Morgunblaðið - 15.01.2008, Blaðsíða 26
26 ÞRIÐJUDAGUR 15. JANÚAR 2008 MORGUNBLAÐIÐ
UMRÆÐAN
BJÖRK Vilhelmsdóttir talar um
sýndarfrumkvæði sjálfstæð-
ismanna í grein í Morgunblaðinu
síðastliðinn sunnudag
þar sem hún gerir lít-
ið úr tillögum sem við
sjálfstæðismenn í Vel-
ferðarráði fluttum í
desember. Ég verð að
lýsa undrun minni yf-
ir skrifum hennar.
Þetta er leið okkar
til að leggja fram þær
tillögur sem við höf-
um trú á að virki til
úrbóta í félagslega
leiguíbúðakerfinu. Við
teljum þessar þrjár
tillögur vera til hags-
bóta fyrir alla.
Í fyrsta lagi þá hefur ekki kom-
ið fram nein tillaga af hálfu Sam-
fylkingar um það að fjölga leigu-
íbúðum.
Í öðru lagi þá hefur ekki komið
fram tillaga um það að sameina
félagslega leiguíbúðakerfið á
höfuðborgarsvæðinu öllu og hún
er af allt öðrum toga en það að
Félagsbústaðir kaupi íbúðir í öðr-
um sveitarfélögum.
Enda lögðum við í
fyrrverandi meiri-
hluta fram
breytingartillögu eins
og sjá má í þessum
texta hér sem er
beint upp úr fund-
argerð Velferðarráðs
frá 28. febrúar 2007.
„2. Lögð fram að
nýju tillaga Samfylk-
ingar þar sem lagt er
til að Félagsbústaðir
hf. kanni möguleika á
að kaupa íbúðir í
nágrannasveitar-
félögum Reykjavíkur.
Fulltrúar Sjálfstæðisflokks og
Framsóknarflokks lögðu fram eft-
irfarandi breytingartillögu:
Velferðarráð samþykkir að fela
Félagsbústöðum að kanna mögu-
leika á því að kaupa íbúðir í ná-
grannasveitarfélögum Reykjavík-
ur og mögulega breytingu á
eignaraðild Félagsbústaða með
aðkomu nágrannasveitarfélag-
anna.“
Í þriðja lagi hvað varðar það að
breyta niðurgreiðslum í félagslega
leiguíbúðakerfinu úr óbeinum
niðurgreiðslum í persónubundinn
stuðning er alveg rétt að það
hafði verið skoðað af R-listanum á
sínum tíma, en það var ekkert
gert frekar með það og virtist
ekki pólitískur vilji til þess að
fara þá leið á sínum tíma. Hvort
það er vilji til þess nú á enda al-
veg eftir að koma í ljós, sem og
hvort þær tillögur sem munu
koma fram verði þess eðlis að við
munum styðja þær. Við tókum
þessa vinnu upp um leið og við
tókum við stjórn velferðarmála í
borginni. Vinnan var afar skammt
á veg komin og var starfshópur
því settur í gang til að útfæra
hugmyndir og tillögur að þessum
breytingum. Sú vinna tók marga
mánuði, en við vorum klár með
tillögur þegar núverandi meiri-
hluti komst til valda.
Það kann vel að vera að Björk
Vilhelmsdóttur þyki Sjálfstæð-
isflokkur sýna sýndarfrumkvæði
en þá held ég að henni væri nær
að líta í eigin barm og kasta ekki
steinum úr glerhúsi.
Henni ætti að vera fullljóst að
Sjálfstæðisflokkur hefur haft
frumkvæði að mörgum framfara-
skrefum í velferðarmálum. Til að
mynda því að byggja hér þjón-
ustuíbúðir og þjónustumiðstöðvar
fyrir eldri borgara, gera samning
um forvarnir fyrir eldri borgara,
gera breytingar á íbúðum fyrir
aldraða, koma upp grænni heima-
þjónustu og fleira mætti telja. Ef-
laust gæti Björk rakið dæmi um
frumkvæði Samfylkingar, en mér
finnst svona umræða ekki vera
okkur samboðin. Oftar en ekki
verða hugmyndir til á fjölmenn-
um fundum eða í umræðum
manna í millum. Það hélt ég að
við sem erum í pólitík vissum
manna best.
