Á slóðinni www.aud-
humla.is, má finna á einum stað allar helstu upplýs-
ingar um mjólkurframleiðslu, s.s. gæða- og verðlags-
mál, þjónustu við framleiðendur, margvíslegar
leiðbeiningar og fleira. Á vefnum birtast einnig fréttir
um hvaðeina sem varðar framleiðslu mjólkur, greinar
sem tengjast mjólkurframleiðslu á einn eða annan hátt
og margháttaða tölfræði sem tengist greininni.
Til þessa hafa mjólkurbændur haft aðgang að innri
vefum afurðastöðvanna. Nú er búið að sameina þá vefi í einn, Bændavefinn
og er innangengt á hann af vef Auðhumlu. Þar geta framleiðendur mjólkur
skoðað allar upplýsingar vegna innlagðrar mjólkur, s.s. gæðaniðurstöður,
flokkun mjólkur og greiðslur.
Auglýsingastofan Hvíta húsið sá um hönnun og uppsetningu á vefnum, og
var hann opnaður formlega sl. föstudag.
Vefur um mjólkurframleiðslu
ENDURSKOÐUÐ fjárhagsáætlun
Kópavogsbæjar fyrir árið 2007 var
samþykkt á fundi bæjarstjórnar 23.
október sl. Niðurstöðutölur í
rekstri og fjárfestingum eru í sam-
ræmi við upphaflega fjárhags-
áætlun. Gert er ráð fyrir að bæj-
arsjóður skili um 2,1 milljarði
króna í rekstrarafgang, segir í frétt
frá Kópavogsbæ.
Helstu frávik eru hækkun heild-
artekna um 480 milljónir króna,
þar sem munar mest um hærri út-
svarstekjur, en rekstrarnið-
urstaðan er engu að síður svipuð
vegna hækkunar gjalda, einkum á
sviði fræðslumála, félagsþjónustu
og samgangna.
Endurskoðaða fjárhagsáætlun
Kópavogsbæjar fyrir árið 2007 má
finna á heimasíðu bæjarins
www.kopavogur.is (stjórnsýsla/
fjárhagsáætlanir/ársskýrslur).
Rekstrarafgangur
HARALDUR Sigurðsson, prófessor
við University of Rhode Island,
Bandaríkjunum, heldur opinberan
fyrirlestur á vegum Vísindafélags
Íslendinga í Norræna húsinu mið-
vikudaginn 31. október kl. 20.
Fyrirlesturinn nefnir hann: Stór-
gos á bronsöld í Miðjarðarhafi og
áhrif þess.
Haraldur Sigurðsson hefur starf-
að við eldfjallarannsóknir í yfir
fjörutíu ár víðs vegar um heim, en
hefur unnið lengst af sem prófessor
við Graduate School of Oceanog-
raphy við University of Rhode Isl-
and í Bandaríkjunum. Haraldur er
einn af fremstu vísindamönnum
heims á sínu sviði.
Allir eru velkomnir.
Kaffistofa Norræna hússins verð-
ur opin að fundi loknum.
Ræðir stórgos
RANNSÓKNARNEFND flugslysa
(RNF) hefur tekið til rannsóknar al-
varlegt flugatvik sem vélin TF-JXF
lenti í á Keflavíkurflugvelli aðfara-
nótt sl. sunnudags. Samkvæmt upp-
lýsingum frá nefndinni fékk áhöfn-
in í aðflugi að Keflavíkurflugvelli
veðurupplýsingar í Keflavík ásamt
bremsuskilyrðum fyrir flugbraut
02 og voru þá bremsuskilyrði upp-
gefin sem góð með ís á stöku stað.
„Í lendingarbruni varð áhöfnin
vör við að bremsuskilyrðin voru
ekki eins og þeir bjuggust við.
Áhöfnin reyndi að hægja á flugvél-
inni með beitingu knývenda og há-
marks handvirkri hemlun. Þegar
ljóst var að flugvélin myndi ekki
stöðvast fyrir brautarendann
beygði flugstjórinn flugvélinni til
vinstri af flugbraut 02 og yfir á ak-
braut N-4 sem liggur þvert á enda
flugbrautarinnar. Þar skreið flug-
vélin til í hálku og hafnaði með
hægri aðalhjól og nefhjól utan ak-
brauta,“ eins og segir á vef RNF.
Skoða þarf verklag
við bremsumælingar
Að sögn Braga Baldurssonar, hjá
RNF og stjórnanda rannsóknar-
innar, hefur nefndin þegar tekið
flugmennina í viðtal, nefndin mun
hlusta á upptökur úr flugturninum,
