Morgunblaðið - 21.05.2008, Side 30

30 MIÐVIKUDAGUR 21. MAÍ 2008 MORGUNBLAÐIÐ
MINNINGAR
✝ Júlíus Guð-laugsson var
fæddur 18.2. 1931 í
Efra-Hofi í Garði
og lést á heil-
brigðisstofnun
Suðurnesja í Kefla-
vík 11.5. 2008.
Foreldrar hans
voru Guðlaugur
Oddsson sjómaður
og fiskimatsmaður í
Garði, f. 27.2. 1897,
d. 16.3. 1981 og
Þórunn Guðlaugs-
dóttir, f. 2.10. 1903,
d. 23.2. 1976. .
Júlíus var yngstur fjögurra
systkina. Elstur var Einar, f. 6.12.
1923, d. 14.6. 1986. Næstur var
Hörður, f. 24.11. 1925, d. 9.2.
1926. þá Guðbjörg, f. 12.1. 1927,
d. 10.1. 1990.
Áríð 1952 giftist hann eftirlif-
andi eiginkonu sinni Ellen Ein-
1951, sambýliskona hans er Haf-
dís Helgadóttir þroskaþjálfi, f.
9.1. 1953, þau eru búsett í Reykja-
vík. Börn Arnar eru Jan Schnei-
der, f. 30.1. 1970, giftur Susan
Race, þau eiga eitt barn saman,
Otto, en Jan á fyrir dótturina
Lenu. Sigríður Ellen viðskipta-
fræðingur, f. 9.1.1979, gift Kára
Birni Þorsteinssyni pípulagning-
armeistara, f. 14.11. 1974, börn
þeirra eru Guðni Freyr, f. 7.3.
2005, og Þorsteinn Ingi, f. 18.7.
2007. Þau eru búsett á Sauð-
árkróki. Erna Sif líffræðingur, f.
31.8. 1981, gift Hlyni Ómarssyni
garðyrkjufræðingi, f. 1.5. 1978,
og Arndís, f. 30.11. 1985.
Júlíus var sjómaður framan af
ævi. Síðan tóku við ýmis störf,
m.a. vann hann hjá Landsíma Ís-
lands, síðan við járnabindingar
bæði innanlands og í Svíþjóð og
gerði út bát um tíma. Síðustu árin
vann hann í áhaldahúsi Gerða-
hrepps.
Útför Júlíusar verður gerð frá
Hafnarfjarðarkirkju 21. maí og
hefst athöfnin kl. 13.
arsdóttur, f. 5.7.
1923.og bjuggu þau í
Efra-Hofi í Garði frá
1981 en áður á
Reykjavíkursvæðinu.
Börn þeirra eru
Guðlaugur rafvirki,
f. 26.10. 1959, bú-
settur í Reykjavík,
giftur 17.8. 2002
Kulli Kuur lögfræð-
ingi, f. 20.7. 1968,
frá Tallin í Eistlandi.
Þau eru barnlaus.
Guðríður, f. 13.3.
1965, giftist 14.5.
1994 Sigurjóni Hjaltasyni, f.
29.10. 1968. Þau eru bændur í
Raftholti. Þau eiga eitt barn sam-
an, Helgu Sunnu, f. 27.6. 1996.
Fyrir átti Guðríður einn son, Eini
Frey Helgason, f. 29.6. 1983,
nema. Júlíus og Ellen ólu upp
einn fósturson, Örn Valberg Úlf-
arson, byggingarverktaka, f. 2.9.
Júllí á Hofi var aðstoðarverk-
stjóri í Áhaldahúsinu þegar ég
kom haustið 1990 sem nýráðinn
sveitarstjóri í Garðinn. Hann var
einn af þeim starfsmönnum sem ég
kynntist strax og þurfti að hafa
mikil samskipti við. Júlli var
áhugasamur starfsmaður og
fræddi mig, aðkomumanninn, um
margt í Garðinum bæði hvað varð-
aði sögu, framkvæmdir og mann-
lífið.
Júlli var einstaklega léttur og
skemmtilegur í allri umgengni.
Hann hafði sterkar skoðanir á
mönnum og málefnum. Hann var
ekkert að leyna sínum skoðunum
og var óhræddur við að segja mér
sína skoðun á ýmsu sem snerti
stjórnun sveitarfélagsins. Ekki var
hann nú alltaf sáttur við það sem
ákveðið var að gera eða gera ekki
og lét mig heyra það. Stundum var
líka um stríðni að ræða en hann
hafði gaman af því að gantast með
hlutina. Ekki lá hann heldur á liði
sínu að gefa mér nýbyrjuðum
sveitarstjóranum góð ráð, hvernig
standa ætti að hlutunum.
