Morgunblaðið - 26.03.2008, Blaðsíða 18

18 MIÐVIKUDAGUR 26. MARS 2008 MORGUNBLAÐIÐ
AKUREYRI
Eftir Svanhildi Eiríksdóttur
Reykjanesbær | „Hér í Reykjanesbæ
er að koma fram allt önnur tjáning á
strigann en í Reykjavík. Ég er bæði
að sjá tilvitnanir í atvinnuna sem Ís-
lendingar stunduðu á Vellinum og
líka um afkomendur Ameríkananna.
Hérna stendur til dæmis: „Pabbi
minn er kani. Fann hann 33 ára.“
Þetta finnst mér mjög áhugavert,“
sagði Sólveig Dagmar Þórisdóttir og
bendir á textann á striganum. Sólveig
Dagmar er með sýningu í Bíósal Du-
ushúsa, „För hersins“, sem er liður í
lokaverkefni hennar í MA-námi í hag-
nýtri menningarmiðlun við Háskóla
Íslands.
Auk ljósmynda af mannlausum
byggingum á fyrrverandi varnar-
svæði gefur Sólveig Dagmar gestum
kost á því að setja fram skoðanir sín-
ar um efnið á striga þannig að úr
verði spennandi almenningslistaverk.
Sólveig Dagmar tekur ekki þátt í
tjáningunni né stjórnar henni. Yfir
1000 manns hafa tjáð sig frá upphafi.
Með sýningunni „För hersins“ vill
Sólveig Dagmar varpa ljósi á merkan
þátt í íslensku þjóðlífi. Hún fékk
haustið 2007 leyfi frá utanríkisráðu-
neytinu til þess að mynda mannvirkin
sem Bandríkjamenn skildu eftir tóm
við brotthvarfið og auðnina sem
óneitanlega skapaðist. Á sýningunni
má t.d. sjá mosavaxna flugbraut Patt-
ersonflugvallar og bendir Sólveig
Dagmar á að þar sem áður voru flug-
brautir ráði náttúruöflin nú ríkjum.
„Ég fór í þremur ferðum og tók 500
myndir en valdi 30 á sýninguna.
Fimm fóru á veggspjald en restinni
varpa ég á vegginn ásamt texta, auk
þess sem ég fékk leyfi til að nota 5
myndir Þorvaldar Arnar Krist-
mundssonar, fyrrum starfsmann
Morgunblaðsins, frá brotthvarfi
hersins. Ég fékk einungis leyfi til að
mynda utanhúss þannig að engar
myndir eru teknar inni í mannvirkj-
unum. Ég tók bæði á stafræna vél og
á pappír, varðveislunnar vegna. Ég
afhenti Landsbókasafni - Háskóla-
bókasafni allar filmurnar til varð-
veislu enda lít ég á þessa sýningu sem
vísir að safni,“ sagði Sólveig.
Kynntist kanamenningunni
Auk þess að taka myndir og varpa
á veggi sýningarsalarins vildi Sólveig
Dagmar gefa sýningargestum tæki-
færi á að tjá sig um varnar– og örygg-
ismál þjóðarinnar sem vissulega hafa
verið áberandi í íslensku samfélagi á
undanförnum árum. Hugmyndina
fékk Sólveig Dagmar við fararstjórn
Íslendinga í Veróna á Ítalíu haustið
2006. „Í þessari ferð skoðuðum við
m.a. hús Júlíu úr Rómeó og Júlíu en
þar er merkilegt almenningslistaverk
þar sem almenningur tjáir sig með
skrifum um þann sem það elskar.
