Morgunblaðið - 15.01.2008, Blaðsíða 17
MORGUNBLAÐIÐ ÞRIÐJUDAGUR 15. JANÚAR 2008 17
LANDIÐ
Árvakur/Helgi Bjarnason
Endurkoma Eydís Hentze heldur á
dóttur sinni, Katrínu Guðmunds-
dóttur, sem er í uppáhaldsbleiunni.
Eftir Helga Bjarnason
helgi@mbl.is
Reykjanesbær | „Taubleiur eru
orðnar nánast eins einfaldar í notk-
un og pappírsbleiur og eru að
sækja á að nýju,“ segir Eydís
Hentze sem rekur vefverslunina
draumafaeding.net. Nýju tau-
bleiurnar eru afar frábrugðnar
gömlu góðu bleiunum, bæði í útliti
og meðhöndlun, þótt þær geri sama
gagn og áður.
Eydís lærði fæðingar-„coach“ í
Danmörku og býður mæðrum og
fjölskyldum aðstoð við fæðingar,
ekki síst undirbúninginn. Í
tengslum við þá starfsemi stofnaði
hún vefverslun með krem og ýmsa
slíka hluti en taubleiurnar hafa
tekið yfir sem aðalverslunarvaran.
Áhugi á umhverfismálum
Eydís hefur sjálf reynsluna af
notkun bleia sem móðir þriggja
barna. Hún notaði hefðbundnar
pappírsbleiur á eldri börnin en litla
dóttirin fær að hafa nýtísku tau-
bleiur.
„Ég sameina vinnuna og áhuga-
málið,“ segir Eydís þegar hún er
spurð um tildrög þess að hún fór að
selja taubleiur. „Ég hef mikinn
áhuga á umhverfismálum og vil
leggja mitt af mörkum til að ganga
vel um náttúruna. Þetta er leið til
þess.“ Við bættist að Eyrún var
þegar með fyrirtæki sem sinnti
þessum markhópi með því að veita
fjölskyldum faglegan stuðning fyr-
ir, í og eftir fæðingu barna.
Hún segir að fólk sem taki tau-
bleiur í notkun kunni vel að meta
það, það viti að barninu líður vel og
það sé um leið að hlífa umhverfinu.
Þá sé fólk hissa þegar það áttar sig
á því hvað það sé auðvelt að nota
bleiurnar. Auk hins venjulega inn-
leggs sem smellt er inn í buxurnar
geti fólk verið með vistvænan
pappír í bleiunni.
Þá telur Eydís að notkun tau-
bleia hafi í för með sér fjárhags-
legan sparnað fyrir fjölskylduna.
Ein taubleia kosti svipað og einn til
tveir pakkar af pappírsbleium. Tel-
ur hún hentugt að eiga tólf til tutt-
ugu bleiur fyrir hvert barn og svo
sé hægt að nýta þær á næstu börn.
„Það er alltaf að koma eitthvað
nýtt, fallegar bleiur og þess þáttar
sem mig hefur langað til að prófa
þannig að minn sparnaður hefur
farið í það.“
Korter á dag í þvott
Bleiuþvotturinn kemur á móti
sparnaði. Eydís segir að gera megi
ráð fyrir einni vél annan eða þriðja
hvern dag sem svari til að það fari
um það bil fimmtán mínútur á dag í
þvotta. Það telur hún ekki mikið
miðað við kostina sem taubleiurnar
hafi. „Þetta er allt annað en var
með gömlu bleiurnar. Þær endast
vel og leka síður. Og þær þarf ekki
að strauja eða brjóta saman.“
Eydís Hentze rekur fyrirtækið
Draumafæðingu á heimili sínu í
Keflavík. Hún er fædd í Færeyjum
en hefur búið á Íslandi og í Dan-
mörku í yfir tuttugu ár.
Sameinar vinnuna og
áhugamálið á heimilinu
Notkun á nýtísku
taubleium eykst
hröðum skrefum
Eftir Birkir Fanndal Haraldsson
Mývatnssveit | Mótorhjóla- og vél-
sleðasamband Íslands hefur sett af
stað mótaröð þriggja ískrossmóta
fyrir vélhjólafólk og verða öll mót
vetrarins við Mývatn. Fyrsta mótið
var haldið um helgina á Stakhóls-
tjörn við Skútustaði í hægviðri, sól-
skini og 15 gráða frosti.
Keppt var í kvennaflokki, vetrar-
dekkjaflokki og opnum flokki. Sam-
tals voru keppendur nær 40, þar af
10 í kvennaflokki. Þrjár umferðir
voru eknar í hverjum flokki.
Sigurvegari í kvennaflokki varð
Signý Stefánsdóttir, í vetrar-
dekkjaflokki Kristófer Finnsson og
í opnum flokki Antony Vernhard
Aguilar.
Á næstu vikum verða tvö önnur
slík mót á sama stað og að þeim
loknum krýndir Íslandsmeistarar í
þessu vinsæla vetrarsporti.
Mótið heppnaðist vel í alla staði
enda öll skilyrði frábær.
Morgunblaðið/Birkir Fanndal
Fyrsta beygjan Það er svolítið þröngt í brautinni fyrst eftir ræsingu en
fljótt greiðist úr. Fyrsta ískross-keppni vetrarins fór fram um helgina.