Það var hressilegt að fá Júlla í
heimsókn á skrifstofuna. Ég og
stelpurnar settumst gjarnan í
spjall með Júlla á kaffistofuna.
Það voru skemmtilegar og hressi-
legar umræður um mannlífið al-
mennt og nánasta umhverfið.
Þegar Júllí lét af störfum í
áhaldahúsinu hélt hann áfram að
koma í kaffi á skrifstofuna og oft
kom Ella kona hans með honum.
Mér fannst ómissandi að gefa sér
tíma í stutt spjall við þau ágætu
hjón. Það var mjög lærdómsríkt að
hlusta á skoðanir þeirra og frá-
sagnir frá fyrri tíð.
Júlli er einn af þeim mönnum
sem maður mun alla tíð muna eft-
ir. Hann var svo ótrúlega léttur og
hress og hann hafði svo ákveðnar
skoðanir á öllu. Það var ánægju-
legt að fá tækifæri til að kynnast
svo ágætum félaga.
Við hjónin sendum Ellu og fjöl-
skyldu okkar innilegustu samúðar-
kveðjur.
Sigurður Jónsson.
Blessaður, afi minn. Alltaf
studdir þú mig í öllu sem ég tók
fyrir hendur, brostir og óskaðir
mér velgengni og farsældar, og
geri ég hér með hið sama. Ég get
ekki að því gert en að hugsa til
baka og minnast góðu tímanna
með bros á vör. Þegar þú varst
með gulrótaræktina, svo þaulhugs-
aða, að uppskeran var sennilega sú
bragðbesta á öllu landinu, og þó
víðar væri leitað. Þegar við spil-
uðum á spil langt fram eftir kvöldi;
ólsen ólsen, rússa, fimm-upp og
jafnvel tafl eða myllu. Þegar þú
tókst þá ákvörðun að taka ellinni
bara létt og keyptir þér gömlu-
kallahatt sem fékk annað fólk í
umferðinni til að gæta vel að þeg-
ar þú áttir ferð hjá.
Það er margt gott sem mig lang-
ar alveg ofsalega að segja, en það
er allt annað en auðvelt að koma
því í orð. Guð geymi þig, afi minn,
einhvern daginn tökum við aftur í
spil þegar við hittumst eftir þetta
líf.
Einir Freyr Helgason.
Júlli svili minn er dáinn. Við
vorum þrír jafnaldrar sem sótt-
umst eftir dætrum Einars Ein-
arssonar, klæðskera. Þegar ég
kynntist Júlla var hann þegar gift-
ur Ellu systur Siggu konu minnar.
Þegar við Sigga vorum í tilhugalíf-
inu var gott að heimsækja Ellu og
Júlla, en þau áttu þá heima á
Bjarmalandi við Rauðalæk, í
Reykjavík. Þar var alltaf gest-
kvæmt, alveg sama hvenær sem
mann bar að garði. Ella bakaði
pönnukökur og Júlli sagði sögur,
en Júlli hafði einstakan frásagn-
arhæfileika. Hann fór létt með að
færa hversdagslega hluti í
skemmtilegan búning.
Þegar Ella og Júlli fluttu í Garð-
inn, þá lá leiðin þangað. Það voru
ófáir sunnudagstúrarnir til þeirra.
Það var oft kátt á hjalla. Góða
skapið fylgdi þeim hvert sem þau
fóru og allir voru velkomnir í
sveitasæluna til þeirra. Ég sé Júlla
og Ellu fyrir mér í gulrótargarð-
inum, sem þau önnuðust af stakri
natni. Það voru margir pokarnir af
gómsætum gulrótum, sem við bár-
um með okkur heim.
Við hjónin eigum margar ljúfar
minningar frá þessum tíma. Það
var svo fallegt í Garðinum, eftir að
þau fluttu þangað, meira að segja
veðrið breyttist.
Ella og Júlli voru vön að dásama
veðrið og það var eins og það hefði
tekið stakkaskiptum. Rokið sem
Garðurinn var frægur fyrir hvarf
eins og dögg fyrir sólu, þegar þau
fluttust þangað, að minnsta kosti í
minningunni var alltaf blíðskapar-
veður þar, þegar við komum í
heimsókn.
