Morgunblaðið - 04.03.2008, Side 4

4 ÞRIÐJUDAGUR 4. MARS 2008 MORGUNBLAÐIÐ
FRÉTTIR
Eftir Hjört Gíslason
hjgi@mbl.is
LOÐNUKVÓTINN hefur verið
aukinn um 50.000 tonn í kjölfar þess
að Hafrannsóknastofnunin mældi
ríflega 50.000 tonn af loðnu suð-
austur af landinu. Heildarkvóti á
vertíðinni verður þá 207.000 tonn.
Hlutur Íslands úr því magni verður
152.390 tonn.
Miðað við þessa úthlutun og að
kvótinn verði ekki aukinn enn frek-
ar, má gera ráð fyrir því að útflutn-
ingsverðmætið geti orðið um 6,5
milljarðar króna. Í þeim útreikningi
er gert ráð fyrir að fryst verði 5.000
til 6.000 tonn af iðnaðarhrognum,
hrognum fyrir markaðinn í Japan
um 6.000 tonn, 25.000 tonn af heil-
frystri loðnu fyrir Rússland og um
4.000 tonn af loðnu fyrir markaðinn í
Japan.
Á svæðinu austan við Ingólfshöfða
mældist loðna einkum í Lónsdjúpi,
Litladýpi og á Papagrunni. Samtals
mældust um 56 þús. tonn af loðnu
austan við Ingólfshöfða, þar af kyn-
þroska loðna rúm 50.000 tonn.
Hafrannsóknaskipið Árni Frið-
riksson hefur nú lokið loðnuleit og
mælingum fyrir Suðaustur- og Aust-
urlandi og mun halda vestur um og
sinna rannsóknum vestast á veiði-
svæðinu sem nú er út af Krísuvík-
urbjargi. Í framhaldi af því mun
skipið sinna rannsóknum á botn-
fiskum en jafnframt kanna svæðið
fyrir sunnanverðum Vestfjörðum.
Fagnaðarefni
„Þetta er auðvitað fagnaðarefni,
sérstaklega vegna þess að við erum
að nýta þessa loðnu til þess að skapa
mikil verðmæti með frystingu á
loðnu og loðnuhrognum. Í ljósi þess
að við erum með svona takmarkað
magn skiptir það mjög miklu máli,“
segir Einar K. Guðfinnsson sjáv-
arútvegsráðherra. En hefði verið
hægt að auka kvótann fyrr?
„Það var allt reynt sem menn gátu
til þess að slá máli á loðnustofninn og
stærð hans. Það hefði verið al-
gjörlega óábyrgt af mér að gefa út
aflaheimildir nema fyrir lægi stað-
fest mæling á stærð loðnustofnsins.
Við höfum fylgt þeirri reglu áratug-
um saman. Hún hefur gefizt vel og
engin ástæða til að breyta út frá
því,“ segir ráðherrann.
Mikil hrognafrysting
„Nú spýtum við í lófana. Vest-
angangan á eftir að koma inn í þetta
og svo eiga þeir eftir að finna meira í
fjörunni á leiðinni til baka. Ef litið er
til þess hvað kvótinn er búinn að
aukast síðasta hálfa mánuðinn
mætti ætla að meira kæmi til. Ætli
það verði ekki 25.000 tonn,“ segir
Gunnþór Ingvason, forstjóri Síld-
arvinnslunnar.
„Nú er hrognafrysting fram-
undan, bæði í Helguvík og Neskaup-
stað. Nú þurfum við að fjölga skip-
um til að flytja loðnuna austur og
mikil skipulagning í gangi. Við ger-
um ráð fyrir að frysta um 300 tonn á
sólarhring í Neskaupstað en þar
frystum við líka fyrir Eskfirðinga. Í
Helguvík gætum við fryst allt að 190
tonnum á sólarhring.“
Friðrik J. Arngrímsson, fram-
kvæmdastjóri LÍÚ, er líka ánægður
með aukninguna. Hann segir hana
skipta sköpum og nú einbeiti menn
sér að því að gera sem mest verð-
mæti úr þessu. Þetta er reyndar enn
þá lítið en litlu verður Vöggur feg-
inn.“
Loðnukvótinn enn auk-
inn, nú um 50.000 tonn
Útflutningsverðmæti gæti verið um
6,5 milljarðar króna en allt kapp er
lagt á frystingu á loðnu og hrognum
Morgunblaðið/Helgi Garðarsson
Veiðar Strákarnir á Jóni Kjartanssyni SU dæla loðnunni um borð.