Ég sat í starfshópi á vegum fé-
lagsmálaráðuneytisins sem ætlaði
að koma með tillögur að úrbótum
í félagslega leiguíbúðakerfinu.
Þegar ég sat í þeim hópi stóð til
að við skiluðum tillögum um mán-
aðamótin október/nóvember og
vildi ég gjarnan klára þá vinnu
eftir að nýr meirihluti tók svo
skyndilega við í Reykjavík sem
raunin varð á. Björk vildi hins
vegar taka við þeirri vinnu og
skiptum við því um sæti í þeim
starfshópi áður en hópurinn skil-
aði af sér áfangaskýrslu sem von
var á innann skamms. Það var
staðan þegar ég sat þar minn síð-
asta fund í starfshópi félagsmála-
ráðuneytisins. Síðan eru liðnir
nærri þrír mánuðir og ekki bólar
enn á tillögum þaðan.
Tillögur okkar sjálfstæð-
ismanna í Velferðarráði eru raun-
hæfar og raunverulegar tillögur
til úrbóta í félagslega leiguíbúða-
kerfinu, og þær eru ekki neitt
sýndarfrumkvæði.
Mikið frumkvæði
Sjálfstæðisflokks
Jórunn Frímannsdóttir Jensen
skrifar um leiguíbúðir » Tillögur okkar sjálf-stæðismanna eru
raunhæfar og raunveru-
legar tillögur til úrbóta í
félagslega leiguíbúða-
kerfinu, þær eru ekki
sýndarfrumkvæði.
Höfundur er borgarfulltrúi og
fyrrverandi formaður Velferðarráðs.
Jórunn Frímannsdóttir
Jensen
UNGLINGAR voru á hand-
boltaæfingu í íþróttahöllinni á
Húsavík um daginn. Tvö lið voru
að spila og tóku mark á hvort
öðru. Leikgleðin var í fyrirrúmi
hjá báðum liðum í
sókn og vörn. Það
var farið inn úr
hornunum, af lín-
unni en flottast
þótti mér þegar
stokkið var upp fyr-
ir utan punktalínu
og skotið var á
markið. Ég dáðist
að sprengikraftinum
í krökkunum. Ég sá
ekki betur en þar
væru hávaxnir ung-
lingar á ferð og
flugi, framtíðar
landsliðsmenn.
Markverðirnir vörð-
ust fimlega þar sem
þeir köstuðu sér
milli stanganna.
Öðru hvoru glumdi
boltinn í netmöskv-
um rammans svo
undir tók í salnum.
Þess á milli var
skotið framhjá og
netið umhverfis
rammann tók bolt-
ann í sínar greipar.
Þjálfarinn var með
flautuna og gætti
þess að leikurinn
færi fram samkvæmt leikregl-
unum. Hann veitti hvorki
áminningu, tiltal, né rak út af.
Allir virtust leggja sig fram um
að fara að leikreglunum. Ég tók
eftir því hversu þjálfarinn lagði
sig fram um að kenna krökk-
unum. Þolinmæðin skein í gegn í
fari hans. Stundum stöðvaði
hann leikinn og sagði krökk-
unum til og svo héldu þau áfram
að leika sér, börn vonarinnar.
Ég sá ekki betur en þau lærðu
sína lexíu í þessum æfingatíma.
Lífið utan íþróttahallarinnar á
sínar leikreglur sem við þekkj-
um mæta vel. Okkur gengur
hins vegar misjafnlega vel að
halda þær. Þar eru að vísu eng-
ar hliðarlínur og þverlínur,
punktalínur og vítapunktar eins
og við þekkjum úr íþróttasaln-
um. Leikvangur lífsins er
hlykkjóttur, mjór og breiður,
langur og hár og svo djúpur að
við sjáum þar vart handa okkar
skil. Að sönnu er varúðar þörf á
vegferð okkar í gegnum lífið. Þá
er gott að geta notið aðstoðar og
leiðsagnar engla í mannsmynd
til að geta náð upp á toppinn þar
sem heiðríkjan og víðsýnið ríkir.
