Morgunblaðið - 26.03.2008, Blaðsíða 8

8 MIÐVIKUDAGUR 26. MARS 2008 MORGUNBLAÐIÐ
FRÉTTIR
HINN 29. mars n.k. heldur ung-
mennaráð Samfés landsþing sitt.
Landsþingið er opið öllum á aldr-
inum 13–16 ára.
Þetta er í annað sinn sem Ung-
mennaráð heldur landsþing. Í fyrra
var þemað „Barn eða fullorðinn“.
Þá komu saman um 60 unglingar
og töluðu um þau réttindi sem ung-
lingar hafa, hvernig samfélagið líti
á unglinga og um neikvæða ímynd
unglingsins.
Þemað á þinginu í ár verður
„Unglingar og ofbeldi“ en það er
einnig þema Samfés í ár. Á þinginu
í ár verður opin umræða, þar sem
unglingarnir geta talað um það sem
þeir vilja og langar að koma á
framfæri. Unglingarnir taka allir
þátt í umræðunum og velja sjálfir
hvað þeir tala um og hvenær þeir
hætta. Ungmennaráð heldur lands-
þing árlega til að fá hugmyndir sem
unglingarnir hafa og koma til skila
á aðalfundi Samfés þar sem reynt
er að vinna úr hugmyndunum.
Landsþingið verður í Félags-
miðstöðinni Zelzíus, Tryggvagötu
23 á Selfossi, og hefst kl. 14.
Landsþing Ungmennaráðs
Samfés haldið á Selfossi
Fjör Samféshátíð í Laugardalshöll.
DR. Tómas Grétar Gunnarsson,
vistfræðingur og forstöðumaður
Háskólaseturs í Snæfellsbæ mun
flytja fyrirlestur í dag um vaðfugla
og votlendi. Í fyrirlestrinum segir
Tómas frá nýlegum rannsóknum á
tengslum vaðfugla við umhverfi sitt
á mælikvarða alls landsins niður á
mælikvarða þúfna í sunnlenskum
mýrum. Þá mun hann segja frá
landshlutabundnum mun á þétt-
leika og fjölbreytni vaðfugla og
tengslum vaðfugla og landbúnaðar.
Fyrirlesturinn hefst kl. 12.15 og
fer fram í Möguleikhúsinu við
Hlemm.
Vaðfuglar og votlendi
Á Álftanesi Vaðfuglar í ætisleit.
Morgunblaðið/Ómar
KVENRÉTTINDAFÉLAG Íslands
hefur veitt því athygli að nýkjörin
stjórn Nemendafélags Verzl-
unarskóla Íslands er eingöngu
skipuð körlum og af 20 frambjóð-
endum til stjórnar nemendafélags-
ins voru aðeins 3 konur. Á grund-
velli jafnréttisumræðu
undanfarinna ára, áskorana til fyr-
irtækja og stofnana um að bæta
kynjahlutfall í stjórnum sínum, í
ljósi nýrra jafnréttislaga og hvatn-
ingar til jafnréttis í stefnuyfirlýs-
ingu segist stjórn KRFÍ undrandi
yfir þróun mála í Verzló. Það
skjóti skökku við að sjá ekki einn
fulltrúa þeirra 60% nemenda
Verzló sem eru kvenkyns í stjórn
nemendafélagsins.
Stjórn KRFÍ
hvetur stúlkur
í Verzló til að
taka virkan
þátt í nefndum
og ráðum sem
bjóðast á veg-
um skólans,
vera í forsvari
og gera sig
gildandi.
Stjórn KRFÍ skorar einnig á alla
nemendur Verzlunarskólans að
hafa kynjasjónarmið að leiðarljósi
í félagsstarfi sínu innan veggja
skólans sem utan og stuðla þannig
að möguleikum allra óháð kyni,
uppruna, trú eða stöðu að öðru til
að njóta hæfileika sinna.
Aukin kynjasjónarmið í Verzló
Í NÆSTA mánuði mun lögreglan
mæla hraða með myndavélabúnaði
í ómerktri lögreglubifreið víða í
hverfum og á stofnbrautum í
Kópavogi. Mælingarnar fara fram
dagana 3. apríl til og með 11. apr-
íl. Umferðardeild lögreglunnar á
höfuðborgarsvæðinu annast verk-
efnið í samvinnu við lögreglumenn
á svæðisstöðinni í Kópavogi.
Myndavélabílnum verður komið
fyrir í alls 12 götum í Kópavogi á
umræddu tímabili en göturnar
voru valdar meðal annars með
hliðsjón af ábendingum frá íbúum.
