Morgunblaðið - 25.02.2008, Síða 11

MORGUNBLAÐIÐ MÁNUDAGUR 25. FEBRÚAR 2008 11
FRÉTTIR
Eftir Andr Karl
andri@mbl.is
TÍMABÆRT er að taka upp frekara
samstarf með útgerðarfyrirtækjum
skemmtiferðarskipa, að mati Ágústs
Ágústssonar, markaðsstjóra Faxa-
flóahafna og stjórnarformanns
Cruise Iceland, s.s. til að fjölga við-
komustöðum skipanna í Norður-Atl-
antshafi og auðvelda aðgengi far-
þega að upplýsingum um hvað sé í
boði á hverjum stað. Þetta kom fram
í máli Ágústs á ráðstefnu Norrænu
Atlantsnefndarinnar (NORA) um
ferðaþjónustu tengda skemmtiferða-
skipum.
Á ráðstefnunni fóru hagsmunaðil-
ar yfir stöðu mála í nútíð og framtíð,
þau tækifæri sem felast í skemmti-
siglingum og gildi svæðasamvinnu.
NORA boðaði til ráðstefnunnar, ekki
síst þar sem mikil aukning hefur orð-
ið á ferðum skemmtiferðaskipa um
Norður-Atlantshaf.
Meðal þess sem kom fram var að
gríðarlegu vöxtur er í greininni, ekki
síst á norðurslóðum. Þá fer meðal-
aldur farþega skemmtiferðaskipa sí-
fellt lækkandi. Ísland hefur ekki far-
ið varhluta af þessari þróun, en
t.a.m. komu um 60 þúsund ferða-
menn til landsins með 80 skemmti-
ferðaskipum á síðasta ári, og reiknað
er með enn fleiri farþegum í ár.
Tengslanet norðursins
Gott samstarf er milli landa í
Norður-Evrópu þegar kemur að
kynningarstarfsemi en betur má ef
duga skal. Þannig kallaði Ágúst eftir
því að allir hagsmunaaðilar kæmu
sér saman um samstarf. Nefndi hann
samstarfið Tengslanet norðursins (e.
Network of the North). Ágúst sér
fyrir sér að hægt sé að halda úti vef-
svæði þar sem allir hagsmunaaðilar
leggja til efni. Þannig sé hægt að
leiða saman ólíka staði á Íslandi,
Noregi, Færeyjum, Grænlandi og
jafnvel Nýfundnalandi. Ágúst sagði
þá lausn tilvalda þar sem auðvelt
væri að halda úti slíku vefsvæði auk
þess sem það væri tiltölulega ódýrt
en jafnframt áhrifaríkt. Með tíman-
um yrði vefurinn stórt gagnasafn um
siglingar skemmtiferðaskipa í Norð-
ur-Atlantshafi. Með svo góðu sam-
starfi er auðséð að þjónusta við far-
þega batnar mikið.
Vel var tekið í hugmynd Ágústs,
bæði aðilar í ferðaþjónustu í viðkom-
andi löndum en eins forsvarsmenn
útgerðarfyrirtækja sem voru á ráð-
stefnunni. Einn af þeim er Philip
Naylor, framkvæmdastjóri hjá
Carnival UK. Í erindi sínu nefndi
Naylor að afar mikilvægt væri að
treysta samstarf, sérstaklega hafna
og útgerðar. Í því sambandi nefndi
hann sérstaklega að kallað sé eftir að
úrval skemmti- og skoðunarferða í
landi sé fjölbreytt og aðgengi auð-
velt. Séu þessir þættir fyrir hendi er
líklegra að skipið dvelji lengur á
hverjum stað með tilheyrandi tekju-
aukningu ferðaþjónustunnar. Sam-
kvæmt könnun Faxaflóahafna eyða
farþegar skemmtiferðaskipa um
6.700 krónum að meðaltali – alls um
400 milljónir króna á síðasta sumri.
Einnig fór Naylor yfir hvernig
þjónustunni skuli háttað á smærri
áfangastöðum og tók Grænland sem
dæmi. Nefndi hann að allir íbúar
leggist þar á eitt við að þjónusta far-
þega, og gera það með bros á vör.
Skiptir þá engu þótt farþega skip-
anna séu fleiri en bæjarbúar.
Gott samstarf mun leiða til
betri þjónustu við farþega
NORA stóð nýver-
ið fyrir ráðstefnu
um ferðaþjónustu
tengda skemmti-
ferðaskipum
Í HNOTSKURN
»NORA er skammstöfun semstendur fyrir Nordisk Atlant-
samarbejde, en hefur verið þýtt
sem Norræna Atlantsnefndin.
Nefndin heyrir undir Norrænu
ráðherranefndina.