Við veittum þeim kannski ekki
athygli síðast. Það er nú mann-
legt. Við skulum
muna að við erum
aðeins fólk. Það er
sumum nægilega
mikil köllun í sjálfu
sér og miða þá allt
við sig. Ber ekki
veraldarsagan hins
vegar vitni um það
að manneskjan hafi
beðið skipbrot? „Vér
erum veikburða
fæddir“, eins og
óþekktur maður
sagði, „og eigum
skammt að lifa, geta
vor er skorðuð,
máttur og hreysti
sem brunninn kveik-
ur, vonir brigðular,
ævin óviss, skilning-
urinn takmarkaður,
þekkingin í molum,
skoðanir reikular“.
Ég tel að verkefni
okkar sé að segja
skilið við lestina áð-
ur en við skiljum
við. Það er lífstíð-
arverkefni. Í ljósi
þess ætti okkur að
vera ljóst að við
þurfum á hjálp að
halda þegar við förum fram úr á
morgnana.
Þegar þú horfir á rammann á
leikvangi lífsins þá skaltu muna
að besti þjálfarinn stendur þér
við hlið og leiðbeinir þér. Hann
bregður yfir þig skikkju hug-
rekkisins og segir við þig: „Þú
átt leik. Reyndu að hitta í mark-
ið. Þó að þú hittir ekki þá máttu
reyna aftur. Taktu mark á mér,
það verður þér til góðs og gæfu
á viðsjárverðum leikvangi lífs-
ins“. Hann vill fyrir alla muni að
þú hittir í mark í lífinu því að þú
ert barn vonarinnar.
Þessi þjálfari minnir ætíð á
sig, ekki síst á jólum. Taktu
virkilega mark á honum því að
hann tekur mark á þér.
Hugrekkið
Á leikvangi lífsins stendur
besti þjálfarinn þér við hlið
og leiðbeinir þér, segir
Sighvatur Karlsson
Sighvatur
Karlsson
» Þegar þúhorfir á
rammann á leik-
vangi lífsins þá
bregður þjálf-
arinn yfir þig
skikkju hug-
rekkisins og
segir við þig:
„Þú átt leik“.
Höfundur er sóknarprestur
á Húsavík.
REYKJAVÍKURBRÉFIN 6. og
13. janúar sl. voru áhugaverð og
tilfinningaþrungin. Það er áhuga-
vert að Morgunblaðið skilgreinir
sig nú skýrt sem blað í stjórn-
arandstöðu og það er gott. Það er
gott fyrir lesendur að vita fyrir
hvað fjölmiðill stend-
ur. Ríkisstjórnir hefur
lengi skort gagnrýna
umfjöllun fjölmiðla í
stjórnarandstöðu.
Hvatning Reykjavík-
urbréfs til formanns
Sjálfstæðisflokksins
um að hafa hesta-
skipti er tilfinn-
ingaþrungin en ekki
að sama skapi
raunsæ. Eitt af aðal-
einkennum Sjálfstæð-
isflokksins er að sá
flokkur rýfur aldrei
stjórnarsamstarf.
Þess vegna kemur það á óvart að
Morgunblaðið skuli hvetja for-
mann Sjálfstæðisflokksins til þess
að kljúfa núverandi ríkisstjórn.
Hvatningin byggist á þeim bjart-
sýnisrökum að fyrst þurfi að
sprengja núverandi meirihluta í
borginni og með myndun meiri-
hluta VG og Sjálfstæðisflokks
skapist grundvöllur fyrir samskon-
ar samstarfi í ríkisstjórn. Þetta er
forvitnileg en afar óraunsæ pæling
því Sjálfstæðiflokkurinn er nýbú-
inn að sprengja samstarf sitt við
Framsóknarflokkinn í borg-
arstjórn og ef hann sprengir sam-
starf sitt við Samfylkingu í rík-
isstjórn væri flokkurinn búinn að
rjúfa algerlega það meyjarhaft
sem hefur greint hann að frá öll-
um öðrum flokkum, þ.e. að rjúfa
aldrei stjórnarsamstarf. Þá er
hann orðinn stór og óáreiðanlegur
flokkur. Óraunsæi Reykjavík-
urbréfs felst líka í því að sjá ekki
að sjálfstæðismenn
eru í minnihluta í
Reykjavík núna af því
að allir fulltrúar
meirihlutans eru
þeirrar sameiginlegu
skoðunar að sexmenn-
ingarnir hafi sprengt
samstarf sitt við
Framsókn með mis-
tökum og illskýr-
anlegri hegðun. Morg-
unblaðið fullyrðir að
viðbrögð þeirra í
REI-málinu hafi
stjórnast af hug-
sjónum, sem vel getur
verið, en þá þarf blaðið að svara
eftirfarandi spurningum: Sjálf-
stæðismenn í borgarstjórn segjast
vera á móti því að Orkuveitan
stofni hlutafélag til að sinna útrás-
arverkefnum. Spurning; af hverju
studdu sjálfstæðismenn stofnun
REI? Sex sjálfstæðismenn segjast
andvígir því að stofna hlutafélag í
samstarfi við einkaaðila. Spurning;
af hverju andmæltu sexmenning-
arnir ekki þegar Bjarni Ármanns-
on keypti sig inn í REI? Sömu sex
sjálfstæðismenn segjast telja það
rangt að stofna hlutafélag í eigu
Orkuveitunnar til að sinna útrás-
arverkefnum í samstarfi við einka-
aðila. Spurning; af hverju gáfu
sexmenningarnir Vilhjálmi borgar-
stjóra umboð til að fara á stjórnar-
fund í Orkuveitunni og samþykkja
samruna Geysis Green og REI?
