Morgunblaðið - 29.09.2008, Blaðsíða 8

8 MÁNUDAGUR 29. SEPTEMBER 2008 MORGUNBLAÐIÐ
FRÉTTIR
RÆTT verður um aðdraganda þess
að Bandaríkjaher fór af landinu og
viðbrögðin við því á fundi á vegum
Alþjóðamálastofnunar Háskóla Ís-
lands. Gunnar Þór Bjarnason flytur
fyrirlestur um bók sem hann hefur
nýlega sent frá sér og Styrmir
Gunnarsson flytur erindi um bókina
og umfjöllunarefni hennar.
Bók Gunnars heitir „Óvænt áfall
eða fyrirsjáanleg tímamót? Brottför
Bandaríkjahers frá Íslandi: Að-
dragandi og viðbrögð“. Hún fjallar
um samskiptin við Bandaríkin í ör-
yggis- og varnarmálum, meðal ann-
ars hvers vegna Bandaríkjastjórn
ákvað að kalla heim varnarliðið á
Keflavíkurvelli og því jafnframt
velt upp hvort kannski væri nær að
spyrja af hverju herinn var ekki
löngu farinn. Fjallað er um það
hvernig Íslendingum hefur gengið
að bregðast við brottför hersins og
hvort varnir landsins séu nægilega
vel tryggðar.
Höfundurinn, Gunnar Þór
Bjarnason er BA í sagnfræði og
þýsku frá Háskóla Íslands, stund-
aði framhaldsnám í Þýskalandi og
hefur lokið MA-prófi í alþjóða-
samskiptum frá HÍ. Hann hefur
kennt við Fjölbrautaskólann í
Breiðholti um árabil.
Fyrirlesturinn verður í stofu 132
í Öskju á morgun, þriðjudaginn 30.
september, milli kl. 17 og 18. Bald-
ur Þórhallsson, prófessor í stjórn-
málafræði, stýrir fundinum.
„Óvænt áfall
eða fyrirsjáan-
leg tímamót“
BESTI hundurinn reyndist Berne-
gården’s Prince Of Thieves á al-
þjóðlegri hundasýningu Hunda-
ræktarfélags Íslands (HRFÍ) sem
haldin var í reiðhöllinni í Víðidal
um helgina.
Hundurinn er af tegundinni St.
Bernharðs og er fæddur 10. júlí
2006 en eigandinn er Guðný Vala
Tryggvadóttir. Með þeim á mynd-
inni eru Jose Luis Payro Duenas,
dómari frá Mexíkó, og Jóna Th.
Viðarsdóttir, formaður HRFÍ.
Á áttunda hundrað hunda
750 hundar af 85 tegundum voru
sýndir á einni glæsilegustu sýningu
félagsins. Einnig voru heiðraðir af-
reks- og þjónustuhundar ársins og
ýmis fleiri verðlaun er keppt um á
slíkri sýningu. Sex dómarar frá
fjórum löndum dæmdu samtímis.
St. Bernharðs-
hundur bestur
Fremstur Besti hundur sýningar.
ÍBÚAFUNDUR á vegum Sjálfstæð-
isfélags Álftaness verður haldinn í
kvöld klukkan 20 í sal Álftanes-
skóla. Fundurinn stendur til klukk-
an 22 og eru allir áhugasamir Álft-
nesingar velkomnir.
Á dagskrá fundarins eru umræð-
ur um Álftanesskóla, íþrótta-
miðstöðina, og skipulag og fjármál.
Bæjarfulltrúar Sjálfstæðisfélagsins
verða frummælendur á fundinum.
Í tilkynningu frá stjórn Sjálf-
stæðisfélags Álftaness segir að á
fundi bæjarstjórnar Álftaness
þriðjudaginn 30. september 2008
muni meðal annars koma til um-
ræðu tillögur að miklum lántökum,
meðal annars vegna kaupa á landi.
Bæjarfulltrúar vilji því kynna íbú-
um stöðu þessara málaflokka.
