Morgunblaðið - 04.12.2007, Blaðsíða 15
MORGUNBLAÐIÐ ÞRIÐJUDAGUR 4. DESEMBER 2007 15
ERLENT
SÚDÖNSK stjórnvöld leystu í
gær bresku kennslukonuna Gilli-
an Gibbons úr haldi en hún var á
fimmtudag
dæmd til fimm-
tán daga fang-
elsisvistar fyrir
að hafa móðgað
íslam með því
að heimila
skólabörnum að
kalla leik-
fangabjörn Mú-
hameð. Omar
al-Beshir, forseti Súdans, ákvað
að náða Gibbons eftir að tveir
breskir múslímar, sem sæti eiga í
lávarðadeild breska þingsins,
báðu henni griða.
Leyst úr haldi
eftir náðun
Gillian Gibbons
UM sex þúsund manns hafa fallið í
átökum í Afganistan á árinu, þar af
um 210 erlendir hermenn, og gerð-
ar hafa verið um 130 sjálfsmorðs-
árásir. Ofbeldi hefur því farið vax-
andi í landinu skv. tölum SÞ.
Meira ofbeldi
STJÓRNVÖLD í Ísrael slepptu í
gær úr fangelsi 429 palestínskum
föngum en tilgangurinn er sá að
styrkja stöðu Mahmouds Abbas,
forseta Palestínumanna, en þeir
Abbas og Ehud Olmert, forsætis-
ráðherra Ísraels, hyggjast á ný setj-
ast við samningaborðið og reyna að
semja um frið. Til þess þarf þó m.a.
að styrkja stöðu Abbas meðal Pal-
estínumanna gagnvart Hamas.
Sleppt úr fangelsi
YFIRVÖLD í Pakistan bönnuðu í
gær Nawaz Sharif, fyrrverandi for-
sætisráðherra, að bjóða fram í
væntanlegum þingkosningum.
Þetta þykir grafa mjög undan trú-
verðugleika kosninganna.
Sharif ekki fram
FRÉTTASKÝRING
Eftir Davíð Loga Sigurðsson
david@mbl.is
ÓSIGURINN kom flestum í opna
skjöldu og telst óumdeilanlega áfall
fyrir Hugo Chavez, forseta Vene-
súela. Úrslitin í þjóðaratkvæða-
greiðslunni um helgina um breyting-
ar á stjórnarskrá landsins sýna hins
vegar svart á hvítu að lýðræðið er
virk auðlind í Venesúela. Niðurstað-
an sýnir að þó að Chavez sé sann-
arlega leiðtogi landsins þá vilja
landsmenn ekki að hann fái tækin til
að gerast því sem næst einráður.
Chavez hafði lagt til umfangsmikl-
ar breytingar á stjórnarskrá Vene-
súela sem m.a. hefðu gert honum
kleift að bjóða sig fram til forseta
eins lengi og hann lystir, en fyrir er
ákvæði sem gerir Chavez, sem
komst til valda 1999, ókleift að bjóða
sig fram 2012, þ.e. þegar þessu kjör-
tímabili hans lýkur. Sósíalísk stjórn-
skipan hefði ennfremur verið fest í
stjórnarskrá, Chavez hefði verið
gert kleift að velja persónulega for-
ystumenn í bæjar- og sveitarstjórn-
um landsins, sjálfstæði seðlabankans
hefði verið afnumið og taka hefði
mátt ýmis mannréttindi úr sambandi
undir neyðarlögum.
Þessum breytingum og öðrum
höfnuðu kjósendur í Venesúela í at-
kvæðagreiðslunni á sunnudag, 51%
voru á móti en 49% með. Alls 56%
landsmanna tóku þátt.
Stjórnarandstæðingar gátu ekki
leynt hamingju sinni með niðurstöð-
una, en Chavez hefur reynst ósigr-
andi í öllum kosningum frá því hann
fyrst var kjörinn forseti 1999 og síð-
ast í fyrra var hann endurkjörinn
með 63% atkvæðanna.
