Morgunblaðið - 04.12.2007, Blaðsíða 36

■ Fös. 7. desember kl. 19.30
Lífið kallar. Styrktartónleikar Sinfóníuhljómsveitarinnar og FL
Group til fjáröflunar fyrir BUGL, Barna- og unglingageðdeild
Landsspítala Háskólasjúkrahúss. Uppselt.
Stjórnandi: Alistair Dawes
Söngvarar: Dame Kiri Te Kanawa og Garðar Thór Cortes.
■ Lau. 15. desember kl. 14 örfá sæti laus og kl. 17 örfá sæti laus
Jólatónleikar. Hnotubrjóturinn eftir Tsjajkovskíj. Nemendur úr
Listdansskóla Íslands dansa og trúðurinn Barbara segir söguna.
■ Vínartónleikar
Hinn árlegi og ómissandi gleðigjafi Sinfóníuhljómsveitarinnar
í ársbyrjun.
3. jan. nokkur sæti laus
4. jan. nokkur sæti laus
5. jan. kl. 17 örfá sæti laus
5. jan. kl. 21 laus sæti
Miðasala
S. 545 2500
www.sinfonia.is
Athugið: Þeir sem eiga frátekna
miða á Vínartónleikana í janúar
þurfa að greiða þá í síðasta
lagi í byrjun desember.
Nú þegar karla-
landsliðið í knatt-
spyrnu er svona lélegt er
alveg jafn gott að halda með
okkur … 41
»
reykjavíkreykjavík
Eftir Arnar Eggert Thoroddsen
arnart@mbl.is
ÞAÐ er magnað hvað hægt er að
finna á blessuðu alnetinu og enn er
maður að furða sig á þessum undr-
um tíu árum eftir að netið var lagt.
Sem kynningarmiðill hefur netið
reynst æði lúmskt og íslenskir tón-
listarmenn eru að poppa upp á ólík-
legustu stöðum og stundum með sér-
kennilegum formerkjum.
Rafpoppsveitin múm, sem á sér
harðsnúna aðdáendur víða um ver-
öld – m.a. vegna netvæðingarinnar –
er þannig hyllt á myndbandavefnum
youtube. Ungur tónlistarmaður, Jo-
seph Rogers, fer þar glæsilegum
höndum um inngangsstef lagsins
„We have a map of the piano“, sem
er að finna á annarri plötu múm, Fi-
nally We Are No One frá 2002 (þess
má geta að platan var og gefin út á
íslensku sem Loksins erum við engin
og þar heitir lagið „Við erum með
landakort af píanóinu“). Rogers ger-
ir þetta af miklum metnaði og notar
glerkrukkur, bækur og gítara til að
endurskapa sérstæðan hljóðheim
múm. Um 30.000 manns hafa nú
skoðað gjörninginn. Sjón er sögu
ríkari og myndbandið auk upplýs-
inga um nefndan Rogers má nálgast
hér: www.youtube.com/user/veeriou.
Múm heiðruð á YouTube
Matthías Árni Ingimarsson
Loksins Hljómsveitir eru víst ekki orðnar heimsfrægar fyrr en menn búa
til sínar eigin útgáfur af lögum sveitarinnar og vista á YouTube.
 Dr. Gunni reið
ekki feitum hesti
frá Laugardags-
lögunum að þessu
sinni. Lagið sem
var flutt af Dr.
Spock þótti nokk-
uð hresst og skemmtilegt en þó var
eins og bygging lagsins væri ekki
alveg að virka. Þar að auki virtust
þeir Finni og Óttar Proppé vera
frekar stressaðir – enda svo sem
ekki markhópur Dr. Spock sem sat
þarna í Sjónvarpssal. En það var
lag Hafdísar Huldar sem fór alla
leið og eitursnjall leikur hennar að
tefla fram Birgittu Haukdal og
Magna RockStar gekk fullkomlega
upp.
Nú er bara að sjá hvað stjörnu-
parið gerir þegar það mætir tek-
nótröllum Barða.