»NORA leggur sitt af mörkumtil að styrkja samstarf á
Norður-Atlantssvæðinu til að
gera það að kröftugu norrænu
svæði.
»Markmið NORA er að eflasamstarf innan starfsvæðis
NORA með því að styðja við at-
vinnu- og byggðaþróun.
»Starfssvæði NORA er Ísland,Færeyjar, Grænland og
strandhéruð Noregs.
Árvakur/ÞÖK
Í Sundahöfn Viðbúið er að ferðum skemmtiferðaskipa til Íslands fjölgi enn frekar á næstu árum og vonast er til að
farþegar hér við land verði um sjötíu þúsund árið 2009. Tæplega áttatíu skemmtiferðaskip komu hingað í fyrra.
SKIPSTJÓRA á íslenska loðnuflot-
anum hafa send frá sér yfirlýsingu
vegna viðtals við Grétar Mar Jóns-
son, þingmann Frjálslynda flokks-
ins, en viðtalið birtist í Frétta-
blaðinu 22. febrúar sl. Í blaðinu er
haft eftir Grétari Mar: „Margir
loðnuskipstjórar segja mér að
ástandið sé þannig að það ætti bara
að stoppa loðnuveiðar í tvö ár.“
„Við, skipstjórar á öllum íslenska
loðnuflotanum, könnumst ekki við
að hafa talað við Grétar Mar Jóns-
son um ástand loðnustofnsins og
þykir miður að hann skuli vera að
gera okkur upp skoðanir. Það er lá-
markskrafa að þingmenn þjóðarinn-
ar fari með rétt mál og hafi heim-
ildir réttar.
Okkar skoðun á ástandi loðnu-
stofnsins er ekki sú sama og Haf-
rannsóknastofnunin hefur. Þann
ágreining leysa menn með rökræð-
um og endurskoðun mælinga með
aðstoð hver annars en ekki með
upphlaupi í fjölmiðum eins og Ólafur
Karvel Pálsson fiskifræðingur gerði
í fréttatíma Ríkisútvarpsins í gær.
Á þeim erfiðu tímum sem íbúar
sjávarplássa hringinn í kringum
landið eru ganga í gegnum verður
að ríkja trúnaður og traust á milli
Hafrannsóknastofnunarinnar og
hagsmunaaðila. Við skipstjórarnir á
þeim skipum sem hafa verið á mið-
unum erum sannfærðir um að
ástand loðnustofnsins er betra en
Hafrannsóknastofnunin telur. Það
mynstur sem við upplifum núna hef-
ur sést áður og það ætti ekki að
valda mönnum áhyggjum.“
Undir yfirlýsinguna skrifa skip-
stjórar á, Jónu Eðvalds, Krossey,
Aðalsteini Jónssyni, Jóni Kjartans-
syni, Berki, Vilhelm Þorsteinssyni,
Anders, Bjarna Ólfassyni, Hoffelli,
Sighvati Bjarnasyni, Kap, Álsey,
Júpiter, Þorsteini, Huginn, Guð-
mundi, Ingunni, Faxa, Lundey, Há-
kon, Víkingi, Áskeli.
Eru ekki
sammála
Hafró
Yfirlýsing frá
loðnuskipstjórum
Eftir Rúnar Pálmason
runarp@mbl.is
BREYTINGAR sem meirihlutinn í
bæjarstjórn Álftaness gerði á tillögu
til breytingar á aðalskipulagi 2005-
2024 virðast ekki ætla að duga til að
setja niður deilur um Skólaveg og
Breiðumýri. Tillagan var samþykkt á
hitafundi í bæjarstjórn á fimmtudag.
Gerður Björk Sveinsdóttir, for-
svarsmaður hópsins Verndum börnin
sem berst bæði gegn því að Skólaveg-
ur verði lagður og Breiðumýri lokað,
segir að meirihluti Álftaneshreyfing-
arinnar í bæjarstjórn hafi aðeins gert
örlitlar lagfæringar á sinni upphaf-
legu tillögu, þ.e. að loka Breiðumýri
milli Suðurnesvegar og Birkiholts og
leggja Skólaveg frá Breiðumýri að
Norðurnesvegi.
Bæjarstjórnin hafi látið sveigja
Skólaveginn aðeins frá Suðurtúni en
með því sé í raun og veru ekkert kom-
ið til móts við sjónarmið þeirra 730
íbúa sem mótmæltu þessum breyt-
ingum en það er tæplega helmingur
íbúa 18 ára og eldri. Þá hafi bæjar-
stjórnin gefið óljósar yfirlýsingar um
að hún myndi koma enn frekar til
móts við mótmæli íbúa en þær breyt-
ingar hafi hvergi verið kynntar.