Stuðningsmenn forsetans voru
hins vegar með böggum hildar. Þeir
telja að breytingarnar hefðu gert
Chavez kleift að styrkja grasrótar-
lýðræði í landinu og dreifa olíuauðn-
um með sanngjarnari hætti til lands-
manna. Chavez sjálfur tók ósigrinum
hins vegar af karlmennsku og stapp-
aði stálinu í sitt fólk. „Ekki vera
leið,“ sagði hann við stuðningsmenn
sína og reyndi að hugga þá með því
að benda þeim á hversu mjótt hefði
verið á munum.
Chavez var auðmjúkur í máli –
sem sannarlega telst stílbrot hvað
þennan alræmda orðhák varðar – og
þakkaði andstæðingum sínum pent
fyrir og óskaði jafnframt til ham-
ingju. En hann hvatti þá líka til að
ganga hægt um gleðinnar dyr, mik-
ilvægt væri að menn sýndu stillingu.
Fyrir kosninguna hafði hann var-
að andstæðinga sína við því að hann
myndi ekki þola æsingamennsku og
uppþot og hann hafði jafnframt hót-
að því að hætta útflutningi olíu til
Bandaríkjanna ef þarlendir ráða-
menn reyndu að skipta sér af kosn-
ingunum. Á meðan á kosningabar-
áttunni stóð – en hún einkenndist
m.a. af mótmælum námsmanna á
götum Caracas – hafði Chavez sömu-
leiðis farið hörðum orðum um þá úr
hópi fátækustu íbúa landsins, raunar
kallað þá „svikara“ sem sneru við
honum baki, þ.e. segjast hafa á hon-
um dálæti en vildu samt ekki styðja
þessar umdeildu breytingar hans.
Óvæntur ósigur orðháksins
Íbúar Venesúela höfnuðu í þjóðaratkvæðagreiðslu um helgina þeim breytingum
á stjórnarskrá landsins sem hinn umdeildi forseti, Hugo Chavez, hafði lagt til
Reuters
Áfall Hugo Chavez þótti taka ósigr-
inum af karlmennsku í gær.
Moskvu. AFP, AP. | Vladímír Pútín
Rússlandsforseti fagnaði í gær stór-
sigri Sameinaðs Rússlands, flokks
sem hann veitti forystu í þingkosn-
ingum um helgina, og sagði að kosn-
ingarnar hefðu styrkt þingið til muna.
Erlendir þjóðarleiðtogar og fulltrúar
þingmannasamtaka Öryggis- og sam-
vinnustofnunar Evrópu (ÖSE) telja á
hinn bóginn að margt hafi verið at-
hugavert við framkvæmd kosning-
anna, þær hafi engan veginn staðist
kröfur um lýðræðislegar kosningar
og ráðamennirnir í Kreml hafi mis-
beitt valdi sínu.
Sameinað Rússland fékk tvö af
hverjum þremur þingsætum og það
er nóg til að flokkurinn geti einn stað-
ið að breytingum á stjórnarskrá
landsins. Stjórnarandstöðuflokkarnir
sökuðu yfirvöld um kosningasvik.
„Samruni ríkisvaldsins og stjórn-
málaflokks er misbeiting valds og
augljóst brot á alþjóðlegum reglum,“
sagði Göran Lennmarker, formaður
þingmannasamtaka ÖSE. Hann
bætti við að framkvæmd kosning-
anna hefði verið ósanngjörn og rík-
isfjölmiðlarnir hefðu verið „mjög
hlutdrægir“.
Pútín sagði hins vegar að nið-
urstaðan endurspeglaði einfaldlega
þjóðarviljann, væri „gott dæmi um
pólitíska stöðugleikann í Rússlandi“
og til marks um að landið væri að
„eflast, ekki aðeins efnahagslega og
félagslega, heldur einnig pólitískt“.
