Morgunblaðið - 10.12.2007, Page 16
16 MÁNUDAGUR 10. DESEMBER 2007 MORGUNBLAÐIÐ
VESTURLAND
Eftir Guðrúnu Völu Elísdóttur
Akranes | Alþjóðadagur sjálfboðaliða var
fimmtudaginn 5. desember og var hann
haldinn um allt land. Tilgangurinn er að
gera starfi sjálfboðaliða hátt undir höfði,
ekki bara sjálfboðaliðum Rauða krossins
heldur öllum alls staðar. Anna Lára Stein-
dal, verkefnastjóri hjá Akranesdeild Rauða
krossins, segir að þau hafi ákveðið að gera
mikið úr þessum degi og hafa sjálfboðalið-
ana sýnilega. „Í kynningarvikunni okkar
sem var í október voru hannaðir bolir sem á
stendur „Ég er sjálfboðaliði“. Við ákváðum
að nýta þá aftur og sjálfboðaliðarnir okkar
mættu til sinna starfa í bolunum sínum.
Okkur fannst þetta mjög einföld leið til að
vekja athygli á störfum sjálfboðaliða. Þann-
ig gat þá hver og einn verið til svara um það
hvað hann gerir sem sjálfboðaliði hjá Rauða
krossinum. Þeir sem hafa áhuga gátu þá í
kjölfarið stigið fyrstu skrefin inn í starfsem-
ina.
Á ólíklegustu stöðum
Anna Lára segir að þennan dag hafi fólk
klæðst bolum á ólíklegustu stöðum. „Það
mátti sjá blaðamann á Fréttablaðinu, al-
þingismann að stýra nefndarstörfum á Al-
þingi, nemendur og starfsfólk Grundaskóla,
starfsfólk á bæjarskrifstofunum, í þreksaln-
um, í Fjöliðjunni svo einhverjir séu nefndir.
Þetta vakti heilmikla athygli á störfum sjálf-
boðaliðanna og um leið á verkefnum deild-
arinnar í þágu mannúðar. Við höfum um 50
virka sjálfboðaliða hér sem er ótrúlega hátt
hlutfall og eru þá ótaldir allir sem taka þátt í
ýmsum átaksverkefnum á borð við Göngum
til góðs, vinna að neyðarvörnum, allur sá
fjöldi barna sem safna fé til styrktar félag-
inu og svo kemur stór hópur barna mjög til
sögu í jólverkefnunum okkar. Verkefni
deildarinnar eru fjölbreytt og reglubundin.“
Anna Lára segir að miðað við athyglina
sem hinir sýnilegu sjálfboðaliðar vöktu
kæmi sér ekki á óvart þótt það ætti eftir að
fjölga í hópnum á næstunni. „Flestir sjálf-
boðaliðar eru í verkefnum sem miða að því
að rjúfa félagslega einangrun. Við erum
einnig með hóp sem sinnir verkefninu
„Byggjum betra samfélag“ og hefur t.d. þátt
í útvarpi Akraness. Hópurinn er með frið-
argöngu á Þorláksmessu, en þetta er
fimmtudagshópurinn okkar sem sam-
anstendur af öryrkjum. Auk þess erum við
með hóp sjálfboðaliða af erlendum uppruna
sem tengjast allskonar hlutum í verkefnum
okkar með og fyrir erlenda íbúa á svæðinu.“
Jólaverkefni
Það sem er á döfinni fyrir jólin segir Anna
Lára vera þrennt. „Við erum með verkefni
sem felst í því að við tökum á móti jólagjöf-
um fyrir fátæk börn í fjölskyldum á Akra-
nesi og í Hvalfjarðarsveit. Þetta er gert í
samvinnu við félagsþjónustu sveitarfélag-
anna. Í fyrra voru 84 börn sem nutu góðs af
þessu. Allir sem vilja leggja sitt af mörkum
geta fært okkur jólagjafir sem við komum til
réttra aðila. Í öðru lagi bjóðum við öllum
bæjarbúum sem vilja koma til okkar nk.
þriðjudag, 11. desember, í jólakortaföndur,
við leggjum til efnið og svo eru kortin send
þeim sem enga eiga að, með kærleikskveðju
frá sjálfboðaliðum. Í fyrra sendum við út á
milli 50 og 60 jólakort. Og í þriðja lagi er
það friðargangan, en á Þorláksmessu kl. 18
verður safnast saman við stjórnsýsluhúsið
og gengið með blys niður á Akratorg og þar
sem verður flutt stutt hugvekja og kirkju-
kórinn syngur nokkur jólalög.
Starfi sjálfboðaliða
er gert hátt undir höfði
Morgunblaðið/Guðrún Vala
Í góðra vina hópi Arnar Freyr Sigurðsson, nemi í Grundaskóla, vakti athygli á störfum sjálfboðaliða með því að klæðast bol Rauða krossins.
