Morgunblaðið - 05.08.2008, Blaðsíða 6

6 ÞRIÐJUDAGUR 5. ÁGÚST 2008 MORGUNBLAÐIÐ
FRÉTTIR





 







 









  



 
 
  
 


 


! " # $ % & ' (
(


) * 


  +*,--

Eftir Skúla Á. Sigurðsson
skulias@mbl.is
KÓPAVOGSBÆR stendur nú í
ströngu við að breyta göngum fyrir
gangandi vegfarendur undir
Reykjanesbraut í Kópavogi í göng
fyrir bílaumferð. Í göngunum verða
akstursbrautir í báðar áttir og
gangvegir sitthvorumegin.
Göngin munu tengja saman
Digranesveg vestanmegin þeirra og
Skógarlind austanmegin. Að sögn
Þórs Jónssonar, upplýsingafulltrúa
Kópavogsbæjar, er meginmarkmið
ganganna að létta á umferð sem nú
safnast inn á Fífuhvammsveg en er
á leið inn í Lindir, hverfin þar fyrir
ofan eða lengra í vestur. „Þannig að
sú umferð sem nú safnast öll inn á
Fífuhammsveg getur sneitt þar
hjá,“ segir Þór og telur þetta muni
breyta miklu fyrir umferðina á
svæðinu. Þá muni akandi vegfar-
endur komast hjá hringtorgunum
norðan Smáralindar. Göngin munu
að sögn Þórs létta umferð þar tölu-
vert.
Vegagerðin kostar framkvæmd-
irnar og samkvæmt samningi við
verktaka er stefnt að verklokum 15.
nóvember 2008. Kostnaður við
gangagerðina er áætlaður 242 millj-
ónir króna.
Létt á Fífu-
hvammsvegi
Göngum undir Reykjanesbraut í Kópa-
vogi breytt í göng fyrir bílaumferð
Morgunblaðið/Ómar Garðarsson
Vestmannaeyjar Gríðarlegur fjöldi var í brekkunni og að loknum brekku-
söng voru tendruð 134 rauð blys sem lýstu upp Herjólfsdal.
Eftir Þorbjörn Þórðarson
thorbjorn@mbl.is
UM ÞRETTÁN þúsund manns voru
á þjóðhátíð í Vestmannaeyjum um
helgina. Eru það um það bil þremur
þúsundum fleiri gestir en undanfarin
ár og var hátíðin í ár sú stærsta í sög-
unni.
„Þessi var alveg stórkostleg í alla
staði. Dagskráin lukkaðist afar vel og
hátíðin var stórslysalaus. Við erum
því afar ánægð með árangurinn. Það
er alveg öruggt að hátíðin í ár var sú
fjölmennasta í sögunni,“ segir Elliði
Vignisson, bæjarstjóri í Vestmanna-
eyjum. Að sögn Elliða breytti rign-
ingin um helgina engu fyrir skemmt-
anahaldið. „Brekkusöngurinn tókst
vel og brekkan iðaði af lífi. Það hrís-
last alltaf um mann gæsahúð þegar
blysin eru tendruð og menn syngja
saman „Lífið er yndislegt.“
Að sögn Elliða hefur þjóðhátíðin
verið að breytast undanfarin ár.
„Gestirnir taka nú mun meiri þátt í
hefðum heimamanna, eins og að
snæða reyktan lunda, kjötsúpu og
virkja stemmninguna í tjöldunum.
Gestirnir kunna orðið betur að halda
þjóðhátíð,“ segir Elliði.
Á samráðsfundi lögreglustjóra
með fulltrúum gæslu, mótshaldara
og sálgæslu kom fram að þjóðhátíð
hefði gengið vel og fá mál komið upp.
Gríðarlegur fjöldi var á hátíðarsvæð-
inu í brekkusöngnum sl. sunnudags-
kvöld og að honum loknum voru
tendruð 134 rauð blys sem lýstu upp
Herjólfsdal, eitt fyrir hvert ár sem
þjóðhátíð hefur verið haldin.
Pylsur með rauðkáli slógu
í gegn á Akureyri
Um það bil 8.000 gestir sóttu hátíð-
ina Eina með öllu á Akureyri. Voru
því rúmlega 20.000 manns í bænum
þegar best lét. „Það urðu engin
meiriháttar óhöpp og menn voru al-
mennt friðelskandi og spakir,“ segir
Sigrún Björk Jakobsdóttir, bæjar-
stjóri á Akureyri. Hátíðin endaði með
vel sóttum tónleikum á Akureyrar-
velli og flugeldasýningu. Sigrún segir
að hádegistónleikar í Iðnaðarsafni á
sunnudeginum hafi einnig verið vel
sóttir en þar var m.a boðið upp á „Ey-
firðinginn,“ en það er pylsa með öllu
og rauðkáli. Ruku pylsurnar út. Sig-
rún segir að annar bragur hafi verið á
hátíðinni í ár. Minna hafi verið um lík-
amsárásir og færri fíkniefnamál
komu upp í ár en áður.
Góður andi í Neskaupstað
Um 5.000 manns sóttu fjöl-
skylduhátíðina Neistaflug í Neskaup-
stað. Hátíðinni var þjófstartað á
fimmtudaginn þegar keppt var í
