Morgunblaðið - 04.12.2007, Blaðsíða 9

MORGUNBLAÐIÐ ÞRIÐJUDAGUR 4. DESEMBER 2007 9
ÞAÐ að lifa í skugga fátæktar er erf-
itt hlutskipti. Nú þarf Fjölskyldu-
hjálp Íslands á öflugum stuðningi að
halda frá þjóðinni fyrir þessi jól, seg-
ir í frétt frá Fjölskylduhjálpinni.
„Senn líður að jólum og Fjöl-
skylduhjálp Íslands starfar nú á sínu
fimmta starfsári. Þar sem desember
verður sérstaklega erfiður mánuður
að þessu sinni eru gerðar sérstakar
ráðstafanir með því að fjölga þeim
dögum sem opið er og auðvelda að-
gang öllum þeim fjölmörgu sem
þurfa á aðstoð að halda fyrir þessi
jól. Þá bjóðum við alla þá sem geta
styrkt hjálparstarfið velkomna með
fatnað, matvæli og fjárstuðning.
Í desember verður opið þrjá daga í
viku þ.e. alla mánudaga, þriðjudaga
og miðvikudaga frá kl. 13 til 17. Byrj-
að var að skrá niður fjölskyldur sl.
miðvikudag varðandi jólaaðstoð og
voru 130 fjölskyldur skráðar þann
dag,“ segir í tilkynningunni.
Tekið verður á móti skráningum
alla þá daga sem opið verður fram að
jólum. Úthlutunardagar verða 12.,
19. og 20. desember frá kl. 14 til 17.
Jólapökkum verður úthlutað um leið
og jólamatnum.
Flóamarkaðurinn verður opinn
frá kl. 14 til 17 alla mánudaga,
þriðjudaga og miðvikudaga fram að
jólum.
Þeim sem vilja styðja starfið með
peningum er bent á reikninga Fjöl-
skylduhjálpar Íslands sem eru 66090
og 6609 og kt. 660903-2590. Reikn-
ingarnir eru höfuðbók 26 í Lands-
banka Íslands og hjá Glitni.
Fjölskylduhjálpin
leitar eftir stuðningi
ALÞJÓÐLEGUR orkuskóli á fram-
haldsstigi háskóla tók til starfa í
gær. Skólinn er í umsjá Orkuveitu
Reykjavíkur, Háskóla Íslands og
Háskólans í Reykjavík.
Ólafur Ragnar Grímsson forseti
Íslands sagði í ávarpi sínu á málþingi
í tilefni af formlegri opnun skólans í
gær, það vera ánægjulegt að tveir
öflugustu háskólar landsins og
„framsæknasta orkufyrirtæki í ver-
öldinni“ næðu saman með þessum
hætti. Hann sagði orðið brýnt að
höndum væri tekið saman um að
hvetja ungt vísindafólk til náms í
umhverfis- og orkumálum. „Þó það
virki einfeldningslegt og ef til vill
barnalegt að segja það,“ sagði Ólafur
Ragnar, „þá er verkefnið að bjarga
heiminum.“
REYST er skammstöfun á heiti
skólans, sem fullu nafni heitir
Reykjavik Energy Graduate School
of Sustainable Systems. Kennsla
hefst í skólanum haustið 2008 og
verður hann til húsa í höfuðstöðvum
OR. Þar mun íslenskum og erlend-
um stúdentum standa til boða fram-
haldsnám á háskólastigi í orkuvís-
indum.
Í fréttatilkynningu segir að aðal-
áhersla verði lögð á þau svið þar sem
Íslendingar hafa samkeppnisfor-
skot. Boðið verður upp á rannsókna-
tengt meistaranám og doktorsnám
auk námskeiða fyrir sérfræðinga og
stjórnendur fyrirtækja í orkugeiran-
um og fjármálastofnunum sem og
fyrir opinberar stofnanir innan lands
og utan.
Edda Lilja Sveinsdóttir er verk-
efnisstjóri stofnunar skólans. Nú
tekur við að markaðssetja námið hér
á landi og í útlöndum og er reiknað
með að um 30 nemendur hefji nám í
REYST næsta haust. Opnuð hefur
verið heimasíða skólans, www.reyst-
.is.
Morgunblaðið/ÞÖK
Alþjóðlegur háskóli Orkuskólinn hefur starfsemi næsta haust og verður
hann til húsa í höfuðstöðvum Orkuveitu Reykjavíkur.
„Verkefnið er að
bjarga heiminum“
KANNA á hvar þrengja má götur
og koma fyrir gróðri í Þingholt-
unum líkt og gert hefur verið á öðr-
um svæðum þar sem hámarkshraði
er 30 kílómetrar á klukkustund. Til-
laga fulltrúa Samfylkingarinnar í
umhverfisráði þessa efnis var sam-
þykkt í gær.
Þingholtin eru elst svokallaðra 30
kílómetra svæða í borginni og þörf
þykir á að gera göturnar þar eins
vel úr garði og á samskonar svæð-
um í nýrri borgarhlutum. Þá er ráð-
gert að fjölga hraðahindrunum og
þrengja gatnamót, svo sem á mót-
um Freyjugötu og Óðinsgötu og við
Laufásveg þar sem hann sker
Bragagötu og Skálholtsstíg. Með
því að þrengja gatnamótin á sunn-
an- og vestanverðu Skólavörðuholt-
inu er ekki aðeins stefnt að því að
draga úr umferðarhraða, heldur
líka að koma „fyrir bekkjum og
gróðri til ánægju og yndisauka fyrir
íbúa og og aðra vegfarendur sem
eiga leið um hverfið“, eins og segir í
tillögunni.
Í framhaldi af þessari tillögu
lögðu sjálfstæðismenn í umhverfis-
ráði fram tillögu um að fegra torg í
Þingholtunum og var sú tillaga
sömuleiðis samþykkt.
Þeir sögðu torgin í hverfinu vera
mörg og skemmtileg, en hefðu í of
miklum mæli drabbast niður síðustu
ár og væru ekki lengur þeir unaðs-
reitir í miðborginni sem þau voru
áður. Samkvæmt tillögunni var því
beint til umhverfissviðs að fara yfir
torgin, til dæmis Baldurstorg og
Óðinstorg, og gera nýjar tillögur að
útfærslu þeirra.
Stefnt að fegurri göt-
um í Þingholtunum
AUGLÝSINGADEILD
netfang: augl@mbl.is eða sími 569 1111
www.feminin.is • feminin@feminin.is
Bæjarlind 4, Kópavogi • sími 544 2222
Opið mán.-fös. kl. 11-18 - lau. 10-16
Rauðir
taftjakkar
Str. 42-56tr. -
Nýjar myndir
á heimasíðunni
Laugavegi 82,
á horni Barónsstígs
sími 551 4473
Glæsilegt
sloppaúrval
Eddufelli 2 Bæjarlind 6
sími 557 1730 sími 554 7030
Opið virka daga kl.10-18
Opið laugardag í Bæjarlind kl. 10-16 – Eddufelli kl. 10-14
Gylltir kjólar og toppar
Hverfisgötu 6, 101 Reykjavík, sími 562 2862
Laugavegi 63 • S: 551 4422
Peysuúrval
Síðar Jakkapeysur
Merinó og kasmír ullarpeysur
Viscose og bómullarpeysur
Silkipeysur - Blússuúrval
AUGLÝSINGADEILD netfang: augl@mbl.is, sími 569 1111