Íbúafundur
á Álftanesi
UMSÆKJANDI
um stöðu rektors
við Landbúnað-
arháskóla Íslands
hefur ákveðið að
áfrýja til Hæsta-
réttar dómi Hér-
aðsdóms Reykja-
víkur þar sem
ríkið var sýknað
af kröfu um að
brotið hefði verið
gegn jafnréttislögum við ráðninguna
og viðurkenningu á skaðabóta-
skyldu. Með því vill hún láta reyna á
það hvort jafnréttislög séu í raun og
veru í gildi hér á landi eða ekki.
Ingileif Steinunn Kristjánsdóttir
sameindalíffræðingur var meðal
fjórtán umsækjenda um stöðu rekt-
ors Landbúnaðarháskóla Íslands
sem stofnaður var með sameiningu
þriggja stofnana. Landbúnaðarráð-
herra skipaði Ágúst Sigurðsson í
stöðuna í ágúst 2004. Ingileif óskaði
eftir rökstuðningi ráðuneytisins,
kvartaði til umboðsmanns Alþingis
og vísaði málinu til kærunefndar
jafnréttismála, áður en hún höfðaði
mál á hendur ríkinu þar sem hún
taldi að brotið hefði verið gegn jafn-
réttislögum við ráðninguna. Héraðs-
dómur Reykjavíkur sýknaði ríkið,
taldi að færð hefðu verið rök fyrir
því að sá sem ráðinn var hefði verið
hæfari en kærandinn til að gegna
starfinu.
Hissa á svona dómi
„Maður verður næstum því hissa á
svona dómum. Það gerir það að
verkum að við hjónin erum búin að
ákveða að áfrýja dómnum,“ segir
Ingileif. Hún segir að í dómi héraðs-
dóms hafi ekki verið tekið tillit til úr-
skurðar umboðsmanns Alþingis eða
þess að kærunefnd jafnfréttismála
klofnaði í úrskurði sínum sem hún
segir óvenjulegt. Umboðsmaður
fann að málsmeðferð ráðuneytisins
en meirihluti kærunefndarinnar
taldi ekki að jafnréttislög hefðu ver-
ið brotin. Þá nefnir Ingileif sem
ástæðu fyrir áfrýjun sinni að í dómn-
um hafi ekki heldur verið tekið tillit
til gildra plagga sem sýni fram á að
Ágúst Sigurðsson hafi ekki verið
höfundur kynbótamatskerfisins
Blupsins en fullyrðing fyrrverandi
ráðuneytisstjóra um það verið látin
standa.
„Verði þetta talið gilt í Hæstarétti,
þá eru jafnréttislög ómerk og alveg
eins gott að segja fólki það hreint
út,“ segir Ingileif. helgi@mbl.is
Lætur
reyna á
jafnréttið
Ingileif Steinunn
Kristjánsdóttir
Umsækjandi um
stöðu rektors áfrýjar
Eftir Kristbjörgu Sigurðardóttur
Raufarhöfn | Hrútadagurinn verður haldinn 4.
október nk. í Faxahöllinni á Raufarhöfn í fjórða
sinn. Dagskráin hefst kl. 14 með sölu á lamb-
hrútum og geta bændur og aðrir áhugasamir
um hrúta hvaðanæva af landinu skoðað úrvalið
af norðurþingeyskum vöðvabúntum. Þegar
kaupendur hafa valið sér lambhrút, einn eða
fleiri, eru hrútarnir teknir úr sölu, skráðir hjá
ritara og teljast þá seldir.
Fyrirfram verða valdir úr nokkrir hrútar
sem stigahæstir eru eða þykja skara fram úr
öðrum hrútum að einhverju leyti og verða þess-
ir gripir seldir hæstbjóðanda á uppboði sem
fram fer í lok söludagsins. Búist er við að um 15
bændur mæti með u.þ.b. 250 hrúta.