Nú seinni árin var Júlli oft veik-
ur, en hann var ekki vanur að bera
veikindi sín á torg. Þau hjónin
bjuggu í Hofinu, í Garðinum, þrátt
fyrir veikindi hans, en Júlli þurfti
oft að leggjast inn á spítala, en
rétti alltaf við aftur og kom heim í
Hofið til Ellu sinnar.
Við hjónin kvöddum Júlla á spít-
alanum tveimur dögum áður enn
hann var allur. Þá brá fyrir sömu
gömlu glettninni, hjá honum.
Sigga spurði hann hvort hún
mætti ekki biðja fyrir honum.
„Það ætti ekki að saka,“ sagði
hann og brosti í kampinn, eins og í
gamla daga.
Þrátt fyrir að líkaminn væri bú-
inn að gefa sig, þá var erfitt að sjá
að hann ætti ekki afturkvæmt, þar
sem hugurinn og góða skapið var
enn til staðar.
Við hjónin biðjum Guð að blessa
minningu Júlíusar Guðlaugssonar
og gefa Ellu og fjölskyldu hennar
styrk og frið.
Sigurður Friðfinnsson.
Júlíus Guðlaugsson
Í DAG, 21. maí, hefði
Einar Björnsson skrif-
stofumaður orðið tí-
ræður.
Hann var sonur
hjónanna Björns Ólafs-
sonar símritara ættað-
ur úr Húnaþingi, og
Stefaníu Stefánsdóttur
frá Breiðdal austur.
Hann var fæddur í
Reykjavík „austan
læk“ góðu heilli eins og
hann var vanur að taka
til orða en fluttist ung-
ur með foreldrum sín-
um austur á Seyðis-
fjörð og bjó þar til 1930 eða til 22 ára
aldurs.
Félagsstörf áttu hug hans strax á
unga aldri og laðaðist hann snemma
að málefnum þeim tengdum. Á ní-
unda aldursári hóf hann störf í
barnastúkunni „Klettafrúin“ og síðar
gerðist hann félagi í Knattspyrnu-
félaginu Hugin og segja má að fé-
lagsmálaástríða hans hafi byrjað þá
ásamt aðdáun á knattspyrnunni sem
íþrótt. Segja má að íþróttir og bind-
indismál hafi mótað líf hans og störf
því þessi hugðarefni voru sem „rauð-
ur þráður“ í gegnum störf hans og
datt honum aldrei í hug að skera á
þann þráð.
Einar fluttist norður og stundaði
nám í Menntaskólanum á Akureyri,
var þar mikið íþróttalíf.
Hann tók þátt í að stofna Knatt-
spyrnufélag Akureyrar. Þann 8. jan-
úar 1928, lögðu tólf ungir áhuga-
samir menn leið sína inn á heimili
Axels Schiöth bakarameistara, til
þess að fylgja eftir umræðunum um
félagsstofnun. Er ekki að orðlengja
það, að þarna voru lögð fram frum-
drög að lögum fyrir þetta nýja félag,
sem var gefið nafnið Knattspyrnu-
félag Akureyrar. Stjórnin var kosin
og var hún þannig skipuð. Formaður
var kosinn Tómas Steingrímsson,
ritari Jón Sigurgeirsson, gjaldkeri
Helgi Schiöth, sonur Axels bakara-
meistara. Aðrir stofnendur voru þeir
Alfreð Lilliendahl, Arngrímur Árna-
son, Eðvarð Sigurgeirsson, Georg
Pálsson, Gunnar H. Kristjánsson,
Jónas G. Jónsson, Karl L. Bene-
diktsson, Kristján Kristjánsson og
Einar. Flestir voru þeir nemendur í
Menntaskólanum. Var þetta hátíðleg
stund í hugum stofnenda félagsins.
Tóku þeir þátt í Íslandsmótinu ár-
ið eftir stofnun félagsins eða 1929.
Var haldið til Reykjavíkur að keppa
við hina „stóru“ þar syðra en var
þetta í fyrsta sinn sem knattspyrnu-
lið af Norðurlandi tók þátt í því móti.
Eftir að Einar flyst alfarinn suður
til Reykjavíkur gekk hann til liðs við
KR, en fékk bakþanka og flutti sig
yfir til Vals þrem dögum síðar, sann-
færður um að það væri sitt félag.
