Skinfaxi - 01.10.1977, Blaðsíða 15
Halldóra Gunnarsdóttir, fulltrúi HSK.
— Að mínu áliti er það samþykktin
um húsakaupin. Þetta er kannski
djarft en starfið er orðið mikið og
hreyfingunni veitir ekki af, að fá sitt
eigið húsnæði. Ég veit að allir félagar
innan UMFÍ munu standa saman að
þessu verkefni, sem og öðrum.
Gestur
Guðmundsson.
Gestur Guðmundsson,
fulltrúi frá UMSK.
— Það sem einkennir þetta þing eins
og mörg fyrri þing, er sá mikli áhugi
fyrir framgangi góðra mála landi og
lýð til góðs. Stærsta og merkasta málið
á þessu þingi er afgreiðsla reglugerðar
fyrir næsta landsmót, og góð samstaða
um þá afgreiðslu. Landsmótin eru
stolt hreyfingarinnar og því mikils um
vert að undirbúningur sé góður, og
framkvæmd takist sem best.
ÞRASTASKÓGUR.
Páll Aðalsteinsson formaður UMSK
hefur löngum sýnt málefnum Þrasta-
skógar mikinn áhuga. Skinfaxi innti
Pál eftir hugmyndum hans um þessa
eign UMFÍ.
Páii
Aðalsteinsson.
Ungmennafélag íslands á stórkost-
lega eign Þrastaskóg, fallegt land
skógi vaxið, þar er íþróttavöllur með
áhorfendasvæði. Þessi eign hefur lítið
verið notuð af ungmennafélögum og
eru að sjálfsögðu ýmsar ástæður fyrir
þvi m.a. þær að þar vantar búnings-
klefa og böð við íþróttavöllinn.
Þrastaskógur býður upp á mikla
möguleika til útivistar íþrótta og
skógræktar. í skóginum þarf að koma
upp aðstöðu til þess að ungmenna-
félagar geti dvalið þar í lengri eða
skemmri tíma. Æskilegt væri að UMFÍ
ætti hús þar sem hægt væri að halda
fundi, hafa mötuneyti og svefnað-
stöðu. Umsjónarmaður ætti að búa þar
minnsta kosti yfir sumartímann. Hér-
aðssamböndin gætu svo komið sér upp
litlum húsum á skipulögðu svæði.
Með þessari aðstöðu væri hægt að
reka sumarbúðir ungmennafélaganna,
halda þar íþróttamót, æfingabúðir og
sumarhátíðir.
Þrastaskógur yrði þannig sameigin-
legur íþrótta- og útiverustaður allra
ungmennafélaga á íslandi.
SKINFAXI
15