Morgunblaðið - 24.12.2007, Blaðsíða 6

6 MÁNUDAGUR 24. DESEMBER 2007 MORGUNBLAÐIÐ
FRÉTTIR
Eftir Sunnu Ósk Logadóttur
sunna@mbl.is
LÍKLEGA eru fáir sem velja að
vinna á aðfangadagskvöldi jóla, en
þó eru þess dæmi. Þannig er því
m.a. farið með hjúkrunarfræðing á
Landspítalanum sem Morgunblaðið
ræddi við og dómorganistanum
finnst ómissandi að leika jólalögin í
kirkjunni á aðfangadagskvöld.
„Ég er alls ekki kvíðin að vinna
um jólin, mig langaði að prófa að
upplifa þetta þar sem ég hef aldrei
áður unnið á aðfangadagskvöld,“
segir Viktoría Björk Erlendsdóttir,
hjúkrunarfræðingur á bráða-
móttöku Landspítalans á Hring-
braut, sem verður á vaktinni frá
15.30-23.30 á aðfangadag.
„Við reynum að hafa aðfanga-
dagskvöld eins þægilegt og hátíð-
legt og hægt er, fyrir bæði sjúk-
linga og starfsfólk,“ segir hún.
Spurð hvort jólaskapið komi þá
nokkuð fyrr eftir vaktina segir hún
það af og frá, hún sé þegar komin í
mikið jólaskap. Hins vegar setji
vinnan óneitanlega ákveðið strik í
reikninginn og hún bíður t.d. með
að opna pakkana með manni sínum
þar til á jóladag. „Við fáum jólamat
á spítalanum á aðfangadagskvöld,
en ég held að mín jól verði í raun og
veru á jóladag, ég seinka þeim bara
aðeins,“ segir hún hlæjandi.
Fylgst með orkunotkun
Starfsmenn Orkuveitunnar verða
líka á vaktinni til að sjá til þess að
rafmagn slái hvergi út og að allir
hafi heitt og kalt vatn í jólabaðið.
Sjö vinnuflokkar verða í viðbragðs-
stöðu víðs vegar um höfuðborgar-
svæðið í þeim tilgangi að sinna út-
köllum þegar mesta álagið er á milli
kl. 16 og 19 á aðfangadagskvöld.
Verkefnin eru margvísleg, allt frá
því að aðstoða fólk við að skipta um
öryggi í heimahúsum upp í að laga
stærri kerfisbilanir, komi þær upp.
Þá verða starfsmenn á vakt í stjórn-
stöð Orkuveitunnar og fylgjast með
því að allt gangi vel fyrir sig, til-
búnir að grípa inn í geri bilanir vart
við sig. Benedikt Einarsson er einn
þeirra. „Nei, það er alls ekki ein-
manalegt hér á aðfangadagskvöld,“
segir Benedikt. Fjölgað er á vakt-
inni á aðfangadag enda orkunotkun
mikil. „Álag í íbúðahverfum er
meira á þessu kvöldi en gengur og
gerist vegna eldamennsku. Þá getur
ýmislegt komið upp á,“ segir hann,
en bætir við að sem betur fer séu
alvarlegar bilanir fátíðari nú en áð-
ur fyrr. Starfsmenn OR sem verða
á ferðinni fá jólanesti frá kokknum
og þeir sem eru í húsi gæða sér
einnig á ljúffengum jólamat í tilefni
dagsins. Maturinn er tekinn
snemma, því eftir að eldavélarnar í
borginni fara að mala er í nógu að
snúast hjá starfsfólki OR. Eftir að
mesta álagið er yfirstaðið fer
stærsti hluti starfsmannanna heim
á leið. „Jólahald hefst því seinna hjá
okkur en flestum öðrum,“ segir
Benedikt. „En við mætum skilningi
heima fyrir.“
Gaman að flytja jólalög
Marteinn H. Friðriksson, organ-
isti í Dómkirkjunni, segir það hluta
af jólunum að spila í kirkjunni kl. 18
á aðfangadagskvöld.
