Skinfaxi - 01.08.1983, Síða 3

SKINFAXI
4. tbl. - 74. árg. - 1983
ÁSKRIFTARVERÐ:
200 kr. árgangurinn.
LAUSASÖLUVERÐ:
45 kr. eintakið
ÚTGEFANDI:
Ungmennajélag Islands.
RITSTJÓRI:
Ingólfur A. Steindórsson.
RITNEFND:
Jón G. Guðbjömsson,
Bergur Torjason,
Guðjón Ingimundarson.
AFGREIÐSLA SKINFAXA:
Skrifstoja UMFÍ
Mjölnisholli 14, Reykjavík.
Sími 14317.
UMBROT OG FILMUGERÐ
Prentþjónustan hj.
SETNING OG PRENTUN:
Prentsmiðjan Rún sj.
MEÐAL EFNIS: bi».
Frá félagsstarfinu .............. 4
Viðtal við Jónínu Benediktsdóttur,
íþróttakennara .................. 8
Norræn Ungmennavika í Suður
Slésvík 1983 12
Siglingaíþróttir ................ 16
Bikarkeppni FRÍ í 1. deild ...... 18
Bikarkeppni FRÍ í 2. deild ...... 21
Bikarkeppni FRÍ í 3. deild ...... 24
VísnaþátturSkinfaxa ............ 27
Þrír íslandsmethafar
í sömu f jölskyldimni ........... 28
FORSÍÐUMYNDIN.
Forsíðumyndin er aj Einari Vilhjálmssyni
UMSB, íslandsmethaja í spjótkasti. íslandsmet
hans er 90,66 m, sett í keppninni milli Norður-
la\danna og Bandaríkjanna í sumar. Einar er með
Jremstu spjótkösturum heims og á mjóg líklega enn
ejtir að bœta sig.
Þóroddur
Jóhannsson.
Fljótum ekki
sofandi að
feigðarósi.
Eitt af stærstu vandamálum íslendinga, sem flestra annarra þjóða, er ofneysla áfengis
og margskonar tjón af hennar völdum. Má í því sambandi nefna slys, sjúkdóma,
fjárhagstjón og margvíslegan félagslegan skaða. Þessar staðreyndir held ég að flestir,
sem um hugsa, viðurkenni, enda sýna opinberar skýrslur kaldan veruleikann á þessu
sviði, en þrátt fyrir það, að þeim fjölgar, sem sjá og viðurkenna þau vandamál sem oftast
fylgja áfengisneyslunni, þá virðist síður en svo bjart framundan í þessum málum. Er
mér þá efst í huga áfengisneysla unglinga og jafnvel bama, sem virðist enn færast í vöxt.
Það er hryggileg staðreynd, að meðal 16-17 ára unglinga skuli vera til einstaklingar
orðnir það háðir áfenginu, að þeir teljist áfengissjúklingar. Mörg félagasamtök og
einstaklingar hafa lagt mikið af mörkum í baráttunni við áfengisvandann, unnið
björgunarstarf, þó árangur blasi ekki ætíð við allra augum. Þetta starf ber að þakka og
virða. - En stóra átakið er eftir, sem sé það, að snúa almenningsálitinu gegn áfengis-
neyslunni. En það er tæpast von til að sá áfangi sé í sjónmáli, meðan hið opinbera,
vinnur beint og óbeint að aukinni áfengisneyslu í landinu. Það er auðvelt að rökstyðja
þessu þungu orð. Alltaf fjölgar áfengisútsölum á vegum ríkisins og einnig vínveitinga-
stöðum, þannig að sífellt „batnar" þjónustan við áfengisneytendur og opinberir aðilar
halda sínu striki með vínveitingar í veislum og við önnur ,,viðeigandi" tækifæri. Allt
þetta hlýtur að stuðla að aukinni áfengisneyslu, einfaldlega vegna þess, að því auðveld-
ara sem er að ná í áfengið, því meiri drykkja. Með þessum orðum er ég ekki að mæla
með bannlögum, ég held að þau leysi ekki vandann, því miður, en ströngu aðhaldi
verður að beita, ef ekki á að fara enn verr en nú er komið.
Hvaða úrræði koma til greina sem unnið geta á móti áfengisneyslunni? t»ví er að
sjálfsögðu vandsvarað. Ég vil nefna hér nokkuratriði, sem að mínu mati gætu komið að
gagni:
1. Stórauka fræðslu í öilum skólum landsins. - Öll fræðsla um áfengi þarf að vera vel
undirbúin, lífræn og traust. Myndræn gögn s.s. kvikmyndir eru æskileg.
2. Auka fræðslu í fjölmiðlum, sérstaklega í sjónvarpi.
3. Meiri stuðning frá ríkinu við félög og samtök þeirra sem vinna að bindindismálum.
4. Herða eftirlit á meðferð áfengis á skemmtistöðum.
5. Minnka eða afnema vínveitingar hjá opinberum aðilum.
Margt fleira mætti nefna í þessu sambandi, en hér læt ég staðar numið í bili. Ekki er
rúm til að tökstyðja hvert atriði fyrir sig, en öll stefna þau að settu marki, þ.e. fyrir-
byggjandi starfi.
Markmiðið er: Mitini áfetigistieysla,
færri vatidamál,
betra mattnlíf.
Að lokum leyfi ég mér að beina orðum til allra ungmenna-og íþróttafélaga, að þau taki
áfengismálin fastari tökum, en þau hafa £ert að undanfömu. Það mun verða þeim
gæfuspor.
Fljótum ekki sofandi að feigðarósi í áfengisflóðinu.
SKINFAXI
3