Morgunblaðið - 05.08.2008, Blaðsíða 15

MORGUNBLAÐIÐ ÞRIÐJUDAGUR 5. ÁGÚST 2008 15
MENNING
RITHÖFUNDURINN Salman
Rushdie íhugar nú að höfða mál á
hendur fyrrverandi lífverði sínum
sem hefur gefið út bók um starf sitt
með Rushdie. Lífvörðurinn, sem
heitir Ron Evans, skrifaði bókina
On Her Majesty’s Service þar sem
hann lýsir þeim tíma þegar hann
gætti rithöfundarins í kjölfar líf-
látshótana í hans garð eftir að hann
hafði skrifað hina umdeildu Söngva
satans árið 1988.
Í viðtali við breska ríkisútvarpið
BBC sagði Rushdie að bókin væri
uppfull af lygum og að hann væri
alvarlega að íhuga að höfða mál.
Evans þessi, sem hefur einnig
starfað sem lífvörður Johns Majors,
segir meðal annars frá því í bókinni
þegar lífverðirnir lokuðu Rushdie
inni í skáp vegna þess að þeim þótti
hann svo pirrandi, og fóru svo á
barinn.
Þá segir hann frá því að Rushdie
hafi rukkað lífverðina um leigu
þegar þeir dvöldu á heimili hans á
næturnar.
Þessum ásökunum, sem og ýms-
um fleiri sem fram koma í bókinni,
vísar rithöfundurinn alfarið á bug.
Rushdie
í mál við
lífvörð?
Ósáttur við
nýútkomna bók
Reuters
Umdeildur Salman Rushdie.
FIMMTU tónleikarnir í Sum-
artónleikaröð Listasafns Sig-
urjóns verða haldnir í kvöld kl.
20.30. Á þeim flytja Þórunn El-
ín Pétursdóttir sópran og Anna
Rún Atladóttir píanóleikari
fjölbreytta efnisskrá með lög-
um frá ólíkum tímabilum og
heimshornum, sem öll eiga það
sameiginlegt að lýsa hug-
arheimi og veruleika barna.
Meðal höfunda eru Atli Heimir
Sveinsson, Edvard Grieg, Leonard Bernstein og
Jóhann G. Jóhannsson. Tónleikarnir standa í
klukkustund og miðaverð er 1.500 kr. Hægt er að
kaupa miða við innganginn eða í síma 553-2906.
Tónleikar
Lög um börn
og fyrir börn
Atli Heimir
Sveinsson
LESTUR sakamálaleikritsins
Dauði trúðsins eftir Árna Þór-
arinsson í leikgerð Hjálmars
Hjálmarssonar hefst á Rás 1
kl. 13 í dag. Verkið verður flutt
á virkum dögum til föstudags-
ins 29. ágúst, en alls er um 19
þætti að ræða. Dauði trúðsins
er stærsta verkefni Útvarps-
leikhússins á þessu ári, en yfir
40 leikarar leika í þáttunum.
Með helstu hlutverk fara
Hjálmar Hjálmarsson sem leikur Einar, Jóhann
Sigurðarson er Ólafur Gísli, Sigurður Hrannar
Hjaltason er Ágúst Örn afleysingaljósmyndari og
Guðrún S. Gísladóttir er hin dularfulla Viktoría.
Útvarp
Dauði trúðsins
hefst í dag
Árni Þórarinsson
SIGURJÓN Bergþór Daða-
son klarinettuleikari og
Kristján Karl Bragason
píanóleikari halda tónleika í
Safnaðarheimili Keflavík-
urkirkju, Kirkjulundi, í kvöld,
þriðjudagskvöldið 5. ágúst.
Tónleikarnir hefjast klukkan
20.00.
Á efnisskrá verða verk fyr-
ir klarinett og píanó eftir tón-
skáld á borð við Schumann,
Haydn, Bozza, Poulenc og
Denisov.
Aðgangseyrir að tónleikunum er 1.000 krónur
og allir eru velkomnir á meðan húsrúm leyfir.
Tónleikar
Píanó og klarinett
í Keflavíkurkirkju
Sigurjón Bergþór
Daðason
Eftir Bergþóru Jónsdóttur
begga@mbl.is
SEX erlend skáld og tólf íslensk
lesa í ljóðapartíum á Smíðaverk-
stæði Þjóðleikhússins og taka þátt í
umræðum í Norræna húsinu á
Fjórðu alþjóðlegu ljóðahátíð Nýhils
22.-24. ágúst. Kristín Eiríksdóttir er
listrænn stjórnandi hátíðarinnar og
segir hún öll erlendu skáldin sem
sækja hátíðina heim vera mjög
spennandi.
„Þetta er fólk sem hefur gengið
mjög vel í sínum heimalöndum. Það
verður til dæmis mjög áhugavert að
sjá Þjóðverjann Ann Cotten. Hún
yrkir sonnettur á mjög sérstakan
hátt, annars er engin leið að gera
upp á milli skáldanna, þau eru öll
sérstök.“
Eru einhverjir sameiginlegir
þræðir í skáldskap erlendu skáld-
anna og þeirra íslensku?