Einnig verður mælt við skóla og
leikskóla í bænum vegna ábend-
inga um hraðakstur í nágrenni
þeirra, að því er fram kemur á
heimasíðu Kópavogs.
Ökuhraði mældur
víða í Kópavogi
HELGINA 28.–
30. mars nk. leið-
ir séra Sigfinnur
Þorleifsson
sjúkrahús-
prestur kyrrð-
ardaga í Skál-
holti ásamt
Kristni Ólasyni
rektor þar sem
fjallað verður um
sorg og sorgarviðbrögð. Allir
syrgjendur eru hjartanlega vel-
komnir. Dagskráin hefst á föstu-
dagskvöldi kl. 18 og henni lýkur
eftir hádegi á sunnudag. Skráning
og nánari upplýsingar í síma 486
8870 eða með netfanginu
rektor@skalholt.is
Kyrrðardagar
í Skálholti
Skálholtskirkja
SÓL í Straumi skorar á bæjarstjórn Hafnarfjarðar að hafna tilleitan
Landsnets um að loftlínur fyrir álver í Helguvík fari í gegnum bæjarlandið.
Þegar tekist var á um stækkun álversins í Straumsvík kom fram andstaða
við línumannvirkin sem til hefði þurft, segir í tilkynningu frá Sól í Straumi.
Ef álver rís í Helguvík þurfa orkuflutningar að fara í gegnum mörg
sveitarfélög sem eiga þess vegna hagsmuna að gæta. Auk Hafnarfjarðar
þyrftu Vogar, Grindavík, Reykjavík, Kópavogur, Garðabær og Ölfus að
breyta skipulagi. Hvað Hafnarfjörð varðar væri um að ræða hluta af þeim
áformum sem nú þegar hefur verið hafnað í kosningum, segir í tilkynning-
unni.
Sól mótmælir loftlínum
STUTT
Eftir Baldur Arnarson
baldura@mbl.is
Á DÖGUM himinhás olíuverðs
hljómar það afar ósennilegt að hægt
sé að komast af með aðeins 774 krón-
ur í „eldsneyti“ á mánuði. Þessu er
engu síður haldið fram á vefsíðu
Perlukafarans sem annast sölu á raf-
bílnum REVA. Orkugjafinn er raf-
magn og verðið frá 1,9 milljónum og
er tengt gengi norsku krónunnar.
Eins og kom fram í Morgunblað-
inu fyrir skömmu hyggst Orkuveita
Reykjavíkur bjóða eigendum rafbíla
upp á ókeypis hleðslu í bílastæðum
við Kringluna, Smáralind og í
Bankastrætinu frá og með apríl.
Olíuverð er í upphæðum og fýsi-
leiki þess að fjárfesta í rafmagnsbíl
ef til vill aldrei meiri en nú, með hlið-
sjón af tækniframförum við smíði
rafhlaðna á síðustu árum. Því vaknar
sú spurning á milli hvaða valkosta
neytendur geta valið í rafbílunum.
Spurður um úrvalið segir Sigurð-
ur Ingi Friðleifsson, framkvæmda-
stjóri Orkuseturs, að hægt sé að
setja saman langan lista.
Sé listinn hins vegar takmarkaður
við bifreiðar sem komast yfir 80 km
hraða geti listinn litið svona út.
– REVA G-Wis. Fæst nú þegar
hér á landi. Drægni er frá 40-80 km
og hámarkshraðinn 85 km á klst. Bif-
reiðin er búin blýsýrurafgeymum
sem þarf að skipta um á þriggja til
fjögurra ára fresti og hleypur kostn-
aðurinn á 100-200 þúsundum kr.
Hámarkshraðinn allt að 130 km
– Buddy. Hægt að panta frá Nor-
egi. Drægni er frá 40-80 km og há-
markshraðinn 85 km á klst. Hér eru
einnig blýsýrurafgeymar á ferð og
gildir það sama að þá þarf að skipta
um á þriggja til fjögurra ára fresti
fyrir 100-200 þúsund krónur. Hægt
er að fá þennan bíl með liþíumraf-
hlöðum skv. vefsíðu elbilNorge og er
drægnin þá 100 til 150 km. Lista-
verðið er frá tveimur milljónum.
– Think. Hægt að panta frá Nor-
egi. Drægnin er 180 km og hámarks-
hraðinn um 130 km á klst. Think er
búinn liþíumrafhlöðum sem eru
leigðar með ábyrgð um skipti í nýjar.
