Morgunblaðið - 21.05.2008, Blaðsíða 19

tómstundir
MORGUNBLAÐIÐ MIÐVIKUDAGUR 21. MAÍ 2008 19
Sagt er að leitun sé að meiri fýlu enþeirri sem vill berast úr búnings-klefum hokkííþróttamanna. FlosrúnVaka Jóhannesdóttir segir að fýlan
sé engu minni hjá stelpunum. „Það er ákveðin
hokkílykt af þessu,“ segir hún kímin en
Flosrún varð á dögunum Evrópumeistari í
götu-hokkí kvenna (street hockey) með
danska liðinu Gentofte Rattlesnakes.
Keppa í öllum gallanum
„Á Íslandi er götu-hokkí spilað með legg-
hlífum, hönskum og hjálmi eingöngu en í
Danmörku keppum við í öllum gallanum, al-
veg eins og á ísnum. Fyrir vikið er þetta
miklu erfiðara, harðari átök milli leikmanna,
heitara og meiri sviti,“ segir Flosrún Vaka
sem á veturna stundar íshokkí af miklu kappi.
Hún hefur æft íshokki í um tíu ár, en götu-
hokkíið vakti ekki áhuga Flosrúnar fyrr en
fyrir um tveimur árum þegar hún flutti til
Danmerkur.
Alls kepptu átta lið um titilinn, og segir
Flosrún keppnina hafa verið æsispennandi.
Lauk úrslitaleiknum með vítakeppni: „Við
spiluðum á móti Þýskalandi í úrslitaleiknum.
Það lið er mjög gott og æfa margir meðlimir
þess allt árið um kring,“ segir hún.
Að sögn Flosrúnar er götu-hokkí í flesta
staði eins og íshokkí, nema keppendur nota
línuskauta í stað ís-skauta, ekki er notaður
pökkur heldur lítill bolti og fjórir leikmenn
eru inni á vellinum hverju sinni auk mark-
manns, en ekki fimm eins og í íshokkí. „Þetta
er alveg jafngaman og íshokkí, með sömu
keppnis- og öryggisreglum. T.d. verða kepp-
endur undir 18 ára að vera með hálshlíf, og
áherslurnar á æfingum eru þær sömu og í ís-
hokkí.“
Er þetta íþrótt fyrir stelpur?
Blaðamaður getur ekki staðist að stríða
Flosrúnu örlítið, og spyr hvort þetta séu
miklar dömur sem stunda hokkíið, eða hvort
keppendur vaði um keppnisvöllinn með til-
heyrandi stympingum, tann- og nefbrotum:
„Það kom mér reyndar á óvart að ég var
tekin niður 3–4 sinnum í götuhokkíinu, og
vissi þá ekki af mér fyrr en ég lá kylliflöt á
plötunni. Það er jafnvel sagt að harkan sé
örlítið meiri í götuhokkíinu en íshokkíi,“ seg-
ir hún. „Harkan er mikil, en þetta eru ekki
endilega fílefldar stelpur sem eru í þessu, og
margar algjörar dömur milli leikja,“ bætir
hún við.
Það var helst þýska liðið, að sögn Flosr-
únar, sem átti eitthvað líkt með afdankaðri
staðalmynd karlrembunnar um hokkí-
stelpur: „Þær voru með gat í vörinni, gat í
eyranu og gat í augnabrúninni, en þar sem
ekki má keppa nema límt sé yfir skartgripi
voru þær allar teipaðar í framan,“ segir
Flosrún glettin.
asgeiri@mbl.is
Algjörar dömur milli leikja
Sigurreifar Liðsmenn Gentofte Rattlesnakes höfðu ástæðu til að fagna ærlega þegar Evr-
ópumeistaratitillinn var í höfn eftir strembna keppni við þýsku stelpurnar.
Flink Flosrún mundar Evrópumeistarabik-
arinn, en hún spilar stöðu framherja.
Flosrún Vaka Jóhannesdóttir
er Evrópumeistari í götu-
hokkí. Hún sagði Ásgeiri
Ingvarssyni frá þessari íþrótt
sem hingað til hefur þótt
dæmigert strákasport – en
það er kannski að breytast.
Heimasíða Gentofte Rattlesnakes er á slóð-
inni www.rattlesnakes.987mb.com/
MIKIL loftmengun getur flýtt hármissi sam-
kvæmt breskri rannsókn sem forskning.no
greinir frá, að minnsta kosti ef hárlosið erfist
og háreigandinn er karlkyns.
Enginn vafi er á því að erfðir karla ráða því
hvort kollvik þeirra skríða upp á við eða hvort
glampa fer á hvirfilinn. Bresku vísindamenn-
irnir komast þó að því að loftgæðin þar sem
viðkomandi býr og starfar skipta einnig miklu
máli. Þeir sem hafa hármissi í genunum eiga
þannig mun frekar á hættu að verða þunn-
hærðir fyrr en ella verði þeir fyrir mikilli loft-
mengun.
Í rannsókninni voru hársekkir þunnhærðra
karla greindir á rannsóknarstofu. Í ljós kom
að eiturefni í lofti, sem einnig er að finna í síg-
arettureyk, geta þrengt sér gegn um húðina
eða í blóðrásina og þannig haft áhrif á hár-
rótina. Þetta getur leitt til neikvæðra áhrifa á
frumurnar í hársekkjunum sem aftur aftrar
hárvextinum.
Vísindamennirnir segja þetta benda til
þess að menn geti dregið úr hárlosi með því að
hætta að reykja eða hreinlega flytja til staða
þar sem loftið er hreinna.
Þeir sem óttast skalla en hafa ekki tök á að
flytja eiga þó einnig von því bresku vísinda-
mennirnir vonast til að rannsóknir þeirra leiði
til þess að hægt verði að þróa ný lyf gegn hár-
losi. M.a. sjá þeir fyrir sér hárkrem sem gæti
dregið úr skaðlegum áhrif loftmengunar.
Þegar hárið
hverfur
út í loftið
Hárlaus Sköllóttir geta líka verið karlmann-
legir eins og fótboltakappinn Zidane.
Reuters
Ópusallt er einfalt
www.opusallt.is/kynning
Ópusallt er ein þróaðasta viðskiptalausnin á mark-
aðinum í dag – en byggir á aldarfjórðungs reynslu af
íslenskum aðstæðum. Ópusallt er öflug lausn fyrir
fyrirtæki sem hafa þörf fyrir sveigjanlegt sölu- og
birgðakerfi, gott verkbókhald auk allra almennra
eiginleika góðrar og reyndrar viðskiptalausnar.
HugurAx / Guðríðarstíg 2-4 / 113 Reykjavík / hugurax@hugurax.is / Sími 545 1000