Morgunblaðið - 29.12.2007, Blaðsíða 42

Skyndilega rennir
bíll í hlaðið og það
er skotið úr haglabyssu… 46
»
reykjavíkreykjavík
Eftir Ingveldi Geirsdóttur
ingveldur@mbl.is
„ÞAÐ er engin sérstök ástæða fyrir
því að ég er að hætta, þetta er eins og
þegar maður flytur að heiman, mig
langar til að standa á eigin fótum,“
segir Urður Hákonardóttir söngkona
í GusGus, en í kvöld fara einmitt fram
lokatónleikar hennar með bandinu á
Nasa. „Ég byrjaði í GusGus þegar ég
var 19 ára, árið 2000, og nú er bara
komið að tímamótum. Ég ætla að fara
að vinna að eigin tónlistarefni, en ég
útiloka ekki að ég muni vinna með
þeim aftur. Ég verð samt að fá fjar-
lægð frá GusGus til að geta sinnt
öðru,“ segir Urður og tekur fram að
engin dramatísk ástæða liggi á bak
við það að hún hætti í bandinu. „Það
er allt í góðu á milli okkar í GusGus,
það eru allir vinir.“
Spurð í hvaða anda sólóefni hennar
verði segir Urður: „Þetta verður ekki
teknó en það verður elektrónískt og
örugglega einhver áhrif frá GusGus-
árum mínum. En annars er ég ekki
komin svo langt með efnið að ég viti
nákvæmlega hvernig það endar.“
Urður hefur gert tvær plötur með
GusGus sem fengið hafa einróma lof
aðdáenda og gagnrýnenda um allan
heim. Nú seinast kom frá þeim disk-
urinn Forever sem sveitin hefur fylgt
stíft eftir á árinu sem er að líða. Tón-
leikarnir á Nasa verða einnig sein-
ustu Forever-tónleikar GusGus.
Urður segir að þetta verði því tvö-
faldir lokatónleikar, seinustu tónleik-
arnir í Forever-túrnum og seinustu
tónleikarnir hennar. Hún segir þó
engar óvæntar uppákomur skipu-
lagðar á Nasa. „Allir okkar tónleikar
eru ólíkir og vonandi getum við gert
þessa sérstaka og skemmtilega og
komið fólki endalaust á óvart.“
Húsið verður opnað kl. 23 í kvöld.
The giant viking show hitar upp
ásamt Jack shidt. Miðaverð er 3.000
kr. og er hægt að fá miða í forsölu á
midi.is.
Langar til að standa á eigin fótum
Morgunblaðið/Eyþór
Stuð Urður hefur verið söngkona GusGus í sjö ár og ætlar nú að breyta til.
 Það hefur
löngum verið
ljóst að tónlist
Sigur Rósar á
það til að
kalla fram lit-
skrúðugar
myndir í hugskotum áheyrenda.
Tónlist sveitarinnar fellur líka vel
að keliríi og kossalátum, ef marka
má teiknimynd á vefnum Question-
able Content (http://questionable-
content.net/view.php?comic=123)
eftir J. Jacques.
Söguhetjan segir kærustu sinni
af vandræðum vinar síns, hann hafi
vantað góða tónlist fyrir stefnumót,
tónlist sem gott væri að kela við.
Vinurinn ráðleggur honum að
brenna á disk blöndu af Air og Sig-
ur Rós. Stúlkur vilji alltaf kela við
þá tónlist. Kærastan áttar sig þá á
því af hverju kærastinn setur alltaf
Sigur Rós í geislaspilarann þegar
orðið er áliðið og þau vel í glasi.
„Himneskar, íslenskar stunur
losa ekki um lærin á mér, góði!“
hrópar hún bálreið og slær kærast-
ann niður. Menn verða greinilega
að fara varlega í Sigur Rós á
stefnumótum!
Tónlist Sigur Rósar og
Air kjörin fyrir kelirí
 Á morgun
verður fluttur
þáttur á Rás 1 um
fyrstu íslensku
barnastjörnuna,
Gunnar Óskars-
son. Gunnar kom
fyrst fram árið 1939 og með ein-
hverja fallegustu drengjasópran-
rödd sem heyrst hefur á landinu
fyrr og síðar. Gunnar var alltaf
kallaður Gunnar Óskarsson 12 ára,
fæddur 17. september árið 1927.
Hann hefði orðið áttræður á þessu
ári.