Einar sat í stjórn Vals í 16 ár.
Kemur það engum á óvart sem
þekktu til hans, að það sem var hon-
um efst í huga þau ár sem hann starf-
aði hjá Val var eins og hann orðaði
það sjálfur „kynni mín af dugmiklum
velviljuðum félögum sem ég hef
bundist vináttubönd-
um“.
Einar sat í tvö tíma-
bil, 13 ár, í KRR eða
knattspyrnuráði
Reykjavíkur, lengst af
sem formaður. Einnig
sat hann í stjórn KSÍ
og ÍSÍ.
Einar fékkst við skrif
og skrifaði greinar um
knattspyrnu í Alþýðu-
blaðið. Mest var um
frásagnir og gang mála
í leikjum og þá með hóf-
legu orðavali. Fæddust
þá mörg gullkornin og
til að mynda hafði ein íþróttagreinin
þessa fyrirsögn, „KR sigraði Val 7-2 í
hörkuspennandi og jöfnum leik“.
Auk þess að standa í þessu prent-
pexi eins og hann kallaði ritstörfin
var hann virkur í samtökum bindind-
ismanna, góðtemplari frá 9 ára aldri
og eins og hann sagði sjálfur „staðist
skuldbindinguna“, en hún lagði
grundvöll að allri félagsmálastarf-
semi alþýðumanna hér á landi með
fundarsköp svo fullkomin og traust
svo önnur gerast ekki betri. Enda
hafa þau orðið öðrum félagssamtök-
um fyrirmynd og sjálft Alþingi hefur
haft hliðsjón af þeim.
Þessar tvær hreyfingar sem voru
Einari hjartfólgnastar, þ.e. íþrótta-
hreyfingin og bindindishreyfingin
fannst honum vera greinar af sama
meiði. Báðar stuðluðu þær að betra
og fegurra mannlífi og efla það besta
sem í hverjum manni býr.
Einar starfaði hjá Trygginga-
stofnun ríkisins í nær þrjá áratugi.
Hjá Áfengisvarnarnefnd Reykja-
víkur, sem ráðgjafi og til aðstoðar
þeim sem á þurftu að halda í rúm 30
ár.
Einnig starfaði hann á vegum lög-
reglunnar við eftirlit á vínveitinga-
stöðum borgarinnar í rúm 20 ár á
kvöldin og um helgar.
Í áratugi vann hann langan vinnu-
dag, en samt hafði hann alltaf tíma til
að sinna félagsmálum.
Má segja að þetta hafi verið lífs-
viðhorf Einars.
Einar giftist Olgu Ellen Ludvigs-
dóttur, dóttur þeirra Ludvigs A.
Hafliðasonar kaupmanns á Vestur-
götunni í Reykjavík og Jóhönnu K.
Bjarnadóttur frá Reykhólum. Ellen
var ákaflega dagfarsprúð og lét sér
ekki bregða þótt Einar væri frá
heimilinu löngum stundum sökum
starfa eða félagsmála. Saman áttu
þau þrjú börn, þau Jóhönnu, Björn
og Þorstein og er Þorsteinn sá eini
eftirlifandi af þeim. Auk þess eiga
þau Einar og Ellen 14 barnabörn og
19 barnabarnabörn.
Einar Björnsson lést þann 8. júní
1990.
Með þessari grein viljum við eft-
irlifendur þeirra Einars og Ellenar
minnast þeirra með alúð og hlýju.
Fyrir hönd afkomenda.
Þorsteinn B Einarsson,
Einar E Björnsson.
Meira: meira á mbl.is/minningar
Einar Björnsson
ALDARMINNING
Lið Vesturlands vann
kjördæmamótið
Lið Vesturlands nýtti sér heimavöllinn til
hins ýtrasta og vann Kjördæmamótið sem
haldið var í Stykkishólmi um helgina.
Eftir fyrri dag voru Reyknesingar efstir en
seinni daginn var úr þeim allur vindur og Vest-
lendingar tóku forystuna sem þeir héldu til
loka móts. Vesturland og Norðurland Eystra
áttust við í næstsíðustu umferð. Úr varð stór-
meistarajafntefli og fyrir síðustu umferð var
Vesturland með 5 stiga forystu. Þeir spiluðu
við Vestfirði á meðan Norðurland eystra þurfti
að glíma við Reykjavík. Norðurland eystra
vann góðan sigur á Reykjavík en Vesturland
stóð sig enn betur á móti Vestfjörðum og
hampar því titlinum í ár.