Í HNOTSKURN
»Við gerum ráð fyrir aðfrysta um 300 tonn á sólar-
hring í Neskaupstað. Í Helgu-
vík gætum við fryst allt að 190
tonnum á sólarhring.
»Samtals mældust um 56þús. tonn af loðnu austan
við Ingólfshöfða, þar af kyn-
þroska loðna rúm 50.000 tonn.
»Þetta er auðvitað fagnaðar-efni, sérstaklega vegna
þess að við erum að nýta þessa
loðnu til þess að skapa mikil
verðmæti með frystingu á
loðnu og loðnuhrognum.
EKKERT verður af því að Skipti,
móðurfélag Símans, kaupi 49%
hlut í slóvenska símafélaginu Tele-
kom Slovenije. Einkavæðingar-
nefnd Slóveníu tilkynnti í gær að
tilboðum í félagið hefði verið hafn-
að og ekkert yrði af sölunni. For-
ráðamenn Skipta segjast virða
þessa ákvörðun Slóvena en ætla
ekki að láta af áformum sínum um
frekari ytri vöxt. Samkvæmt upp-
lýsingum Morgunblaðsins er þegar
verið að skoða aðra möguleika á er-
lendum fjárfestingum á fjarskipta-
markaðnum. Til marks um það var
haft eftir forstjóra Sirius IT, dótt-
urfélags Skipta, í Børsen í gær að
félagið stefndi að frekari stækkun
á Norðurlöndunum.
Stjórnvöld í Slóveníu gefa þá
ástæðu fyrir ákvörðun sinni að til-
boð í félagið hefðu ekki verið nægj-
anlega hag-
stæð.
Einkavæðing-
arnefndin
ákvað í janúar
sl. að ganga til
viðræðna við
tvo tilboðs-
gjafa, annars
vegar Skipti og
hins vegar fjár-
festingasjóðina
Bain Capital og Axos Capital, sem
buðu sameiginlega. Móðurfélag
Símans hafði trygga fjármögnun
alþjóðlegra banka við tilboðið en
samkvæmt upplýsingum Morgun-
blaðsins hljóðaði það upp á 400 evr-
ur á hlut, sem þýðir að Skipti hefðu
greitt um 120 millarða króna fyrir
meirihlutann í Telekom Slovenije,
m.a. með bréfum í Skiptum. Þess
má geta að heildareignir samstæðu
Skipta námu tæpum 100 milljörð-
um króna í árslok 2007, þannig að
kaupin á slóvenska félaginu hefðu
haft töluverð áhrif á efnahags-
reikning Skipta. Fyrirhuguð
skráning í kauphöll hér miðaðist
hins vegar við Skipti án slóvenska
félagsins. Haft er eftir Brynjólfi
Bjarnasyni, forstjóra Skipta, í til-
kynningu frá félaginu að kaupin á
Telekom Slovenije og samstarf
þess við Skipti hefðu getað orðið
báðum félögum til hagsbóta og
skapað verðmæti fyrir hluthafa.
Þrátt fyrir að viðræðum um kaupin
í Slóveníu sé lokið væri ljóst að
Skipti væru vel í stakk búin fyrir
vöxt utan Íslands. „Við höfum á
undanförnum misserum keypt fé-
lög með starfsemi í Bretlandi, Dan-
mörku, Noregi og Svíþjóð og innan
fyrirtækisins býr mikil þekking
sem við munum nýta til frekari
vaxtar á komandi misserum.
Framundan eru spennandi tímar,
skráning Skipta í Kauphöll er vel á
veg komin og stefnt er að skrán-
ingu nú í mars,“ segir Brynjólfur.