Í þættinum verður lífshlaup hans
rakið og rætt við fólk sem þekkti
hann. Þuríður Pálsdóttir söngkona
segir m.a. frá námsárum þeirra
Gunnars í Mílanó, leiknar verða
hljóðritanir með Gunnari frá því er
hann var 14 ára og söng inn á
hljómplötur árið 1942. Lesari í
þættinum er Herdís Hallvarðsdótt-
ir. Þátturinn hefst kl. 9.03.
Gunnar Óskarsson
12 ára
Eftir Ingveldi Geirsdóttur
ingveldur@mbl.is
„ÞETTA er búið að vera viðburðaríkt og
skemmtilegt ár,“ segir Dóra Jóhannsdóttir leik-
kona þegar hún er spurð út í hvernig árið 2007
hafi farið með hana.
„Við frumsýndum leikritið Leg eftir Hugleik
Dagsson í febrúar og var það fyrsta stóra hlut-
verkið mitt eftir útskrift.“ Dóra útskrifaðist úr
leiklistardeild Listaháskóla Íslands vorið 2006.
„Það stendur upp úr hjá mér að hafa frumsýnt
þessa skemmtilegu sýningu á Stóra sviði Þjóð-
leikhússins,“ bætir hún við. Stutt er síðan sýn-
ingum á Legi lauk og kveðst Dóra ekki hafa ver-
ið komin með nóg af hlutverki sínu sem
unglingsstelpan Kata. „Það var svo skemmti-
legur hópur sem kom að verkinu að þetta var
eins og að fara í partí í hvert skipti sem ég mætti
í vinnuna, sýningafjöldinn var alls engin kvöð,
aðeins forréttindi.“ Dóra fer einnig með hlut-
verk fréttakonu í verkinu Óhapp! sem var frum-
sýnt á Litla sviðinu í haust.
Aðspurð segist Dóra ekki hafa búist við því að
fara að vinna í Þjóðleikhúsinu strax eftir út-
skrift. „Það er frábær reynsla að fá að leika í
Þjóðleikhúsinu og mér líður mjög vel þar. Ég er
líka meðlimur í leikhópnum Vér morðingjar en
við setjum upp í samstarfi við Þjóðleikhúsið á
næsta ári leikrit sem heitir Sá ljóti.“
Húsfreyjan Sigrún
Margt hefur drifið á daga Dóru á árinu, meðal
annars fór hún með aukahlutverk í sjónvarps-
þáttaröðinni Næturvaktinni. Auk þess var hún
að ljúka við að leika aðalhlutverkið í nýrri stutt-
mynd eftir Ísold Uggadóttur sem kemur út á
næsta ári. Spurð hvort árið hafi farið eitthvað
öðruvísi en hún ætlaði sér jánkar Dóra því. „Ég
ætlaði að eyða sumrinu í utanlandsferð til fjar-
lægra slóða. Við ætluðum að ferðast um Suður-
Ameríku eða Asíu í allt sumar en síðan bara
keyptum við okkar fyrstu íbúð í staðinn, svo það
var persónulega merkisviðburður á árinu,“ segir
Dóra sem er í sambúð með Jörundi Ragnarssyni
leikara sem hefur líkt og hún verið áberandi í
leiklistinni á árinu, m.a. í Næturvaktinni.
Dóra er nú við æfingar á Baðstofunni, nýju
leikriti eftir Hugleik Dagsson, sem verður frum-
sýnt í Kassanum í Þjóðleikhúsinu í febrúar. „Þar
leik ég húsfreyjuna Sigrúnu sem er þunglyndis-
sjúklingur en þar sem leikritið gerist árið 1750
var sú greining ekki til svo hún er skilgreind
sem letingi.“
Dóra segir að auðvitað sé margt fleira í deigl-
unni á komandi ári en Baðstofan og Sá ljóti en
ekkert sem hægt sé að greina frá strax. Hún seg-
ir þó að draumurinn árið 2008 sé að komast í ut-
anlandsferðina sem datt upp fyrir í ár.
Stóð á Stóra sviðinu
 Dóra Jóhannsdóttir leikkona átti viðburðaríkt ár  Fer með hlutverk í Baðstof-
unni, nýju leikverki Hugleiks Dagssonar, sem verður frumsýnt á komandi ári
Morgunblaðið/Ómar
Dóra Ætlaði í bakpokaferðalag á framandi slóðir seinasta sumar en keypti sér íbúð í staðinn. Hún vonast til að geta ferðast á komandi ári.