Morgunblaðið - 29.12.2007, Blaðsíða 20

Morgunblaðið - 29.12.2007, Blaðsíða 20
áramótaborðið 20 LAUGARDAGUR 29. DESEMBER 2007 MORGUNBLAÐIÐ Blómasysturnar þær Rúna Björg Magnúsdóttir og Anges Lind Heið-arsdóttir í Ráðhúsblómum eyða báðar áramótunum í faðmi stórfjölskyld-unnar. Rúna Björg er með fjölskyldu sinni í Garðabænum, en Agnes Linder í vesturbæ Reykjavíkur. Þær segja báðar líf og gleði einkenna áramót- in enda komi þá saman systkini og frændsystkin og mikið til sé þetta sama fólkið sem þar hittist ár eftir ár. Í hvorugu tilfellinu er haldið mjög fast í hefðirnar þó allir sem vettlingi geta valdið fari að sjálfsögðu á brennu. Maturinn getur hins vegar verið nokkuð breytilegur. „Í fyrra var boðið upp á hreindýr sem bragðaðist mjög vel, en við erum ekki búin að ákveða hvað verður á borðum í ár,“ segir Rúna Björg. Hækkandi sól og nýir tímar setja svip sinn á áramótaborðið sem þær skreyta. „Við notum mikið af laukblómum, amaryllis – eða riddarstjörnu – hýasintur og túlípana,“ segir Rúna Björg og bætir við að það taki um hálfan mánuð að fá hýas- intuna til að blómstra en reikna verði með tveimur til þremur mánuðum fyrir ridd- arastjörnuna. „Við leggjum út af þemanu um hækkandi sól og nýja tíma og notum þess vegna bjarta og ferska, kalda og glitrandi liti. Það hæfir nýju ári að byrja með gleði og bjartsýni og það sýnum við með laufblómum, glamúrgreinum og álfagulli,“ bætir Agnes Lind við. Rúna Björg Magnúsdóttir og Agnes Lind Heiðarsdóttir Glamúrgreinar og álfagull Áramótaborðið Agnes Lind og Rúna Björg lögðu út frá þemanu um hækkandi sól og nýja tíma. Glamúrgreinar Kaldir, ferskir og glitrandi litir gefa borðinu skemmtilegan svip. Nýtt og ferskt Hvítir túlípanar og glitrandi greinar eiga vel við um áramót. Morgunblaðið/Ómar Lifandi Lauk- blóm eiga vel við í borð- skreytingu þar sem ýjað er að komandi vori. Það hæfir nýju ári að byrja með gleði og bjartsýni Monika E. Kowalewska, sem er meðBlómastofuna Eiðistorgi, vill hafa nógaf kertum í kringum sig um áramótin. „Við fjölskyldan njótum þess að vera heima saman á gamlársdag, elda góðan mat og undirbúa áramótin,“ segir Monika. „Við erum síðan alltaf með opið hús og yfirleitt eru um 10-15 manns í veislu hjá okkur, þannig að það er mikið líf og fjör.“ Monika er pólsk og um áramótin býður hún því gestum upp á eins konar hlaðborð að pólskum sið. „Við höfum marga rétti á borðum, til dæmis svína- kjöt og kjúkling eða kalkún, salat og brauð og rétt- irnir eru úthugsaðir þannig að gestirnir fái sér oft á diskinn og njóti þess að borða brauð og og salat með kjötinu.“ Hún segir fastar hefðir í bland við nýjungar jafn- an setja svip sinn á veisluna. „Við erum til dæmis alltaf með köku sem tekur tvo daga í undirbúningi, en hana bökuðu bæði mamma mín og amma á und- an mér.“ Það er svo fastur liður að fara bæði á brennu og skjóta upp flugeldum. „Í fyrra fórum við út í bæ á brennu, en í ár erum við búin að ákveða að vera bara heima og kíkja þá á næstu brennu sem er í Grafarvoginum.“ Áramótaborð Moniku er í sveitastíl og nokkuð ólíkt þeim skreytingum sem hún býður upp á í Blómastofunni. „Ég er mikið fyrir pólskar ker- amikvörur og nota því þær ásamt pólskum ullar- dúk. Borðið skreyti ég síðan með náttúrulegum efn- um, til að mynda könglum, því að ég vil gjarnan hafa hlutina lifandi. Síðan kem ég fyrir fjöldanum öllum af kertum til að fá hlýlega birtu í kringum veisluborðið.“ Færir náttúruna inn í stofu Morgunblaðið/Frikki Náttúrulegt Með köngla- skreyting- unni er nátt- úran færð inn í hús. Veisluborðið Á borðum er pólskur ullardúkur og svo er skreytt með hlutum úr náttúrunni. Sveitastíll Pólski keramikborðbúnaður- inn gefur lífegt yfirbragð. Monika E. Kowalewska Við erum til dæmis alltaf með köku sem tekur tvo daga í undirbúningi.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.