Mér fannst tilvalið að útfæra tilbrigði
við þessa hugmynd hér á landi og þá í
gjörólíku samhengi, þ.e. að reyna að
fá fólk til að tjá sig um jafn umdeild
mál og veru varnarliðsins á Miðnes-
heiði og brottför þess haustið 2006.“
Sólveig Dagmar sagðist ánægð
með hversu vel sýningargestir hefðu
tekið vel við sér, en sýningin var áður
í Þjóðarbókhlöðunni og koma strig-
arnir þaðan. Lífið í þeim heldur því
áfram en Sólveig Dagmar hefur
fylgst með tjáningunni frá 12. janúar
og mun fjalla um hana á fyrirlestri í
Háskóla Íslands 30. apríl. Hún segist
enga afstöðu taka, aðeins stúdera og
segja frá, t.d. hvernig tjáningin hefur
breyst frá því að sýningin var sett
upp í Reykjanesbæ 8. mars s.l. Það
skyldi kannski engan undra þar sem
tengingin við Völlinn er svo sterk hér
á svæðinu. Sjálf tengist Sólveig Dag-
mar svæðinu, þó óbeint sé. „Þannig
er að faðir minn, Þórir Einar Magn-
ússon, var flugumferðarstjóri á
Keflavíkurflugvelli í um 40 ár. Þeir
byggðu hús í Hafnarfirði árið 1961 og
þar ólst ég upp. Í húsinu mynduðust
sterk tengsl milli fjölskyldna og börn-
in áttu það sameiginlegt að feðurnir
unnu í flugturninum á Keflavíkur-
flugvelli. Við kynntumst þannig
kanamenningunni í gegnum þá og
fengum stundum að fara í heimsókn í
vinnuna með þeim,“ sagði Sólveig
Dagmar.
Tjáningin öðruvísi
Morgunblaðið/Svanhildur Eiríksdóttir
För hersins Sólveig Dagmar Þór-
isdóttir leyfir gestum að tjá sig.
Í HNOTSKURN
»Sólveig Dagmar myndlist-armaður og grafískur hönn-
uður er að ljúka MA-námi í
menningarmiðlun.
»Sólveig Dagmar finnstáhugavert að sjá hvernig
sýningargestir tjá sig á strigann.
Nokkuð ólíkar áherslur er í
Reykjanesbæ og Reykjavík.
Garður | Góð aðsókn var að há-
tíðarmessu í Útskálakirkju á skír-
dag í tilefni af opnun kirkjunnar
eftir endurbætur.
Messan var með hefðbundnu
sniði en biskup Íslands, Karl Sig-
urbjörnsson, prédikaði. Í prédik-
un sinni vék biskup að borðhaldi
og því dúkaða veisluborði sem
altarið sé. Þar sé okkur rétt nær-
ing og af því þiggjum við. „Borð-
haldið og þetta borð hefur líka
siðferðilega skírskotun. Við sitj-
um öll við sama borð, fátækir og
ríkir, háir sem lágir,“ sagði bisk-
up og benti á altarið í Útskála-
kirkju.
Biskup ræddi svo um síðustu
kvöldmáltíðina og undir lok
messu gengu kirkjugestir til alt-
aris og þáðu líkama Krists og
blóð í formi oblátu og messuvíns.
Fermt verður í Útskálakirkju 6.
og 13. apríl næstkomandi.
Morgunblaðið/Svanhildur Eiríksdóttir
Sitjum við sama borð
Reykjanesbær | Hið árlega Erlings-
kvöld Bókasafns Reykjanesbæjar,
til heiðurs Erlingi Jónssyni lista-
manni, verður haldið á morgun,
fimmudag. Dagskráin fer fram í Bíó-
sal Duushúsa og hefst kl. 20.
Dagskráin í ár er tileinkuð pólskri
menningu. Kristbjörg Kjeld leik-
kona les pólsk ljóð sem þýdd hafa
verið á íslensku, kennarar og nem-
endur Tónlistarskóla Reykjanesbæj-
ar flytja pólska tónlist og þær Helga
Ólafs og Sólveig Jónsdóttir frá Al-
þjóðahúsi flytja erindi um mikilvægi
menningar í fjölþjóðasamfélögum.
Að vanda verður svo kynnt eitt af
verkum Erlings. Fyrir valinu varð
nú listaverkið „Fuglinn Föniks“.
Erlingskvöld tileinkað
pólskri menningu
SUÐURNES
SAMTÖK iðnaðarins (SI) til-
kynntu í gær um svokallaða
vinnustaðakennslustyrki til sex
fyrirtækja, tveggja í kjötiðnaði
og fjögurra í prentiðnaði. Þetta
er í fyrsta skipti sem Samtök
iðnaðarins veita þessa styrki en
tíu milljónum króna verður ár-
lega varið í þessu skyni, sér-
staklega í þeim greinum þar sem
erfitt er að fá nema eða taka við
nemum í vinnustaðakennslu.
