Skinfaxi - 01.12.1976, Síða 10

keppti í 3. deild í ár. Frjálsar iþróttir
eru líka alltaf mikið iðkaðar, og við
eigum ágætt íþróttafólk á því sviði.
Að sjálfsögðu höldum við héraðsmót
og einnig sérstakt unglingamót til að
fylgja eftir skólakeppni á veturna, og
það er mjög ánægjulegt að sjá þann
áhuga sem unglingarnir sýna þessum
málum.
Ekki má gleyma að minnast á sund-
ið. Sundlaugar eru margar í héraðinu,
en því miður er iðkun sunds og árang-
ur í því ekki í samræmi við þá góðu
aðstöðu sem við höfum. Þar er því ekki
til neinna stórra afreka að telja, en
þó vil ég geta þess að hríseyingar hafa
staðið sig best í sundinu hér í héraðinu
undanfarin ár og borið hæstan hlut
á héraðsmótinu enda þótt sundað-
staða sé þar lakari en víðast annars
staðar. En þarna er áhugi á þessari
íþrótt og árangur hríseyinga eftir því.
— Telurðu vera almennan íþrótta-
áhuga í Eyjafirði?
Skák er meðal keppn-
isgreina á skólamóti
UMSE í íþróttum, og
er myndin tekin í
einni slíkri keppni.
— Já, hiklaust. Ég á eftir að geta
um eina íþróttagrein sem nær ein-
göngu er stunduð á Dalvík og ná-
grenni, en það er skíðaiþróttin. Á Dal-
vík er komin nokkur aðstaða til skíða-
iðkana í Böggvistaðafjalli, og hún mun
enn batna á næstunni með tilkomu
skíðalyftu.
Ég er þess fullviss að áhugi á iþrótt-
um mun fara vaxandi á komandi ár-
um, og það er einkum vegna þess að
ungt fólk veit að næsta landsmót verð-
ur haldið hér í héraðinu, og það eykur
áhuga og metnað heimamanna.
— Hvernig gengur að afla fjár til
starfsemi sambandsins?
— UMSE nýtur góðs stuðnings
sveitarfélaganna í sýslunni. Þetta ger-
ir okkur kleift að hafa fastan starfs-
mann sem aftur á móti vinnur að frek-
ari fjáröflun fyrir sambandið ásamt
fjölþættu starfi að öðrum þáttum.
Meðal fjáröflunarleiða eru auglýsing-
ar í Ársriti UMSE, árleg jólavörusala
10
SKINFAXI