drullubolta, auk þess sem allir gátu
mætt með hljóðfærin sín og tekið
þátt blúsdjammi í Blúskjallaranum.
Aðrar smærri útihátíðir voru haldnar
víða um land. Heppnuðust þær al-
mennt vel, eftir því sem næst verður
komist.
Fjölmennasta þjóðhátíðin
 13.000 manns í Herjólfsdal  Friður
á Akureyri  Neistaflug fyrir austan
Morgunblaðið/Kristín Ágústsdóttir
Neskaupstaður Fjölskylduhátíðinni Neistaflugi í Neskaupstað lauk með
tilkomumikilli flugeldasýningu. Um 5.000 manns voru í Neskaupstað.
Í HNOTSKURN
»Þjóðhátíðin í Eyjum er arf-ur frá þjóðhátíðinni 1874.
Eyjamenn komust ekki upp á
fastalandið vegna veðurs þeg-
ar átti að fagna þúsund ára af-
mæli þjóðarinnar á Þingvöll-
um og héldu því sína eigin
þjóðhátíð.
»Þjóðhátíðarlag er fasturliður og fyrsta þjóðhátíð-
arlagið er talið vera Setjumst
að sumbli frá árinu 1933 eftir
Oddgeir Kristjánsson, með
texta eftir Árna úr Eyjum.
Morgunblaðið/Þorgeir Baldursson
Akureyri 8.000 manns lögðu leið sína norður á Eina með öllu-hátíðina. Há-
tíðinni var slitið með stórtónleikum á Akureyrarvelli.
EIN ALVARLEG líkamsárás átti
sér stað á þjóðhátíð í Eyjum og var
þolandi fluttur með sjúkraflugi til
Reykjavíkur vegna kjálkabrots. Sex
aðrar líkamsárásir voru tilkynntar
yfir hátíðina, allar minniháttar.
Nokkur þjófnaðarmál komu upp og
var þar aðallega um að ræða að
greipar voru látnar sópa úr tjöldum
hátíðargesta.
Samtals komu til kasta lögregl-
unnar í Vestmannaeyjum sautján
fíkniefnamál á hátíðinni frá fimmtu-
degi, en mikil áhersla var lögð á að
hafa eftirlit með þessum málaflokki.
Eru það mikil umskipti frá árinu
2005 þegar upp komu á fimmta tug
mála. Nú var um að ræða amfetamín,
kókaín, kannabis og sýru, en efnin
fundust bæði á fólki en einnig á víða-
vangi þar sem neytendur höfðu kast-
að þeim frá sér, er þeir urðu varir við
lögreglu.
Lögreglan í Vestmannaeyjum
fékk ekki vitneskju eða upplýsingar
um kynferðisbrot á hátíðinni, en þol-
endur brotanna bíða oft með að til-
kynna þau. Því er ekki vitað hvort
slík brot hafi átt sér stað eða ekki.
thorbjorn@mbl.is
Kjálka-
brotinn í
Eyjum
17 fíkniefnamál og
nokkuð um þjófnaði
TVÆR konur
leituðu á neyðar-
móttöku sjúkra-
hússins á Akur-
eyri vegna
kynferðisofbeldis
um helgina. Ekki
liggur fyrir hvort
um nauðganir er
að ræða eða ann-
ars konar kyn-
ferðisbrot.
Samkvæmt upplýsingum frá
neyðarmóttöku Landspítalans í
Fossvogi hafði enginn þolandi kyn-
ferðisofbeldis leitað þangað um
helgina. „Í fyrstu sýn virðist áróður
gegn nauðgunum vera að skila sér.
Í samanburði leituðu hingað í
kringum tuttugu þolendur um
verslunarmannahelgina 2001,“ segir
Eyrún Jónsdóttir, hjúkrunarfræð-
ingur á neyðarmóttöku. Að sögn
Eyrúnar er það oft þannig að
margir þolendur bíða með að til-
kynna brotin og leita síðan til
Stígamóta. thorbjorn@mbl.is
Í neyð fyrir
norðan
Eyrún Jónsdóttir
ÓHÆTT er að segja að loftbrú
hafi verið mynduð milli Vest-
mannaeyja og lands eftir hádegi í
gærdag þegar þoku létti af fjalls-
tindum í Eyjum, en tafir urðu á
flugi framan af vegna veðurs.
Flugfélag Íslands áætlaði að fljúga
á þriðja tug ferða. Flugfélag Vest-
mannaeyja gerði ráð fyrir að
fljúga á annað hundrað ferðir á
Bakkaflugvöll, en um 3.000 manns
biðu eftir flugi frá Eyjum í gær-
morgun. Þá fór Herjólfur þrjár
ferðir í gær og nótt.
Loftbrú milli
lands og Eyja
LEIÐRÉTT
Orð féllu út
Í frétt um málefni Orkuveitu
Reykjavíkur sl. laugardag féll út
hluti setningar sem höfð var eftir
Kjartani Magnússyni. Rétt er setn-
ingin svona: „Það var á dagskrá
fyrrverandi stjórnar að setja stór-
aukið fé úr sjóðum OR í útrásar-
verkefni REI. Það var ein af fyrstu
ákvörðunum nýrrar stjórnar að
stöðva slíkar fyrirætlanir.“