Sauðkindin í aðalhlutverki
Ýmislegt fleira verður um að vera á Rauf-
arhöfn þennan dag. Í Faxahöllinni verður hand-
verksfólk í héraðinu með sölusýningu á hand-
verki, kaffiveitingar verða á sínum stað, auk
þess sem haldin verður þar, í annað sinn, Ís-
landsmeistarakeppni í kjötsúpugerð en rétt til
þátttöku hafa félagasamtök, veitingahúsaaðilar
eða aðrir tengdir matvælaframleiðslu. Um
kvöldið verður hagyrðingakvöld í félagsheim-
ilinu Hnitbjörgum þar sem valdir heimamenn
og útvaldir gestir munu kveðast á.
Lengi hefur verið leyfð sala á fé úr Þistilfirði
og Langanesi en fyrir nokkrum árum var lífs-
ölusvæðið stækkað svo nú nær það einnig yfir
Melrakkasléttu, Núpasveit og Öxarfjörð. Kaup-
endum, ef til vill langt að komnum, var því
nokkur vandi á höndum ætluðu þeir að fara um
allt svæðið með viðkomu á þeim fjölmörgu bæj-
um sem hafa lífsöluleyfi. Því var það að fram-
takssamir bændur í héraðinu ákváðu að safna
saman á einn stað þeim hrútum sem þóttu sölu-
hæfir. Þetta var gert m.a. til að auðvelda kaup-
endum valið með því að hafa hrútana alla á ein-
um stað og geta þannig borið þá saman.
Faxahöllin á Raufarhöfn, sem er reiðhöll Rauf-
arhafnarbúa, þótti henta vel fyrir samkomu
sem þessa, miðsvæðis á sölusvæðinu og góð að-
staða fyrir menn og skepnur. Núna, þremur ár-
um seinna, er Hrútadagurinn að festa sig í sessi
sem árlegur viðburður í héraði með ýmsum
skemmtilegum uppákomum, þar sem maður er
manns gaman þótt sauðkindin sé í aðalhlutverki
sem oftar.
Bjóða norðurþingeysk vöðvabúnt
Morgunblaðið/Kristbjörg Sigurðardóttir
Til sölu Hrútadagurinn verður haldinn í fjórða
sinn nk. laugardag í Faxahöllinni á Raufarhöfn.
Þar geta áhugasamir skoðað úrval hrúta.
Eftir Jón H. Sigurmundsson
Þorlákshöfn | Icelandic Water Hold-
ings ehf. sem síðastliðin þrjú ár hef-
ur starfrækt átöppunarverksmiðju
fyrir Iceland Glacial-vatnið í Þor-
lákshöfn, gangsetti á föstudag nýja
verksmiðju í landi Hlíðarenda í Ölf-
usi. Verksmiðjan sem er 6.700 fer-
metrar að stærð mun í fyrri áfanga
anna átöppun um 100 milljóna lítra á
ári.
Icelandic Glacial-vatnið hefur
fengið margvíslegar viðurkenningar
fyrir gæði sín og hreinleika. Jafn-
framt hafa umbúðir vatnsins vakið
mikla athygli og hlotið ýmis verð-
laun fyrir bæði útlit og gæði.
Mikið fjölmenni
Jón Ólafsson framkvæmdastjóri
og aðaleigandi ávarpaði fjölmarga
gesti sem sumir hverjir voru langt
að komnir, svo sem starfsmenn og
samstarfsaðilar í Bandaríkjunum,
Anheuser Busch, erlendir jafnt sem
innlendir blaðamenn, ráðherrar og
þingmenn. Jón kom víða við í ræðu
sinni sem hann flutti á ensku. Hann
sagði að á þeim fjórum árum sem
verkefnið hefði staðið væri búið að
eyða um 5 milljörðum íslenskra
króna í þróunarstarf, markaðs-
kynningu og aðra uppbyggingu og
gera mætti ráð fyrir að áfram yrði
að festa fé í starfseminni áður en
hún færi að skila hagnaði. Hann
sagði einnig: „Talið er að um 200 ný
vörumerki af átöppuðu vatni líti
dagsins ljós í heiminum á ári hverju.
