Morgunblaðið - 24.12.2007, Page 28

daglegt líf
28 MÁNUDAGUR 24. DESEMBER 2007 MORGUNBLAÐIÐ
Loksins er komið að því: aðfangadagur! Þá erröðin komin að mér, Kertasníki. Bræður mínir
geta nú lært ýmislegt af mér. Þeir eru alltaf að gera
einhverja vitleysu. En þeir gera sitt besta og ein-
hvern tíma verða þeir kannski hér um bil eins góðir
og ég. Gleðileg jól! – Þið náið mér aldrei!
Kertasníkir leysir frá skjóðunni - Anja og Markus Kislich
Kertasníkir – 24. desember
Fastir liðir og einstök atvik sem tengjast mörg-um jólum standa upp úr þegar ég rifja uppeftirminnilegustu jólin mín,“ segir Hrafnhild-
ur Tryggvadóttir, upplýsinga- og ferðamálafulltrúi.
„Mamma að sauma dressin á okkur dömurnar;
stemningin við að hjálpa ömmu að skreyta á Þor-
láksmessu; dvergaplakatið sem farið var með eins og
verðmætt handrit, því það var nánast ónýtt; ljósa-
serían á tréð sem var alltaf biluð (en einhvern veg-
inn tókst alltaf að koma henni í gang eftir mikið
bras); jólakveðjurnar og hangikjötsilmurinn í húsinu
í bland við Ajaxilminn.“
Á æskuheimili Hrafnhildar var jólamaturinn borð-
aður klukkan sex líkt og víðar.
„Þá var hlustað á messuna í útvarpinu um leið og
allir voru í sínu fínasta pússi. Ég man eftir eplakass-
anum og mandarínunum, nammi í skál, kertaljósum
um allt hús, jólamessunni í sjónvarpinu, ljósinu sem
loga átti á jólanótt, og kvöldkaffinu hjá ömmu þar
sem boðið var upp á heitt súkkulaði og rjómatertur.
Þrátt fyrir að allir væru löngu orðnir saddir var sest
niður fyrir svefninn og allir gæddu sér á dýrindis
kræsingum.“
Hrafnhildur ólst upp í sveit í fjögurra systra hópi.
„Alla okkar æsku vorum við sannfærðar um að
mjaltirnar væru óvenju tímafrekar einmitt á að-
fangadagskvöld, vorum alltaf að kíkja út og gá hvort
ekki færu að minnka ljósin í fjósinu, hvort mamma
og pabbi væru ekki alveg að koma inn því þá fyrst
var hægt að opna pakkana. Eins vorum við ótrúlega
liðlegar við að hjálpa þeim að drífa sig svolítið að
skipta um föt, svo hægt væri að ráðast á pakkahrúg-
una.
Einstakt andrúmsloft
Allar þessar hefðir, þessi mikla eftirvænting, þetta
einstaka andrúmsloft sem einkennir jólahátíðina er
sterkt í minningunni, miklu sterkara en nokkurn
tímann hvað það var sem kom upp úr pökkunum, því
það er ekki eins minnisstætt.“
Þó eru jólabækurnar þær gjafir sem Hrafnhildur
man helst eftir „Strax eftir að hafa opnað pakkana fór
ég að lesa bókina sem ég hafði fengið. Skemmtilegasta
við jólanóttina var að þá mátti maður vaka eins og
maður vildi, og notaði ég þá nótt í að lesa bókina
góðu. Einmitt þetta finnst mér að jólin eigi að gera;
skapa minningar sem snúast um annað en veraldlega
hluti.“
Hefðirnar eru sterkar
í minningunni
Jólaminning Hrafnhildur Tryggvadóttir segir þær syst-
urnar hafa verið sannfærðar um að mjaltirnar væru
óvenju tímafrekar á aðfangadagskvöld.