Sigruðu á fyrsta
ískrossmótinu
Eftir Karl Ásgeir Sigurgeirsson
Hvammstangi | Sveitarfélagið Húna-
þing vestra hefur flutt stjórnsýslu
sína í nýinnréttað Ráðhús. Húsið er á
Hvammstangabraut 5 og var um ára-
bil í eigu Sparisjóðs V-Hún. Húna-
þing vestra keypti húsið á sl. ári og lét
breyta því og laga að þörfum sínum.
Kaupverð og breytingar hafa nú kost-
að um 60 milljónir króna.
Húsið var byggt fyrir Sparisjóðinn
árið 1972 og var hönnuður þess Leif-
ur Blumenststein. Sparisjóðurinn
flutti úr húsinu síðla árs 2006 og er
ánægjulegt að þetta reisulega hús
hefur nú fengið nýtt hlutverk. Ráð-
húsið er tvær hæðir og kjallari með
miklu geymslurými, alls rúmir 600
fermetrar. Iðnaðarmenn á Hvamms-
tanga unnu við breytingarnar, sem
virðast hafa tekist mjög vel.
Starfsemin á einn stað
Sveitarstjóri er Skúli Þórðarson,
en alls eru um 10 manns með skrif-
stofur í Ráðhúsinu. Að sögn Skúla fá
nú aðstöðu á aðalskrifstofu starfs-
menn sem áður voru á öðrum vinnu-
stöðum, svo sem félagsmálastjóri og
íþrótta- og tómstundafulltrúi.
Þá er á efri hæð glæsilegur fund-
arsalur og einnig viðtalsherbergi fyr-
ir sveitarstjórnarfulltrúa. Lyfta er á
milli allra hæða og allt aðgengi fyrir
fatlaða til fyrirmyndar.
Ráðhús tekið í notkun
á Hvammstanga
Morgunblaðið/Karl Ásgeir Sigurgeirsson
Ráðhús Hið nýja ráðhús á Hvammstanga var áður í eigu Sparisjóðs Hún.
SUÐURNES
Garður | Sagnakvöld verður í
Byggðasafninu á Garðskaga í Garði
næstkomandi fimmtudag klukkan
20. Kennararnir Inga Rósa Þórð-
ardóttir, Kristjana Kjartansdóttir
og Sigrún Franklín segja frá á
sagnakvöldinu sem er í boði Sveit-
arfélagsins Garðs.
Saga Hraðfrystihúss Gerðabát-
anna er áhugaverð en með tilkomu
fyrirtækisins efldist byggðin. Inga
Rósa, sem er afkomandi útvegs-
manna í Garði, kynnti sér söguna og
vill miðla henni áfram til íbúa og
annarra gesta.
Kristjana er fædd og uppalin í
Garði. Hún kynnti sér sögu menn-
ingar og menntunar á kreppuárun-
um. Íbúar í Garði voru ótrúlega
duglegir á þeim árum í menningar-
og menntamálum og segir Kristjana
frá því sem gert var í þeim efnum.
Sigrún heldur sig við minjar. Á
síðasta sagnakvöldi, fyrir ári, flutti
hún efni um letursteina en nú eru
það yngri minjar, vindmyllur og
brunnar sem enn má sjá leifar af en
eru óðum að gleymast. Rifjað verð-
ur upp hvernig hvorttveggja þjón-
aði mannfólki í Garði á fyrri hluta
tuttugustu aldar.
Sagnakvöldið er opið íbúum og
öðru áhugasömu fólki. Á milli atriða
verður fjöldasöngur. Veitingahúsið
Flösin verður opið.
Ritið Sagnaslóðir á Reykjanesi I
sem byggist á efni fyrri sagna-
kvölda verður á tilboðsverði þetta
kvöld.
Sagnakvöld
á Garðskaga
Þorlákshöfn | Hljómsveitin
Sprengjuhöllin verður með tónleika
í Þorlákshöfn á vegum tónleikarað-
arinnar Tóna við hafið annað kvöld.
Tónleikarnir verða í Versölum, sal í
Ráðhúsi Ölfuss, og hefjast kl. 20.
Þetta eru fyrstu tónleikar Tóna
við hafið á þessu ári en margt er
framundan, m.a. fjölskyldudagskrá
þar sem flutt verður verkið Pétur
og úlfurinn eftir Sergej Prokofiev,
laufléttir tónleikar með Sardas-
kvartettinum og í maí lýkur tón-
leikaröðinni með uppsetningu
söngleiks í samvinnu við tónlistar-
skóla og skólakóra í Þorlákshöfn.
Tónleikaröðin er skipulögð af
menningarfulltrúa Ölfuss og fær
stuðning landsbyggðarverkefnis
FÍH og menntamálaráðuneytisins
og menningarráðs Suðurlands auk
sveitarfélagsins.
Sprengihöllin á Tónum við hafið
DALVÍKINGAR!
Dalvíkingar státa ekki einungis af Fiskideginum mikla heldur einnig
155 vinningshöfum í Happdrætti Háskólans á síðasta ári. Það hefur aldeilis hlaupið
á snærið hjá þeim þar nyrðra.
– Vertu með og fáðu þér miða á hhi.is eða hjá umboðsmanni.
TIL HAMINGJU
ÞAÐ SEM FAGMAÐURINN NOTAR!
H L E Ð S L U
BORVÉL
• Ákaflega létt og einstakt jafnvægi
• Án kola, níðsterkur EC-TEC mótor
• FastFix smellupatrónur
• 42 gírar með nákvæmari
átaksstillingu og rafeindastýrðu
„cut-out“ sem eykur endingu