Allt tilbúið fyrir skráningu Skipta á íslenskan hlutabréfamarkað í lok mars
Skipti skoða aðra kosti þó
að Slóvenía hætti við sölu
Í HNOTSKURN
»Skipti lögðu inn óformlegttilboð í Telekom Slovenije í
október sl. og formlegt tilboð
núna í janúar.
»Ekki liggur fyrir end-anlegur kostnaður við til-
boðsgerðina en ljóst er að hann
er töluverður.
»Skipti verða skráð í kaup-höll í lok mánaðarins.
Brynjólfur
Bjarnason
EINSTÆÐ tveggja
barna móðir datt í
lukkupottinn sl.
laugardag og vann
fjórfaldan pott í
lottóinu. Hún fær
tæpa 21 milljón í
sinn hlut. Þetta
kemur fram í
fréttatilkynningu
frá Íslenskri getspá. „Konan er búin að
vera áskrifandi að tveimur röðum í lotto í
mörg ár, en tölurnar eru afmælisdagar fjöl-
skyldunnar. Konan fylgdist með útdrætt-
inum í sjónvarpi og trúði vart sínum eigin
augum. Helgin var svo frekar erfið þar sem
hún beið eftir að skrifstofur Íslenskrar get-
spár yrðu opnaðar til að kanna hvort það
gæti virkilega verið að hún hefði unnið
þennan stóra pott. Það var því mikil gleði í
morgun þegar konan fékk það staðfest í
síma að það væri hún sem hefði unnið og
væri nú 21 milljón króna ríkari heldur en í
síðustu viku,“ segir í fréttatilkynningunni.
Þar kemur einnig fram að þessum heppna
vinningshafa, líkt og öllum öðrum lottó-
vinningshöfum sem vinna meira en eina
milljón í lottó, er boðið upp á fjár-
málaráðgjöf hjá KPMG.
Einstæð móðir
vann 21 milljón
UMSÓKNARFRESTUR á leikarabraut og
dansbraut leiklistardeildar Listaháskóla
Íslands rann út 25. febrúar sl. Að venju
bárust fjölmargar
umsóknir, en um
nám á leikarabraut
sóttu 125 manns og
verða að hámarki
teknir inn 10. Á
dansbraut sóttu 17
um og fá að hámarki
átta umsækjendur
inni.
Ragnheiður
Skúladóttir, deild-
arforseti leiklist-
ardeildar, segir
fjöldann svipaðan og
umliðin ár. Spurð
hvort skortur sé á
umsækjendum á dansbraut, ef miðað er
við fjölda umsókna á leikarabraut, segir
Ragnheiður svo ekki vera. „Málið er að
þar eru í raun einungis hæfir ein-
staklingar að sækja um, fólk sem hefur
langan undirbúning að baki. Það er engin
námskrá fyrir leiklist á grunn- eða fram-
haldsskólastigi þannig að þangað kemur
fólk með mjög mismunandi bakgrunn.“
Nám í leiklistardeild skiptist í þrjár
brautir og rennur umsóknarfrestur í
Fræði og framkvæmd út 28. mars nk.
125 umsækjend-
ur um tíu stöður
Dans Mikla æfingu
þarf til að ná árangri.
EFNAHAGS- og framfarastofnunin,
OECD, telur möguleika á að nýta betur
það fjármagn sem varið er til menntunar
hér á landi. Þetta kemur fram í skýrslu
stofnunarinnar um efnahagsmál á Íslandi
sem kynnt var í síðustu viku. Þar segir: „Í
ljósi þess að Ísland eyðir meira fé í hvern
námsmann en nokkurt annað land innan
OECD eru niðurstöður PISA-rannsókn-
arinnar um námsárangur vonbrigði. Auk
þess hafa niðurstöðurnar orðið lakari með
tímanum miðað við OECD. Eins og fram
kom í síðustu skýrslu þarf að beina
menntastefnu frekar í áttina að gæðum
kennara en magni.“
Ekkert kemur nánar fram í skýrslunni
um hvaða leiðir séu færar til þess að bæta
stöðu mála í menntakerfinu en eins og
fram kom í Morgunblaðinu sl. laugardag
hefur OECD lagt til einkaframkvæmd í
heilbrigðiskerfinu.
Niðurstöður
PISA vonbrigði
að mati OECD