„Ég þekki ekki annað en að spila
á aðfangadagskvöld, það hef ég gert
frá mínum menntaskólaárum,“ seg-
ir Marteinn, en hann er ættaður frá
Þýskalandi og hefur starfað í Dóm-
kirkjunni í nær þrjá áratugi. „Það
er yndislegt að flytja jólatónlist,
hún er svo falleg. Þetta gæti ekki
verið skemmtilegra viðfangsefni.“
Eiginkona Marteins, Þórunn
Björnsdóttir kórstjóri, syngur oft í
kirkjunni þegar Marteinn leikur, en
á aðfangadagskvöld er hún heima
að undirbúa jólamatinn. „Það er
beðið eftir mér heima og ætlast til
að ég flýti mér heim,“ segir Mar-
teinn og hlær. Hann segir stemn-
inguna í kirkjunni á aðfangadags-
kvöld einstaka. „Það er svo mikil
eftirvænting í fólki. Núna er mess-
unni líka útvarpað og það hlusta
ótrúlega margir og eru með okkur
þessa kvöldstund. Það finnst okkur
yndislegt.“
Í fangageymslu um jólin
Um 20 manna lið lögreglunnar
verður á vakt á höfuðborgarsvæð-
inu á aðfangadagskvöld. „Það er yf-
irleitt ekki mjög mikið að gera en
þó meira en maður óskaði að væri,“
segir Sigursteinn Steinþórsson,
varðstjóri hjá lögreglunni á höfuð-
borgarsvæðinu, sem verður á vakt-
inni. Mál sem upp geta komið eru
margskonar. „Það hefur komið fyrir
að við höfum þurft að skerast í leik-
inn í heimiliserjum og svo er ógæfu-
fólk á ferðinni á þessu kvöldi.“ Þá
fer jólamaturinn, reykta kjötið,
stundum illa í fólk og dæmi um áföll
af þeim sökum sem lögreglan þarf
að sinna ásamt sjúkraflutn-
ingamönnum.
Meðal þess sem lögreglan sinnir
er eftirlit í hverfum borgarinnar.
„Það halda ekki allir jólin hátíðleg,
sumir eru að spá í eitthvað allt ann-
að eins og að brjótast inn og stela,“
segir Sigursteinn. Hann segir þó
reynt að hafa vaktina hátíðlega og
klæðist lögreglan t.d. hátíðarbún-
ingi á þessum degi. Borðaður er
góður matur og jólakort með hlýj-
um kveðjum og hvatningarorðum
eru opnuð. Sigursteinn hefur oft
staðið vaktina um jólin. „Við höfum
lent í því að þurfa að stilla til friðar
í slagsmálum og höfum alltof oft
haft fólk í fangageymslum okkar á
aðfangadagskvöldi. Þetta er að
aukast.“
Sigursteinn á von á því að opna
pakkana er hann kemur heim á
miðnætti og jafnvel fá sér smá bita
af jólamatnum. „Það gleðilegasta
við þessi jól hjá mér er að sonur
minn og tengdadóttir sem búa í
Bandaríkjunum komu óvænt heim,“
segir hann. „Það bjargar jólunum
hjá mér.“
Morgunblaðið/Ómar
Organistinn „Ég þekki ekki annað en að spila á aðfangadagskvöld, það hef ég gert frá mínum menntaskólaárum,“ segir Marteinn H. Friðriksson, organisti í Dómkirkjunni.
Standa vakt-
ina á aðfanga-
dagskvöld
Á meðan þorri landsmanna rennir niður jólasteik-
inni á aðfangadagskvöld í faðmi fjölskyldunnar
eru aðrir á vaktinni að sinna sjúklingum, öryggis-
málum og orgelleik við aftansöng.
Morgunblaðið/Eggert
Hjúkrunarfræðingurinn Hátíðlegt á spítalanum, segir Viktoría Björk.
Morgunblaðið/Ómar
Morgunblaðið/Brynjar Gauti
Varðstjórinn Sigursteinn Steinþórsson gætir öryggis borgaranna.
Deildarstjórinn Benedikt Einarsson hjá OR fylgist með orkunotkun.