Greint var frá styrkúthlutun-
inni í húsakynnum Norðlenska á
Akureyri síðdegis í gær, en það
fyrirtæki og annað kjötvinnslu-
fyrirtæki á Akureyri, Kjarna-
fæði, hljóta hæstu styrki í þess-
ari fyrstu styrkúthlutun.
Hvatning
Styrkúthlutun er tvisvar á ári,
að þessu sinni koma til úthlut-
unar röskar fjórar milljónir
króna. Sem fyrr segir hljóta
Norðlenska og Kjarnafæði hæstu
styrkina að þessu sinni, rösklega
1,1 milljón króna hvort. Önnur
fyrirtæki sem hljóta styrk eru öll
í prentiðnaði; Árvakur, útgáfu-
félag Morgunblaðsins, og dótt-
urfélag hans, Landsprent, Gu-
tenberg og Oddi.
Samkvæmt upplýsingum frá
SI er við úthlutun styrkja lögð
áhersla á nám í löggiltum og við-
urkenndum iðn- og starfsgrein-
um á framhaldsskólastigi.
Markmið Samtaka iðnaðarins
með því að styrkja fyrirtæki til
að taka nema í vinnustaða-
kennslu er, í fyrsta lagi, að
hvetja stjórnvöld til að taka þátt
í fjármögnun vinnustaðakennslu,
í öðru lagi að hvetja til þess að
stofnaður verði starfsnámssjóður
til að jafna kostnaði milli fyr-
irtækja sem taka nema í starfs-
þjálfun og þeirra sem ekki gera
það, og í þriðja lagi að hvetja
fyrirtæki í þeim greinum, þar
sem skortur er á starfsfólki í til-
teknar iðn- og starfsgreinar, til
að taka nema.
Ingi Bogi Bogason hjá Sam-
tökum iðnaðarins segir að þau
hafi undanfarin ár hvatt til þess
að á vinnustaðakennslu yrði litið
sömu augum og kennslu í skóla.
„Við höfum undanfarin ár rætt
það við menntamálaráðuneytið
að koma á sérstökum vinnustaða-
kennslusjóði og samkvæmt orð-
um menntamálaráðherra virðist
vera að komast hreyfing á þetta
mál í ráðuneytinu. Til þess að
liðka fyrir málinu og hraða því að
fyrirtækin geti sótt sér stuðning
í því að mennta starfsmenn sína
á vinnustað, ákvað stjórn Sam-
taka iðnaðarins að verja á hverju
ári, næstu árin, tíu milljónum
króna til fyrirtækja sem eru að
gera góða hluti á þessu sviði og
vilja bæta sig enn frekar. Styrk-
irnir eru hugsaðir til þess að efla
kennsluþáttinn hjá viðkomandi
fyrirtæki,“ segir Ingi Bogi í til-
kynningu sem SI sendi frá sér.
Vörn snúið í sókn
Í máli Katrínar Dóru Þor-
steinsdóttur, starfsmannastjóra
Norðlenska, við styrkveitinguna í
gær, kom fram að á undanförn-
um árum hafi nemum í kjötiðnaði
fækkað mjög. Sú ákvörðun
stjórnenda Verkmenntaskólans á
Akureyri sl. haust að bjóða á
nýjan leik upp á kjötiðnaðarnám
hafi verið mikilvægur þáttur í að
snúa þróuninni við. Nú eru fjórir
kjötiðnaðarnemar á fyrsta náms-
ári hjá Norðlenska, einn á þriðja
ári og einn kjötskurðarnemi er á
lokaári. „Í okkar hópi eru áhuga-
samir starfsmenn sem ákváðu að
hefja kjötiðnaðarnám, sem er
mikið fagnaðarefni. Við bindum
vonir við að á komandi misserum
sýni fleiri áhuga á því að leggja
þessa iðn fyrir sig. Stuðningur
Samtaka iðnaðarins við vinnu-
staðakennslu fyrir kjötiðnaðar-
nemana er okkur afar mikilvæg-
ur,“ segir Katrín Dóra.