þ.e. samskipti flugumferðarstjóra
og flugmanna og síðar er ráðgert
að hægt verði að láta lesa af flugrit-
anum. Meðal þeirra upplýsinga sem
þá fáist fram séu hvernig aðflugi og
lendingu flugvélarinnar hafi verið
háttað, t.d. hvar vélin hafi nákvæm-
lega lent á flugbrautinni og á
hversu miklum hraða.
„Síðan eigum við eftir að skoða
verklag við bremsumælingar, þ.e.
hvernig þær eru nákvæmlega fram-
kvæmdar, en það er skilgreint eftir
ákveðnum alþjóðlegum stöðlum,“
segir Bragi.
Aðspurður segir hann bremsu-
mælingar, sem ætlað er að mæla
hver bremsuskilyrði á flugbraut
eru, framkvæmdar með tæki sem
keyrt sé eftir flugbrautinni. „Flug-
brautinni er skipt í þrjá hluta og á
hverjum þriðjungi kemur út með-
altala, en þessar tölur eru síðan
notaðar til upplýsinga fyrir flug-
menn. Við vitum að bremsu-
skilyrðin á síðasta þriðjungi flug-
brautar voru verri en á þeim tveim
fyrri.“
Að sögn Braga getur ísing á flug-
braut myndast óhemjuhratt við
ákveðin veðurskilyrði, þ.e. þegar
hitinn er rétt um 0 gráður, plús eða
mínus ein gráða. Þannig voru ein-
mitt veðuraðstæður aðfaranótt
sunnudags þegar vélinni hlekktist á
í lendingu. „Skilyrðin eru mjög fljót
að breytast, því það getur verið al-
gjör hláka á brautinni og aðeins
nokkrum mínútum seinna er komið
gler. Við þessi skilyrði getur verið
mjög erfitt að meta aðstæður.“
Spurður hvernig þá sé hægt að
meta og mæla bremsuskilyrði svar-
ar Bragi: „Það er í raun eitthvað
sem menn eru að vinna í og miklar
rannsóknir hafa farið fram í á al-
þjóðavísu.“
Aðspurður hvenær von sé á nið-
urstöðum rannsóknarinnar segist
Bragi ekki gera ráð fyrir að skýrsl-
an komi út í ár. Segir hann senni-
legast að hún komi út seinni part
næsta árs. Hins vegar megi gera
ráð fyrir að frumniðurstöður sem
og þær úrbætur sem nefndin leggi
hugsanlega til liggi fyrir nokkru
fyrr og verður þá, að sögn Braga,
fundað með viðkomandi aðilum.
Í tilkynningu frá flugfélaginu
JetX ehf. segir Sighvatur Bjarna-
son, aðstoðarflugrekstrarstjóri
JetX ehf. að lending vélarinnar hafi
verið með eðlilegum hætti. „En við
lok lendingarbruns varð áhöfninni
ljóst að bremsuskilyrði voru alger-
lega ófullnægjandi og önnur en
samkvæmt upplýsingum frá flug-
turni. Skilyrðin voru með þeim
hætti að klakabrynja huldi aksturs-
svæðið og við þessar aðstæður
reyndist erfitt að hafa eðlilega
stjórn á hraða vélarinnar,“ segir í
tilkynningunni.
Hreinsun jafn góð og áður
„Við erum að fara yfir atvikið
með Rannsóknarnefnd flugslysa.
Þannig að við tjáum okkur ekki um
málið fyrr en eitthvað haldbært
liggur fyrir,“ segir Friðþór Eydal,
fulltrúi hjá flugmálastjórn á Kefla-
víkurflugvelli. Spurður hvort
hreinsun flugbrauta og hálkuvarnir
séu sambærilegar nú við það sem
var þegar Varnarliðið hafði umsjón
með þeim svarar Friðþór því ját-
andi. Bendir hann á að braut-
arhreinsunardeild flugmála-
stjórnar Keflavíkurflugvallar sé nú
betur mönnuð en á síðustu miss-
erum sem Varnarliðið sá um braut-
arhreinsunina. „Þrátt fyrir fækkun
þeirra þá fór afkastageta og að-
stæður á flugvellinum aldrei niður
fyrir ásættanleg mörk. Menn voru
bara svo góðu vanir svo lengi, því
hér störfuðu orrustuþotur sem
þurfti að hafa sérstaka nærgætni
gagnvart,“ segir Friðþór.
Alvarlegt flugatvik á Keflavíkurflugvelli rannsakað
Telja hálku um að kenna

 





  
  
  

  

 

!"#! $!%





!%"