Listaverð er frá tveimur og hálfri
milljón íslenkra króna.
– Tesla-sportbíll. Hægt að panta
frá Bandaríkjunum. Drægni er um
400 km og hámarkshraði um 250 km
á klst. Bíllinn er búinn liþíumrafhlöð-
um og listaverðið um sjö milljónir kr.
– Modec-sendibíll. Hægt að panta
frá Bretlandi. Drægni er 180 km
með liþíumrafhlöðum og hámarks-
hraðinn 90 km á klst. Listaverð um
þrjár milljónir króna.
– Smith Edison-sendibíll. Hægt að
panta frá Bretlandi. Drægnin er um
180 km með liþíumrafhlöðum og há-
markshraðinn um 90 km á klst. Upp-
lýsingar um verð lágu ekki fyrir.
Að frátöldum REVA-bílnum eru
upplýsingar um verð byggðar á sam-
antekt vefsíðunnar VentureBeat og
ber að taka með þeim fyrirvara.
Geta valið um nokkrar
gerðir rafmagnsbíla
Stærri Modec-rafbíllinn. Nettur Buddy-rafbíllinn.Smár Think-rafbíllinn.
Eftir Helga Bjarnason
helgi@mbl.is
VITAÐ er að minkur er kominn í El-
liðaey og Fagurey á Breiðafirði, og
grunur leikur á að minkur sé einnig í
Bíldsey. Þessar eyjar eru út af
Stykkishólmi og hefur tekist að
mestu að verja þær síðustu fimm ár-
in. Minkurinn kemur af Fellsströnd
og Skarðsströnd og þar mun Æð-
arræktarfélag Snæfellinga koma
upp vörnum í samvinnu við Dala-
menn.
Talið er að minkurinn komi út á
eyjarnar úr Langeyjarnesi og syndi
yfir stutt eyjasund um Langeyjar og
lengri sund út í Arney, Skjaldarey,
Bíldsey og Fagurey og smærri eyjar
og hólma, að sögn Ásgeirs Gunnars
Jónssonar, formanns Æðarræktar-
félags Snæfellinga. Hins vegar er
meiri ráðgáta hvernig minkurinn
kemst út í Elliðaey en þangað eru
þrír kílómetrar úr Fagurey.
Vargurinn veldur miklum usla í
æðarvarpi sem eyjabændur hafa
verið að hlúa að enda drepur hann
meira en hann torgar. Þannig hefur
fundist ótrúlegur fjöldi fuglshræja í
einstökum grenjum, að sögn Ásgeirs
Gunnars.
Eyjarnar verða leitaðar
Hann segir að vel hafi gengið að
halda mink í skefjum í Stykkis-
hólmslandi, meðal annars með notk-
un minkasía Reynis Bergsveinsson-
ar og með aðstoð góðra veiðimanna.
Ekki hefur fundist minkur innan
bæjarmarkanna í þrjú ár.
Nú stendur yfir tilraunaverkefni
sem gengur út á það að athuga hvort
hægt sé að eyða öllum mink á Snæ-
fellsnesi. Stjórn veiðanna er í hönd-
um verkefnisstjórnar en ekki sveit-
arfélaganna eins og áður. Hefur það
skapað óvissu um leit í eyjum en
eyjabændur leggja áherslu á að van-
ir veiðimenn verði fengnir til að leita
með góðum minkahundum. Ekki
hefur verið samið við veiðimenn um
að leita eyjarnar í vor en þeir hafa
yfirleitt verið ráðnir að hausti. Ás-
geir Gunnar segir að eyjabændur
taki mikinn þátt í þessu verkefni og
þeir muni sjá til þess að eyjarnar
verði leitaðar með hundum, hvað
sem öðru líður.
Þá hefur Æðarræktarfélag Snæ-
fellinga tekið upp samstarf við Dala-
menn um að fá Reyni Bergsveinsson
til að setja upp minkasíur við að-
komuleið minkanna út í eyjarnar og
bindur Ásgeir Gunnar vonir við að
það starf skili árangri.
Minkur kominn í
Fagurey og Elliðaey
Morgunblaðið/Helgi Bjarnason
Minkaleit Frændurnir Kristján Kristjánsson sem hér stendur í stafni og Kristján Berntsson úr Stykkishólmi fóru í
Fagurey á páskadag. Fundu þeir ummerki eftir mink, fleiri en eitt dýr. Hundur Kristjáns Berntssonar var með.