Bikarkeppnin 2008
Búið er að draga í 1. og 2. umferð í bikar-
keppni BSÍ sumarið 2008. Alls skráðu sig 33
sveitir til leiks en 1. umferð á vera lokið 8. júní.
Einn leikur er í fyrstu umferð:
Haraldur Þ. Gunnlaugsson – Sigurður Erlingsson
Í 2. umferð sem á að vera lokið 29. júní dróg-
ust þessar sveitir saman:
Pottormarnir – Eyþór Jónsson
Eðvarð Hallgrímsson – VÍS
Grant Thornton – Erla Sigurjónsdóttir
Omar Sharif – Gunnar Björn Helgason
Sölufélag garðyrkjumanna – Kristinn Kristinsson
Hulda – Hrafnhildur Skúladóttir
Sparisjóður Siglufjarðar – Þjóðhagi
Landsbankinn – Inda
Vegas – BBF
Haraldur Gunnl./Sig. Erlings – Þröstur Árnason
Ómar F. Ómarsson – Mr. Bæjó
Breki jarðverk – Sparisjóðurinn í Keflavík
Björgvin Már – kriskris.is
Gylfi Baldursson – Unaós
Málning hf. – Norðanstrengur
BYR – Eykt
Frá eldri borgurum í Hafnarfirði
Föstudaginn 16. maí var spilað á 15 borðum.
Úrslit urðu þessi í N/S
Jens Karlsson – Björn Björnsson 382
Einar Einarsson – Magnús Jónsson 372
Ragnar Ásmundsson – Aðalheiður Torfadóttir 362
Rafn Kristjánsson – Magnús Halldórsson 357
A/V
Kristján Þorláksson – Jón Sævaldsson 403
Stefán Ólafsson - Óli Gíslason 387
Sigurður Hallgrímsson – Ingimundur Jónsson 380
Alfreð Kristjánsson – Sigrún Pétursdóttir 377
Vetrarvertíð lýkur hjá
Bridsfélagi Akureyrar
Síðasta móti vetrarins hjá Bridsfélagi Akur-
eyrar, Alfreðsmótinu, lauk nýverið. Það er
minningarmót um Alfreð Pálsson sem lengi
var einn af helstu spilurum B.A. og góður fé-
lagi.
Fjölskylda Alfreðs gaf að vanda skemmtileg
verðlaun í mótið.
Spilaður var impa-tvímenningur og pör
einnig dregin saman í sveitir.
Röð efstu para varð þessi:
Pétur Guðjónsson - Grettir Frímannsson 130
Frímann Stefánsson - Reynir Helgason 114
Haukur Jónsson - Grétar Örlygsson 27
Una Sveinsdóttir - Jón Sverrisson 17
Efstu sveitir urðu:
Pétur - Grettir , Pétur Gíslas. - Sigurður Erlingss. 122
Haukur - Grétar, Gissur Jónass. - Gissur Gissurars. 32
Una - Jón, Valmar Väljaots - Hans Viggó Reisenhus 9
Aðalfundur félagsins var haldinn 13. maí.
Stjórnin var að mestu endurkjörin. Formaður
er áfram Stefán Vilhjálmsson.
Sumarbrids er hafið, spilað á þriðjudags-
kvöldum í Lionssalnum Ánni, Skipagötu 14, 4.
hæð og leikar hefjast kl. 19:30. Allt spilafólk
hjartanlega velkomið, í pörum eða stakt. Um-
sjónarmaður sumarbrids er Frímann Stefáns-
son, s. 867 8744.
Bridsdeild FEB í Reykjavík
Tvímenningskeppni spiluð í Ásgarði, Stang-
arhyl, mánudaginn 19.05.
Spilað var á 10 borðum. Meðalskor 216 stig.
Árangur N-S
Bragi Björnsson - Albert Þorsteinsson 279
Sigurður Jóhannsson - Siguróli Jóhannsson 241
Björn E. Pétursson - Gísli Hafliðason 232
Árangur A-V
Jón Lárusson - Eyjólfur Ólafsson 266
Ragnar Björnsson - Guðjón Kristjánsson 247
Þröstur Sveinsson - Kristján Jónasson 230
BRIDS
Umsjón Arnór G.
Ragnarsson| norir@mbl.is