Skinfaxi - 01.12.1987, Side 6

Molar
Hér annars staðar í blaðinu er sagt frá góðum árangri 1. deildarliðs
UIA í körfuknattleik karla. Þeirra helstu andstæðingar er Tindastóll
frá Sauðárkróki. Eins og UÍA menn, hefur Tindastóll ekki tapað leik
til þessa og stefnir í einvígi milli þessara tveggja liða um sigur í 1.
deildinni. Til þess að halda nú jafnvægi á toppnum, birtum við hér
mynd af Tindastólsmönnum.
Ungmennasam-
band Borgarfjarðar stendur í
stórræðum þessa dagana á
sextugsafmælinu sínu. Eins og
sagt er frá annars staðar hér í
blaðinu héldu þeir heilmikla
íþróttahátíð í Borgarnesi fyrir
nokkru. Nú eru þeir hins vegar
komnir í blaðaútgáfu ásamt
Neytendafélagi Borgarfjarðar og
verkalýðsfélögunum í Borgarnesi.
Fyrsta tölublaðið (Borgfirðingur)
er þegar komið út og annað er á
leiðinni. Það er framkvæmdastjóri
UMSB, Ingimundur Ingimundar-
son, sem er driffjöðurin í blaðinu
og ritstjóri þess. Ingimundur
sagðist í samtali við Skinfaxa vera
mjög bjartsýnn á tilvist blaðsins,
það væri ekkert í líkingu við
Borgfirðing í héraðinu og þörfin
væri mikil...
Völsungur áHúsavfkhefur
ráðið Aðalstein Aðalsteinsson til
sín í hálft starf sem
framkvæmdastjóra félagsins.
Aðalsteinn mun einnig leika með
Völsungi í 1. deildinni í
knattspyrnu á næsta sumri en hann
er nú að ná sér af þeim meiðslum
sem hann varð fyrir í upphafi
keppnistímabilsins í fyrra.
Aðsetur framkvæmdastjórans
verður í Völsungsherberginu í
Félagsheimili Húsavíkur. Þar
verður hann til viðtals á
mánudögum og föstudögum frá
10.30 til 12.00 og á miðvikudögum
frá 17.00 til 19.00...
Frá usvs . “Einsogflestirvita
sjálfsagt þá hefur mörg undanfarin
ár verið aðeins einn íþróttavöllur í
sýslunni sem stendur undir nafni,
og það er völlurinn í Vík. En nú
verður væntanlega breyting á því
næsta ár, þar sem tveir vellir eru nú
að komast á lokastig og verða
vonandi tilbúnir fyrir mót næsta
sumar. Það er völlur Umf.
Armanns á Klaustri, og völlur
Umf. Dyrhólaeyjar við Pétursey.
Þetta kemur til með að breyta
aðstöðu þessarra félaga geysilega
mikið til hins betra, og vonandi
verður það til þess að efla
íþróttastarfið á þessum stöðum.
Kleifavöllur, en það heitir völlur
Armenninga, var notaður fyrir
knattspyrnuleiki nú í sumar og
síðasta sumar einnig, en
hlaupabrautir eru ekki tilbúnar
ennþá. Að sögn Hjartar
Vigfússonar formanns Ármanns
stendur á því að gera lokaprófun á
yfirborðsefni í brautirnar, og ein-
nig því að Hagur er ekki búinn að
smíða hringinn sem afmarkar
brautirnar frá fótboltavellinum. í
haust verður væntanlega gengið
frá kasthringjum og gryfju ef
einhver mannskapur fæst í vinnu
við það.
“Fótboltavöllurinn var tyrfður
síðasta sumar, og efni verður keyrt
í brautirnar í haust ef veður leyfir”,
sagði Guðný Sigurðardóttir
formaður Dyrhólaeyjar um
vallarframkvæmdir þeirra við
Pétursey. Einnig er búið að ganga
frá kasthringjum og
langstökksgryfju, og áætlað er að
hefja byggingu á 40 fermetra
6
Skinfaxi