Skinfaxi - 01.10.1977, Blaðsíða 5

Þinghald.
Það var fagurt veður en haust í
lofti, þegar þingfulltrúar og gestir
tóku að tínast á Þingvöll um hádegis-
bil á laugardaginn þann 10. september
síðastliðinn. Menn heilsuðu hver upp
á annan hressir og ánægðir, margir
hverjir að sjást nú í fyrsta sinn um
langan tíma og gripu því kærkomið
tækifæri til að stinga saman nefjum
og ræða málin áður en þinghald hófst.
En það gefst ekki langur tími til við-
ræðna í þetta sinn því senn hefjast
þingstörf en áður en setning fer fram
þiggja menn kaffiveitingar í boði
HSK.
Þingsetning.
Hafsteinn Þorvaldsson, form. UMFÍ,
setti þingið og bauö fulltrúa og gesti
velkomna á þetta afmælisþing og
lýsti yfir ánægju sinni með að hægt
hefði verið að halda þingið á þessum
stað.
í setningarræðu sinni gat formaður
nýrra aðildarfélaga Ungmenna- og
iþróttasambands Ólafsfjarðar, Umf.
Djúpverja í Snæfjallahreppi og Umf.
Geisla á Súðavík, og bauð fulltrúa
þeirra sérstaklega velkomna. Þá lýsti
Hafsteinn ánægju sinni yfir vaxandi
skilningi opinberra aðila á starfi UMFÍ
og gat þess að á sl. ári hefði framlag
ríkisins til UMFÍ hækkað um 118%.
Að lokum gat hann þess að mörg viða-
mikil mál lægju fyrir þessu þingi og
nefndi i því sambandi reglugerð fyrir
16. Landsmót UMFÍ sem haldið verður
á Selfossi næsta sumar.
Starfsmenn þingsins.
Þingforsetar voru kosnir. Sveinn
Jónsson, UMSE og Ófeigur Gestsson,
UMSB.
Þingritarar þeir Gísli Magnússon,
HSK, Aðalbjörn Gunnlaugsson, UNÞ,
og Skúli Oddsson, USVS. í kjör-
bréfanefnd Arnaldur Bjarnason, HSÞ,
Sigurjón Bjarnason, UÍA og Ingi-
mundur Ingimundarson, UMSB.
Þingfulltrúar.
Á þingið voru mættir 57 fulltrúar
frá 19 aðildarfélögum og samböndum,
eða frá eftirtöldum: UMSK, UMSB,
HSH, HVÍ, Umf. Geisla, UMF. Bolung-
arvíkur, USAH, UMSS, UÍÓ, UMSE,
HSÞ, UNÞ, UÍA, USÚ, USVS, HSK,
Umf. Víkverja, Umf. Keflavíkur og
Umf. Skipaskaga.
Vilhjálmur Hjálmarsson í ræðustól. Ljósm. gk.
SKINFAXI
5