Doktorarnir áttu ekki
erindi sem erfiði
 Bandaríska rokksveitin Skid
Row þótti fara á kostum á tón-
leikum sínum á Nasa á laugardags-
kvöldið og fékk til að mynda fjórar
stjörnur fyrir frammistöðu sína í
Mogganum í gær. Kvöldið var hins
vegar rétt að byrja hjá þeim fé-
lögum því eftir tónleikana skelltu
þeir sér út á lífið, og fóru beint á
Café Oliver. Þar lögðu þeir undir
sig efri hæðina þangað sem ein-
ungis útvaldir fengu að koma, en
fregnir herma að kvenfólk hafi ver-
ið þar í miklum meirihluta. Síðar
um nóttina sást til þeirra félaga í
villtum dansi á gólfinu, og var víst
ekki að sjá að þarna færu menn á
fimmtugsaldri.
Allt er fertugum fært
Eftir Arnar Eggert Thoroddsen
arnart@mbl.is
MIKIL rappalda reið yfir Ísland með fyrstu
plötu Rottweilerhundanna árið 2001 og árið eft-
ir komu plöturnar út í tugatali – og á nærfellt
öllum þeirra var rappað á hinu ylhýra. Þó að sú
hrina sé yfir gengin lifir íslenska rappið og
þannig gaf hinn nítján ára gamli Dabbi T út
plötuna Óheflað málfar fyrir stuttu; harða og
hressilega plötu sem sækir nokkuð í hispursleysi
það sem einkenndi Rottweiler.
Rottweiler breytti öllu
„Við erum að gera þetta sjálf. Steini vinur
minn, fimmtán ára gutti, er búinn að umbast
eins og brjálæðingur, græja gigg í borg og úti á
landi og hann seldi BT, Skífunni og Hagkaupum
helling af eintökum,“ útskýrir Dabbi, eða Davíð
Tómas eins og mamma hans þekkir hann.
„Ég fór að safna í plötuna fyrir um það bil ári.
Það er ekki nóg að pósta lögin bara á Myspace.
Að stefna á plötu gefur manni takmark og til-
gang.“
Dabbi segir að tilkoma Rottweiler á sínum
tíma hafi breytt öllu.
„Þeir komu tónlistinni upp á yfirborðið og
voru gríðarlega áhrifamiklir. Það var líka mik-
ilvægt að heyra að rappað væri á íslensku; tón-
listin er svo miklu meira grípandi þannig.“
Dabbi ætlar ekki að láta þar við sitja nú þegar
hann er kominn á bragðið. Næsta plata er í
smíðum og svo kemur brátt út plata með sveit
sem hann tilheyrir, en mikil dulúð er enn í
kringum þá tilteknu hljómsveit. Dabbi hefur þá
gert þónokkuð af því að spila á tónleikum og þá
safnast „krúið“ saman; þeir Mag-B, MC Gauti,
Jói Dí og fleiri. Allir reka þeir sólóferil og hægt
er að hlýða á lög á myspace-setrum þeirra (hægt
er að nálgast þau í gegnum svæði Dabba. Sjá að
neðan).
Hatar heiminn
Dabbi segist taka skorpu í textagerðinni, það
komi kannski ekkert í tvo, þrjá mánuði en svo
komi tímabil þar sem þeir flæða út, kannski
þrír, fjórir á dag. Umfjöllunarefnin eru ýmiss
konar, og textarnir eru stundum hryssingslega
hreinskilnir. „Ég er afskaplega tilfinningaríkur
maður og alveg ofsalega reiður. Ég veit ekki al-
veg af hverju. Kannski eru þetta unglingsárin?
(í bæklingi plötunnar upplýsir Dabbi: „Ég fokk-
ing hata heiminn á sama tíma og ég elska
hann“).
En um leið er ég hamingjusamur, eins
skringilega og það kann að hljóma. Ég á mér
von. Einn daginn verður þetta gott. Textarnir
fjalla annars að miklum hluta um stelpur og
fíkniefni, einfaldlega af því að það er búið að
standa mér næst síðustu ár. Ég er búinn að vera
edrú í þrjú ár, væri dauður annars. Tíminn sem
ég var í neyslu skildi eftir stórt gat og ég velti
honum oft fyrir mér.“
Dabbi samþykkir vel að platan sé hörð og
áleitin.
„Tónlist og textar þurfa að dansa eftir línunni
svo fólk taki eftir þessu. Það er nú bara þannig.“
Dansar á línunni
Óheflað málfar er fyrsta plata hins nítján ára gamla rappara Dabba T
Vinsæll Dabbi T tekur á vandamálum hversdagsleikans á plötu sinni. Hann kvartar m.a. yfir því að
það séu aðeins 13 ára stelpur sem séu skotnar í honum. Sjálfur er hann nítján ára gamall.
www.myspace.com/dabbihugrof