„Það verður einmitt mjög fróðlegt
að rannsaka þetta á hátíðinni. Við
gefum út veglega bók með þýð-
ingum íslensku skáldanna yfir á
enska tungu og íslenskum þýð-
ingum á erlendu skáldunum. Þegar
bókin kemur út verður þetta verð-
ugt rannsóknarefni. Mér finnst þó
áberandi hjá ungum skáldum í
Norður-Evrópu, að fólk er að vinna
mikið með formið. Daninn Morten
Søkilde setur sér til dæmis mjög
strangar reglur með formið. Hann
vinnur líka með sonnettuformið en
setur sér mörk með notkun sér-
hljóða og slaga í línu. Samt finnst
mér mikil tilfinning í ljóðunum
hans. Hann setur sér þannig reglur
sem henta honum.
Pólitík og andóf
Tvö skáldanna eru mjög pólitísk,
Sureyyya Evren kemur frá Tyrk-
landi, en hann er öflugur í útgáfu-
starfsemi og er anarkisti. Ida Börjel
kemur frá Svíþjóð, og hún er með
mjög snarpa ádeilu á neyslumenn-
ingu Vesturlanda. Þetta eru allt
þræðir sem ég tel hægt að finna hjá
ungskáldum í Reykjavík.“
Hvert eru ung skáld að sækja sér
viðfangsefni? Eru ljóð að verða per-
sónulegri og innhverfari?
„Þetta er misjafnt. Fólk er að
vinna með formið eins og ég sagði,
en það er líka pláss fyrir það per-
sónulega og einkalega, sem er
áhugavert, því þetta eru algjörar
mótsagnir.“
Atómskáldin rufu gömul form, en
þó virðist skáldum enn vera þörf á
að sækja í festu eða form. Eða eru
þetta einungis aðferðir við að hemja
sig?
„Það virðist liggja í augum uppi,
að í upplausn sækir maður í form.
Mér finnst samt mega kafa dýpra í
það og skoða hvað það er. Það sem
er þó mikilvægast er að fólk er að
fara sínar eigin leiðir með formið.
Þetta eru engin skólabókardæmi og
endurgerðir, heldur er fólk að setja
sér eigin reglur.“
Alþjóðleg ljóðahátíð Nýhils verður haldin í fjórða sinn dagana 22.-24. ágúst
Formið og reglan
kalla á ungu skáldin
Morgunblaðið/Þorkell
Skáld Kristín Eiríksdóttir er listrænn stjórnandi ljóðahátíðarinnar. Hún segir fólk setja sínar eigin reglur á hátíðinni.
BRÆÐRABYLTA, stuttmynd
Gríms Hákonarsonar, vann verð-
laun á tveimur kvikmyndahátíðum
á dögunum. Hún var annars vegar
valin besta stuttmyndin á Phila-
delphia International Gay &
Lesbian Film Festival og hlaut hins
vegar áhorfendaverðlaunin á Palm
Springs Gay & Lesbian Film
Festival. Með verðlaununum í
Philadelphia hlýtur Bræðrabylta
jafnframt tilnefningu til
IRIS-verðlaunanna, sem eru eins-
konar Óskarsverðlaun fyrir kvik-
myndir um samkynhneigð, og eru
afhent í Cardiff í Wales á hverju
ári.
Frá þessu var greint á heimasíðu
Lands & sona, logs.is.
Bræðrabylta
fær tvenn
verðlaun
Smíðaverkstæði Þjóðleikhússins
Ljóðapartí, föstudags- og laugardagskvöld, frá kl. 20 til 23. Ólöf Arn-
alds leikur tónlist á föstudagskvöldinu, en útskriftarnemar í „Fræðum
& framkvæmd“ við Listaháskóla Íslands munu ramma inn dagskrána
með óvæntum uppákomum bæði kvöldin.
Norræna húsið
Málþing sunnudag, um óháða útgáfustarfsemi og ljóðabókaútgáfu á al-
þjóðavísu. Þátttakendur í umræðum verða þau Sureyyya Evren og
Nina Søs Vinther.
Dagskrá Erlendu skáldinNina Søs Vinther (Danmörk),
Ida Börjel (Svíþjóð), Hanno
Millesi (Austurríki), Ann
Cotten (Þýskaland), Sureyyya
Evren (Tyrkland), Morten
Søkilde (Danmörk).
Íslensku skáldin
Kristín Svava Tómasdóttir,
Kári Páll Óskarsson, Ingólfur
Gíslason, Eiríkur Örn Norð-
dahl, Haukur Már Helgason,
Kristín Eiríksdóttir, Linda Vil-
hjálmsdóttir, Jón Örn Loðm-
fjörð, Örvar Þóreyjarson
Smárason, Ófeigur Sigurðsson,
Una Björk Sigurðardóttir og
Ragnar Ísleifur Bragason.