Skinfaxi - 01.04.1962, Blaðsíða 24

faxa var séra Eiríkur J. Eiríksson. Þor-
steinn Skúlason sá um skákþátt í blaðinu.
Stefán ólafur Jónsson leiðbeindi í starfs-
íþróttum og hafði umsjón með þeim. Þórð-
ur J. Pálsson, kennari í Reykjavík var
skógarvörður í Þrastaskógi. Margir í-
þróttakennarar störfuðu á vegum samtak-
anna.
íþróttir.
Iþróttir voru eins og áður einn aðalþátt-
urinn í starfsemi félaganna. Fjöldi íþrótta-
kennara starfaði hjá félögum og héraðs-
samböndum. Kennslugreinar voru: frjáls-
ar íþróttir, sund, fimleikar, knattleikir,
glíma og skíðaíþrótt. Flest héraðssam-
böndin og fjöldi einstakra félaga héldu
íþróttamót. Samvinna var um íþrótta-
kennsluna við I.S.I. Fjöldi kennara, sem
unnu hjá héraðssamböndunum og þeirra,
sem nutu kennslu, var svipaður og árið
áður, en ekki er að fullu lokið að vinna úr
skýrslum ársins 1961.
11. íandsmót U.M.F.l.
var haldið að Laugum í Suður-Þingeyj-
arsýslu 1. og 2. júlí. Þáttakendur í íþrótt-
um voru 343. Þátttakendur í leikfimi, þjóð-
dönsum, söng og fararstjórn flokka 314.
Dómarar og starfsmenn við keppni voru
um 80. Mjög var vandað til hátíðadagskrár
mótsins. Þjóðkunnir menn fluttu ræður
um störf og stefnu Ungmennafélaganna.
Sambandsstjóri U.M.F.I. flutti messu. Mik-
ill fjöldi ungmennafélaga vann að undir-
búningi mótsins og margs konar þjónustu
mótsdagana án endurgjalds. Héraðssam-
band Suður-Þigeyinga sá um framkvæmd
mótsins. óskar Ágústsson var formaður
framkvæmdanefndar, en Ármann Péturs-
son var fulltrúi U.M.F.Í. í nefndinni. Móts-
stjóri var Þorsteinn Einarsson. Mannfjöldi
mikill var á landsmótinu og fór það ágæt-
lega fram. Undirbúningur allur var til
sóma.
Utanför.
Sumarið 1961 var haldið norrænt í-
þróttamót í Vejla í Danmörku. Ungmenna-
félag Islands sendi 30 frjálsíþróttamenn á
mótið karla og konur. Alls var hópurinn 40
manns með fararstjórum og gestum. Þátt-
takendur voru valdir að loknu landsmótinu
að Laugum. Islenzku piltarnir unnu keppni
í frjálsum íþróttum. Stúlkurnar urðu í öðru
sæti. Samanlagt urðu íslenzku þátttakend-
urnir hæstir. Þetta var fyrsta hópför ís-
lenzkra frjálsíþróttamanna frá U.M.F.Í.
til keppni á erlendri grund. Förin heppn-
aðist vel og var þátttakendum og U.M.F.I.
til sóma.
Starfsíþróttir.
Stefán Ólafur Jónsson og Vilborg
Björnsdóttir húsmæðrakennar leiðbeindu
félögum í starfsíþróttum og sáu þau ásamt
frk. Steinunni Ingimundardóttur um und-
irbúning starfsíþróttanna á landsmótinu
að Laugum. Þá voru einnig gefnar út
nokkrar nýjar leiðbeiningar í starfsíþrótt-
um.
Skógræktarmál — Þrastaskógur.
Skógarvörður var í Þrastaskógi yfir
sumarmánuðina. Gróðursettar voru um
6000 trjáplöntur. Skógarvörður sá um
gi’óðursetninguna, en ungmennafélagar úr
Árnessýslu unnu að henni. Fjöldi ung-
mennafélaga vann að gróðursetningu og
annarri skógræktarvinnu, ýmist sjálfstætt
eða á vegum skógræktarfélaga. Nokkur
24
SKINFAXI