Morgunblaðið - 01.08.2008, Side 13

MORGUNBLAÐIÐ FÖSTUDAGUR 1. ÁGÚST 2008 13
AÐSÓKN í sundlaug Bolungar-
víkur hefur stóraukist. Hátt í
tveimur þúsundum fleiri gestir
hafa sótt sundlaugina í sumar en á
sama tíma í fyrra en það er um
100% aukning.
Í veðurblíðunni undanfarna daga
hefur aðsókn verið meiri en nokkru
sinni fyrr en það má þakka nýju
vatnsrennibrautinni. Fólk nýtur
sundlaugarinnar, heitu pottanna og
hinnar rómuðu sólbaðsaðstöðu.
Tjaldstæði Bolungarvíkur er við
sundlaugina. Ferðafólk hefur í
auknum mæli nýtt sér það að gista
á tjaldstæðinu en aðstaða þar hefur
verið stórbætt undanfarin ár.
Sundlaugin verður opin alla
verslunarmannahelgina, í dag kl. 8-
22, laugardag kl. 10-18, sunnudag
kl. 10-16 og mánudag kl. 8-22.
Fullt af fólki
í sundlauginni
MÚSARRINDILL gerði sér í sumar
hreiður í gömlum aðventukransi
sem hangið hefur á vegg í grillkrók
við sumarbústað við Skorradal
nokkur undanfarin ár. Það sama
gerðist reyndar einnig fyrir fjórum
árum. Í hreiðrinu eru nú sex ungar.
Flottur
músarrindill
FEMÍNISTAFÉLAG Íslands hvetur
til ábyrgrar kynhegðunar þar sem
ánægja og vellíðan þátttakenda
sem ganga fúsir til leiks er mark-
miðið um leið og það harmar að
umræða undanfarinna daga sé á þá
leið að texti við lag Baggalúts,
Þjóðhátíð ’93, snúist um eðlilega
hegðun í samskiptum kynjanna.
„Leiddar hafa verið að því líkur að
eitthvað hljóti að vera að hjá fólki
sem sér ofbeldistilvísanir og kven-
fyrirlitningu út úr textanum. Við
bendum á að kynferðisofbeldi er út-
breitt í íslensku samfélagi og að
stórátaks sé þörf svo unnt sé að
sporna við því. Til að útrýma kyn-
ferðisofbeldi er nauðsynlegt að
byggja upp samfélag jafnréttis og
virðingar á milli kynja.“
Hvetja til ábyrgr-
ar kynhegðunar
MESSAÐ verður í Ábæjarkirkju í
Austurdal í Skagafirði nk. sunnu-
dag, 3. ágúst, kl. 14.30. Aðeins er
messað í kirkjunni einu sinni á ári.
Sr. Ólafur Hallgrímsson þjónar fyr-
ir altari og predikar. Jóhann Már
Jóhannson flytur einsöng og org-
anisti er Rögnvaldur Valbergsson.
Að messu lokinni bjóða systkini
Helga heitins Jónssonar, síðasta
ábúandans í dalnum, öllum kirkju-
gestum til kaffis að Merkigili, líkt
og þau hafa gert í yfir áratug. Ár-
leg messa í Ábæjarkirkju er ávallt
vel sótt en vegurinn er seinfarinn
og því gott að gefa sér góðan tíma
til ferðarinnar, segir sr. Ólafur
Hallgrímsson.
Árleg messa
í Ábæjarkirkju
ELDUR kom upp í tveimur brögg-
um í Nauthólsvík um þrjúleytið í
gær og var slökkviliðið í Skógarhlíð
og af flugvellinum kallað á staðinn.
Braggarnir eru í eigu sigl-
ingaklúbbsins Brokeyjar og Svif-
flugfélags Íslands og eru báðir
nýttir sem geymsluhúsnæði. Þeir
voru mannlausir þegar slökkviliðið
kom á staðinn en að venju voru þó
sendir inn reykkafarar til að ganga
úr skugga um að enginn væri inn-
anhúss. Eldurinn kom upp í einu
herbergi en dreifði úr sér og var
kominn á milli þilja þegar slökkvi-
menn komu á staðinn, með þeim af-
leiðingum að rjúfa þurfti þakið og
brjóta niður veggi. Umtalsverðar
skemmdir urðu því á húsunum og
því sem þar var geymt vegna elds
og reyks. Um klukkustund leið frá
því að kallið barst og þar til tekist
hafði að slökkva eldinn með þrem-
ur dælubílum. Lögreglan fer með
rannsókn málsins en líklegt þykir
að um íkveikju sé að ræða, þar sem
húsin eru ekki tengd rafmagni.
unas@mbl.is
Morgunblaðið/Frikki
Sprautað Tæpa klukkustund tók að slökkva eldinn með hjálp kröftugra dælubíla slökkviliðsins.
Geymslur
brunnu
í Nauthólsvík