Sagðir misbeita valdi sínu
Ráðamennirnir í
Kreml gagnrýndir
AP
Sigurgleði Um 5.000 félagar í ungliðahreyfingunni Nashí, sem styður
stjórnina í Kreml, fögnuðu sigri flokks Pútíns við Kremlarmúra í gær.
Í HNOTSKURN
»Þegar um 98% atkvæðahöfðu verið talin hafði Sam-
einað Rússland, flokkur Pútíns,
fengið 64,1% atkvæða.
»Kommúnistaflokkurinn fékk11,6% og tveir litlir flokkar
sem styðja stjórnina í Kreml
fengu 8,2% og 7,8%. Engir aðrir
flokkar náðu 7% markinu sem
þarf til að fá menn kjörna á þing.
Frjálslyndisöflin eiga því engan
mann á þingi, í fyrsta skipti frá
því að Sovétríkin liðuðust í sund-
ur 1991.
KONAN á myndinni tilheyrir minnihluta Serba í Kos-
ovo en þeir óttast um hag sinn í héraðinu ef Kosovo-
Albanar, sem eru 90% íbúanna, lýsa yfir sjálfstæði 10.
desember nk. eða einhvern daganna þar á eftir eins og
allt bendir til að þeir geri. Wolfgang Ischinger, einn
sáttasemjara Evrópusambandsins, sagði t.a.m. í gær að
útilokað væri að samkomulag næðist í viðræðum Serba
og Albana um framtíð Kosovo.
Reuters
Engin von um sátt í Kosovo
STJÓRNVÖLD í Íran virðast „ekki
vera eins staðráðin“ í að þróa
kjarnavopn og talið hefur verið síð-
ustu tvö ár, að því er fram kemur í
nýrri skýrslu sextán leynþjónustu-
stofnana Bandaríkjanna.
Í skýrslunni segir að talið sé að
Íranar hafi hætt tilraunum til að
framleiða kjarnavopn árið 2003 en
haldið áfram að auðga úran sem
hægt er að nota í slík vopn. Stjórn-
in í Íran hefur sagt að hún hyggist
aðeins hagnýta kjarnorkuna í frið-
samlegum tilgangi, þ.e. til að fram-
leiða rafmagn.
Í skýrslunni kemur fram að
stofnanirnar telja miklar líkur á því
að Íranar hafi hætt að þróa kjarna-
vopn árið 2003 vegna „alþjóðlegs
þrýstings“. Stofnanirnar telja tals-
verðar líkur á því að Íranar hafi
ekki hafið þróun kjarnavopna eftir
það.
Þessi niðurstaða stangast á við
skýrslu sem stofnanirnar birtu fyrir
tveimur árum. Þær töldu þá að Ír-
anar væru staðráðnir í að framleiða
kjarnavopn og héldu þeirri viðleitni
áfram.
Í nýju skýrslunni segir að Íranar
„haldi opnum þeim möguleika að
þróa kjarnavopn“ en ekki sé vitað
hvort þeir hafi það í hyggju núna.
Stofnanirnar telja að Íranar geti
ekki framleitt nógu mikið af auðg-
uðu úrani í kjarnavopn fyrr en í
fyrsta lagi eftir tvö ár. Þær telja
„mjög ólíklegt“ að þeim takist það á
svo skömmum tíma og segja tals-
verðar líkur á því að Íranar geti
framleitt kjarnavopn einhvern tíma
á árunum 2010-2015, vilji þeir það á
annað borð.
Stephen Hadley, þjóðaröryggis-
ráðgjafi Bandaríkjaforseta, sagði
þetta „góðar fréttir“ en hættan á að
Íranar eignuðust kjarnavopn væri
enn „alvarlegt vandamál“.
Talið að Íranar þrói
ekki kjarnavopn nú
Leyniþjónustan telur hættuna minni en áður
USB minnislyklar með rispufríu lógói.
Frábærir undir myndir og gögn.
Ódýr auglýsing sem lifir lengi.
www.alltmerkt.is sala@alltmerkt.is
S: 511 1080 / 861 2510
(512 MB, 1 GB, 2 GB og 4 GB)