Af þeim er talið að aðeins fjögur nái
að lifa meira en eitt ár og ennþá
færri en tvö ár. Íslendingar hafa
vissulega fengið sinn skerf af mót-
vindi í vatnsútflutningi og það er
rétt að hafa í huga að þótt góður ár-
angur hafi náðst í markaðsfærslu
Icelandic Glacial til þessa er langur
vegur frá því að sigur sé í höfn.“
Einstakt vatnsból
„Við höfum aðgang að einstöku
vatnsbóli. Átöppunarferlið og um
leið gæði vatnsins eru eins og best
verður á kosið, eins og fjölmargar
viðurkenningar og rannsóknir bera
glöggt vitni um. Umbúðirnar eru
margverðlaunaðar og vekja hvar-
vetna athygli. Viðtökur markaðarins
í þeim löndum sem vatnið hefur ver-
ið selt til hafa verið ákaflega góðar.
Síðast en ekki síst höfum við fengið
langstærsta dreifingaraðila á banda-
rískum drykkjavörumarkaði, An-
heuser Busch, til liðs við okkur, bæði
sem dreifingaraðila og 20% hluthafa
í félaginu,“ sagði Jón.
Flutt til þurfandi
Jón sagði frá því að stjórn Ice-
landic Water Holdings hefði ákveðið
að stofna The Icelandic Glacial
Water For Life Foundation. Sjóðn-
um er ætlað að beita sér fyrir víð-
tæku samstarfi um flutning vatns til
þurfandi fólks í heiminum, til dæmis
í kjölfar þurrka, náttúruhamfara eða
vatnsskorts vegna til dæmis
skemmdarverka, styrjalda eða ann-
arra mannanna verka. Grunnurinn
að þessari hugmynd er að víða um
heim eru gömul risastór olíuskip
sem eru það sem kallað er einbotna
og því ekki lengur heimilt að flytja
olíu eða önnur mengandi efni um
heimsins höfn en mega flytja vatn.
Ráðherra aðstoðaði
Iðnaðarráðherra Össur Skarphéð-
insson, aðstoðaði stofnendur Ice-
landic Glacial, Jón Ólafsson og
Kristján Ólafsson, við að gangsetja
framleiðslulínu verksmiðjunnar.
Össur sagði í ræðu sem hann flutti
að hann væri stoltur af því að vera
iðnaðarráðherra og fá að taka þátt í
þessu verkefni, einnig sem fyrrver-
andi umhverfisráðherra og sem um-
hverfissinni. Hann flutti ham-
ingjuóskir frá ríkisstjórn Íslands.
Ólafur Áki Ragnarsson, bæj-
arstjóri sagði að í hvert sinn sem
hann klifi hæstu tinda jarðar eins og
í Afríku, Evrópu og innan tíðar Suð-
urameríku, tæki hann með sér
flösku af Ölfusvatni og nú fyndist
honum að hann stæði á einum sínum
hæsta tindi sem bæjarstjóri.
Morgunblaðið/Jón H. Sigmundsson
Opnun Efnt var til mikillar veislu þegar nýja átöppunarverksmiðjan var opnuð í Ölfusi.
Ný átöppunarverksmiðja
gangsett á Hlíðarenda
Í HNOTSKURN
» Verksmiðjan er búin sérstöku orkustjórnunarkerfi til að haldaáhrifum á náttúru og umhverfi í lágmarki.
» Vatnsból verksmiðjunnar sem er beint undir henni myndaðist ímiklum eldsumbrotum fyrir um 4500 árum. Hraunveggir umlykja
vatnið á þrjá vegu en til suðurs streymir það óbeislað til sjávar í
magni sem myndi anna tvöfaldri heimsneyslu vatns á flöskum, sem
um þessar mundir er 200 milljarðar lítra á ári.
» Full afköst verksmiðjunnar verða um 200 milljónir lítra á ári eðaeinn þúsundasti af heimsframleiðslunni.