Að sögn Gerðar mun umferð sem
að öðrum kosti hefði farið um Breiðu-
mýri fara um Skólaveg. Skólavegur
verði því bæði aðkoma að skólanum
og helsta leið íbúa á miðsvæði Álfta-
ness út úr bæjarfélaginu. „Þú þarft
ekki að eiga erindi á skólasvæðið til
að þurfa að aka veginn,“ segir hún. Þá
minnir hún á að í verðlaunatillögu,
sem aðalskipulagið byggist á, hafi
ekki verið gert ráð fyrir að loka
Breiðumýri. Meirihluti bæjarstjórnar
hafi látið í það skína að málið snúist
um pólitík og sérhagsmuni íbúa í Suð-
urtúni. Það sé hins vegar ekki rétt.
Málið snúist um öryggi barna. Gerður
býr við þá götu. „Það er ekki rétt,
þetta snýst um hagsmuni íbúanna,“
segir Gerður. „Við viljum ekki beina
allri umferðinni meðfram skólanum.
Þetta er leiksvæði barnanna.“
Greiðir fyrir umferð
Breiðamýri liggur að Suðurnesvegi
sem er hluti af hringveginum um nes-
ið.
Sigurður Magnússon, bæjarstjóri á
Álftanesi, segir að Skólavegur hafi
ávallt verið inni í verðlaunatillögunni
sem aðalskipulagið byggist á og hafi
raunar ráðið mestu um að sú tillaga
varð fyrir valinu á sínum tíma. Til-
löguhöfundar hafi reyndar ekki gert
ráð fyrir að loka Breiðumýri í annan
endann en umferðarsérfræðingar
hafi komist að þeirri niðurstöðu að of
margir vegir tengdust inn á Suður-
strandarveg á stuttum kafla. Því
hefði verið talið rétt að loka Breiðu-
mýri.
Sigurður segir að til þess að koma
til móts við íbúa sem mótmæltu þess-
um áformum hafi verið ákveðið að
sveigja Skólaveg frá Suðurmýri. Þar
að auki verði bætt við nýjum vegi sem
muni liggja frá Suðurnesvegi að
Skólavegi en vinnuheiti hans er Að-
algata. Sigurður segir að gert verði
ráð fyrir þeim vegi á deiliskipulagi
sem verið sé að vinna og gert sé ráð
fyrir að hámarkshraði um veginn
verði 15 km/klst. Deiliskipulagið er
hins vegar ekki tilbúið og því hvergi
til teikning af honum. Aðalgata og
aðrar breytingar sem gerðar verða á
skipulagi þeirra byggðar sem fyrir-
hugað er að reisa á miðsvæðinu, muni
létta umferð af Skólavegi töluvert eða
úr 3.000 bílum að hámarki í 2.400. Þá
verði að hafa í huga að umferðin fari
ekki endilega öll framhjá skólanum.
Sigurður segir að íbúar við Breiðu-
mýri hafi margir fagnað fyrirhugðum
breytingum. „Ef hætt verður við
Skólaveg, sem er ekki kostur á að
gera og verður ekki gert, verður um-
ferð aukin um Breiðumýri. Og menn
tala alltaf um Breiðumýri eins og hún
liggi ekki að skólanum en hún gerir
það, bara á aðra vegu,“ segir hann.
Þannig sé Breiðamýri eina gatan þar
sem höfð sé vakt á morgnana til að
minnka líkur á að börn verði fyrir bíl-
um.
Þá minnir hann á að þegar Á-list-
inn komst til valda hafi legið fyrir
deiliskipulag fyrir miðsvæðið sem
meirihluti íbúa hafi mótmælt harð-
lega. Á-listinn hafi tekið tillit til þeirra
mótmæla öfugt við síðasta meirihluta
D-lista. Það hafi Á-listi einnig gert nú.
Fengu ekki að
lesa upp tilkynningu
Á bæjarstjórnarfundinum á
fimmtudag óskuðu fulltrúar íbúa-
hópsins Verndum börnin eftir því að
lesa yfirlýsingu þar sem tillögu meiri-
hlutans var mótmælt. Slíkt er heimilt
skv. stjórnsýslulögum að sögn Gerðar
Bjarkar Sveinsdóttur.
Forseti bæjarstjórnar hafnaði því
en að ósk íbúahópsins lögðu fulltrúar
D-listans yfirlýsinguna fram sem
bókun. Sjálfstæðismenn mótmæltu
þar að auki breytingunni.
Breytingar á tillögu dugðu ekki til
 Skiptar skoðanir eru um breytingar á aðalskipulagi á Álftanesi  Íbúar óttast öryggi skólabarna og
hafa safnað undirskriftum  Bæjarstjóri Álftaness bendir á að eftir sé að vinna deiliskipulag