Sú Grýla sem flestir krakkar óttast
er ekkert nútímafyrirbrigði. Hún
er einn frægasti óvætturinn sem
kemur fram í þjóðsögum og ævin-
týrum síðari alda að því er segir í
bók Árna Björnssonar, Sögu dag-
anna.
Orðið sjálft merkir eitthvað í lík-
ingu við ógn, hótun eða hrylling og
birtist óvætturinn Grýla sem flagð
eða óhræsi þegar á 13. öld. Fjöl-
mörg grýlukvæði hafa varðveist í
gegnum aldirnar þar sem hvorki
eru dregnar upp fagrar lýsingar á
útliti hennar né innræti. Í gömlum
sögnum er sagt að auk Leppalúða
hafi hún átt tvo aðra eiginmenn, þá
Bola og Gust, og á áttunda tug
nafngreindra barna. Óvætturinn sá
arna þurfti vitaskuld að afla fæðu
bæði fyrir sinn óseðjandi maga og
fjölskylduna en sagt var að eftirlæt-
ismatur hennar væri kjöt af óþæg-
um börnum. Henni var lítið gefið
um fisk, súpur og grauta.
Grýla var þó, að því er segir í
Sögu daganna, ekki bendluð sér-
staklega við jólin fyrr en á 17. öld
og þá í leit að óþægum börnum, sem
hrína, ærslast og angra móður sína,
en væru börnin hins vegar þæg og
dugleg að læra var vonlaust fyrir
Grýlu að ná þeim. Sögurnar af
Grýlu virðast því hafa verið not-
aðar til að temja börn og aga þau.
Í dag er Grýla nú farin að mildast
og jafnvel sjást í för með kaup-
mannsjólasveinunum, svo eitthvað
eru þjóðsagnirnar farnar að mild-
ast á 21. öldinni.
Eldgamla
Grýla er
ekki góð
Morgunblaðið/Ásdís
Grýla kerlingin Sögurnar af
henni virðast hafa verið notaðar til
að temja börn og aga þau.
Gefnir hafa verið út 3 víxlaflokkar; flokkur VBS 08 0111, gefinn út 5. október
2007 með gjalddaga 11. janúar 2008 að upphæð 2.150.000.000 kr.
nafnverðseining 5.000.000 kr. (ISIN númer IS0000015691), VBS 08 0215,
gefinn út 15. október 2007 með gjalddaga 15. febrúar 2008 að upphæð
1.550.000.000 kr., nafnverðseining 5.000.000 kr. (ISIN númer
IS0000015808) og VBS 08 0411, gefinn út 5. október 2007 með gjalddaga
11. apríl 2008 að upphæð 1.000.000.000 kr., nafnverðseining 5.000.000 kr.
(ISIN númer IS0000015691).
Víxlarnir verða teknir til viðskipta þann 27. desember 2007. Víxlarnir eru
vaxtalausir og óverðtryggðir.
Lýsinguna má nálgast á prentuðu formi hjá útgefanda, VBS, Suðurlandsbraut
18, 108 Reykjavík og á vefsetri útgefanda www.vbs.is í 12 mánuði frá
dagsetningu tilkynningar þessarar.
Umsjónaraðili skráningarinnar er VBS fjárfestingarbanki hf.
Reykjavík, 24. desember 2007
Suðurlandsbraut 18
108 Reykjavík
Sími: 570 1200
Fax: 570 1209
www.vbs.is
vbs@vbs.is
F
í
t
o
n
/
S
Í
A
Tilkynning
VBS fjárfestingarbanki hf. (VBS), kt. 621096-3039,
hefur birt lýsingu vegna skráningar víxla félagsins á
OMX Nordic Exchange Iceland hf.
flísar
Stórhöfða 21, við Gullinbrú,
sími 545 5500.
www.flis.is ● netfang: flis@flis.is
Allt fyrir baðherbergið
Mikið úrval af
fallegum
rúmfatnaði
Skólavörðustíg 21 Reykjavík sími 551 4050
Fréttir
á SMS