„Ég er sjálfboðaliði“ Þrír sjálfboðaliðanna
sem tóku þátt í verkefni Akranesdeildarinnar.
Efstur er Erlingur Birgir Magnússon, sem
vinnur í Fjöliðjunni, Guðrún Aðalsteinsdóttir í
miðið, skólaliði í Grundaskóla, og neðst Sig-
rún Ósk Kristjánsdóttir blaðamaður.
Hönnuðu boli Anna Lára Steindal verk-
efnastjóri segir Rauðakrossdeildina á Akra-
nesi hafa leitast eftir að gera sjálfboðaliðana
sýnilega á alþjóðadegi sjálfboðaliða.
ALMENN ánægja er með starf
Fjölbrautaskóla Snæfellinga, meðal
nemenda, starfsfólks, foreldra, sveit-
arstjórnarfólks og annarra heima-
manna. Úttekt sem menntamála-
ráðuneytið lét gera á starfi skólans
þau þrjú ár sem hann hefur starfað,
reyndist jákvæð og þar komu jafn-
framt fram góðar ábendingar um
það sem betur má fara.
Með svo góða byrjun stendur skól-
inn frammi fyrir þeirri spurningu
hvernig megi þróa starfið áfram,
þannig að hann verði áfram í fremstu
röð og þjóni nemendum og samfélagi
sínu vel, segir í tilkynningu frá skól-
anum. Leitað var til þeirra sem láta
sig skólann varða og það fólk spurt
hvernig það vill sjá skólann þróast.
Þetta var gert með þremur fundum;
opnum fundi, fundi með nemendum
og loks fundi starfsmanna og skóla-
nefndar.
Á fundunum komu fram sam-
hljóða skilaboð um það að skólinn
hefur sannað tilvist sína sem góður
framhaldsskóli með metnað og fram-
sýni að leiðarljósi. Hann hefur haft
jákvæð áhrif á byggðaþróun á Snæ-
fellsnesi og aukið tengsl milli byggð-
arlaga.
Stoltir af félagslífinu
Meðal þess sem nemendur eru
stoltir af, er félagslífið, sem þau telja
vera gott miðað við stærð skólans,
fjöldi nemenda og aldur nemenda-
félags. Þau nefndu líka sérstaklega
góðan anda í skólanum, að allir væru
jafnir og þar ríkti traust.
Varðandi framtíðarþróun skólans
skiptir mestu, að hann haldi áfram
að vera framsækinn og leiðandi og
samfélögin sem að honum standa
veiti starfinu gott bakland.
Skólinn þurfi að halda sérstöðu
sinni og vera eftirsóknarverður fyrir
nemendur. Í því skyni þurfi að leggja
áherslu á endurmenntun og þróun-
arstarf og vera í takt við tíma og
tækni. Fjölmörg tækifæri felast í
meiri tengingu út í samfélögin á
Snæfellsnesi, ekki síst við atvinnulíf.
Það kunni að vera lykillinn að því að
auka verknám við skólann, sem kall-
að hefur verið eftir.
Að mati starfsfólks stendur skól-
inn frammi fyrir þeirri áskorun að
stækka sem skóli, sem heldur stöð-
ugt áfram að þróast – án þess endi-
lega að nemendum á staðnum fjölgi.
Þetta megi gera með auknu vægi
dreifnáms, fullorðinsfræðslu og sam-
starfi við atvinnulífið. Huga þurfi að
þróun nýrrar námsbrautar þar sem
umhverfi, atvinnulíf og þekking á
svæðinu er nýtt. Skilyrði starfsfólks
til þróunar og endurmenntunar þurfi
að vera góð. Miklu skipti að halda
sérstöðu skólans.
Að mati nemenda þarf að bæta
ýmsa aðstöðu, s.s. til náms og
íþróttaiðkunar og fjölga rútuferðum.
Félagslíf bæði innan skólans og á
stöðunum þurfi að vera gott, auka
þurfi fjölbreytni í námsframboði og
rækta áframhaldandi samstöðu á
milli nemenda.
Umsjón með fundunum og grein-
ingu á skilaboðum var í höndum ráð-
gjafarfyrirtækisins Alta. Skýrsla um
starf skólans var unnin af Ásrúnu
Matthíasdóttur og Trausta Þor-
steinssyni. Nú munu skólastjórnend-
ur vinna frekar úr efniviðnum inn í
stefnu skólans, skólanámskrá og
annað þróunarstarf.
Verði áfram
framsækinn
og leiðandi
Jákvæð reynsla af Fjölbrautaskóla
Snæfellinga fyrstu starfsárin
Spáð og spjallað Nemendur stinga saman nefjum í kaffihúsi Framhalds-
skóla Snæfellinga. Skólinn hefur nú verið starfandi í þrjú ár.