Þetta voru hugsjónaspurningarnar.
Svo eru það samskiptin við borg-
arstjórann. Sexmenningarnir
spurðu borgarstjóra sinn, á meiri-
hlutafundi um samrunann hvort
REI-málið væri „skítugt“ og Vil-
hjálmur sagði nei. Spurning; af
hverju stoppuðu þau ekki stjórn-
arfund Orkuveitunnar þegar þau
fengu upplýsingar um að málið
væri „skítugt“? Sexmenningarnir
völdu Vilhjálm Þ. Vilhjálmsson
sem sinn borgarstjóra og gengu
svo á fund formanns flokksins til
að klaga hann. Spurning; er sú
borgarstjórn starfhæf sem klagar
foringja sinn og getur ekki gert út
um mál sín innbyrðis og ef sex-
menningarnir treystu ekki sínum
borgarstjóra, hverjir áttu þá að
gera það? Þá eru það samskiptin
við Björn Inga. Enginn
sjálfstæðismanna svaraði sím-
hringingum í fimm daga frá átt-
unda borgarfulltrúa meirihlutans,
Birni Inga Hrafnssyni, sem var í
Kína. Spurning; hvaða ályktanir
átti borgarfulltrúinn að draga af
því að enginn samstarfsmanna
hans vildi tala við hann? Sjálf-
stæðismenn héldu blaðamanna-
fund í ráðhúsinu og kynntu lausn
REI-málsins. Lausnin hafði þá
ekki verið kynnt manninum sem
meirihluti þeirra byggðist á þ.e.
Birni Inga Hrafnssyni. Spurning;
er að undra þótt Björn Ingi hafi
velt því fyrir sér hvort þessir
sjálfstæðismenn vildu áframhald-
andi „gott samstarf“? Sjálfstæð-
ismenn héldu fund með Birni Inga
næsta dag þar sem þeir margí-
trekuðu samstarfsvilja sinn, en
harðneituðu að taka aðra lausn á
REI-málinu til greina en sína eig-
in. Spurning; er það vænleg staða
fyrir borgarfulltrúa að vera í
minnihluta í þeim meirihluta sem
þessir sjálfstæðismenn stjórna?
Morgunblaðið er núna í
stjórnarandstöðu og ætlar að
vinna að því að fella borgarstjórn-
ina til að fella ríkisstjórnina, það
er verðugt verkefni en spurning
hvort það tekst. Það er greinilegt
að núverandi borgar-
stjórnarmeirihluti getur gengið að
því gefnu að hann mun aldrei gera
neitt sem Morgunblaðinu líkar
annað en að afhenda sjálfstæð-
ismönnum stjórn borgarinnar. Það
mun að vísu ekki gerast en það
eru ágætlega skýrar línur í póli-
tík!
Morgunblaðið og
fall borgarstjórnar
Stefán Benediktsson fjallar
um skrif Reykjavíkurbréfs » Sjálfstæðismenn eruí minnihluta í
Reykjavík af því að þeir
sprengdu samstarf sitt
við Framsókn með mis-
tökum og illskýranlegri
hegðun.
Stefán
Benediktsson
Höfundur er arkitekt og 7. maður
Samfylkingarinnar í Reykjavík.