Katrín Dóra nefndi að af 180
starfsmönnum Norðlenska er
röskur fjórðungur menntaður í
matvælagreinum. Þar af eru 7
kjötiðnaðarmeistarar, 23 kjötiðn-
aðarmenn, 1 matreiðslumaður, 7
slátrarar, 3 kjötskurðarmenn og
6 nemar.
Samtök iðnaðarins afhenda vinnustaðakennslustyrki til sex fyrirtækja
„Mikilvægur stuðningur“
Styrkur Jón Steindór Valdimarsson, framkvæmdastjóri Samtaka iðn-
aðarins, og Katrín Dóra Þorsteinsdóttir, starfsmannastjóri Norðlenska.
Í HNOTSKURN
»Tvö kjötiðnaðarfyrirtæki áAkureyri hljóta hæstu
vinnustaðakennslustyrki Sam-
taka iðnaðarins, Norðlenska og
Kjarnafæði, þegar þeir eru nú
veittir í fyrsta skipti.
»Nemum í kjötiðnaði hefurfækkað mjög á síðustu ár-
um.
»Sú ákvörðun stjórnendaVerkmenntaskólans á Ak-
ureyri sl. haust að bjóða á nýj-
an leik upp á kjötiðnaðarnám
hafi verið mikilvægur þáttur í
að snúa þróuninni við, segir
starfsmannastjóri Norðlenska.
Styrkja greinar
þar sem erfitt hef-
ur verið að fá nema
ALLS sóttu 33 umsóknir um starf sveit-
arstjóra Eyjafjarðarsveitar en umsókn-
arfrestur rann út fyrir rúmri viku. Nýr
sveitarstjóri tekur við af Bjarna Kristjáns-
syni sem gegnt hefur starfinu frá 1998.
Umsækjendur eru: Anna Sigurðardóttir
kennari, Arinbjörn Kúld neyðarvörður,
Arnar Sverrisson sálfr., Björn S. Lárusson
ráðgjafi, Bryndís Bjarnarson há-
skólanemi, Daníel Arason tónl.kennari,
Egill Kristján Björnsson þjónustufulltrúi,
Einar Ingimundarson aðstoðarmaður,
Einar Kristján Jónsson deildarstj., Eiríkur
Haukur Hauksson forstöðum., Friðfinnur
Magnússon sölum., Guðmundur Jóhanns-
son, Gunnar Kristinn Þórðarson sölum.,
Gunnar Vigfússon, Halldór E. Laxness
leikstjóri, Haukur Nikulásson fram-
kvæmdastj., Hermann Arason rekstrarstj.,
Hjálmar Arinbjarnarson, Hreiðar Eiríks-
son lögfr., Jóhanna Sólrún Norðfjörð fjár-
málastj., Jón Hrói Finnsson þróunarstjóri,
Júlíus Arnason verkefnastjóri, Júlíus Ó.
Einarsson rekstrarstjóri, Kristján Krist-
jánsson verkefnastjóri, Kristján Snorra-
son þjónustufulltrúi, Magnús Már Þor-
valdsson fulltrúi, María Einarsdóttir
háskólanemi, Óli Þór Ástvaldsson, ráð-
gjafi, Pétur Maack Þorsteinsson sálfræð-
ingur, Signý Ormarsdóttir menningar-
fulltrúi, Sigríður Ólafsdóttir, Stefán
Stefánsson framkv.stj. og Tryggvi Harð-
arson framkvæmdastjóri.
33 sóttu um sveit-
arstjórastarfið
TÆKNIÞRÓUN í landbúnaði á síðustu öld
verður til umfjöllunar í Leikhúsinu á
Möðruvöllum í Hörgáradal annað kvöld.
Bjarni Guðmundsson, sem er prófessor
við Landbúnaðarháskóla Íslands og for-
stöðumaður Búvélasafnsins á Hvanneyri,
flytur erindi sem hann kallar Af Óla rokk-
ara og Gísla í Gröf: Bútæknibylting – brot
úr menningarsögu 20. aldar. Bjarni segir í
máli og myndum frá breytingum á búhátt-
um, byltingu í vinnuháttum í landbúnaði
og búvélaþróun. Erindið hefst kl. 20.30.
Kaffisopi á boðstólum og allir velkomnir.
Bútæknibylting