Skinfaxi - 01.12.1990, Blaðsíða 24

F U N D I R
Fundað í Nesjaskóla
27. sambandsráösfundur Ungmennafélags Islands
27. sambandsráðsfundur Ungmenna-
félags Islands, var haldinn á
sambandssvæði Ungmennasam-
bandsins Ulfljóts í Nesjaskóla í
Hornafirði 2. og 3. nóvember
síðastliðinn. Gestur fundarins var
Reynir G. Karlsson íþróttafulltrúi
ríkisins.
Ulfljótsmenn tóku vel á móti
forráðamönnum ungmennafélaganna
og þó svo að þetta hafi verið fyrsti
fundur sinnar tegundar á
sambandssvæðinu tókst allt skipulag
Úlfljótsmanna nteð mestu ágætum.
Hinneiginlegi sambandsráðsfundurvar
haldinn 3. nóvember, en
föstudagskvöldið 2. nóvember var
haldinn umræðufundur, þar sem flutt
voru fjögur framsöguerindi.
Hörður S. Oskarsson, skólastjóri
Félagsmálaskóla UMFI flutli framsögu
um félagsmálafræðslu, þar sem hann
ræddi um mikilvægi Félagsmálaskóla
UMFI fyrir allt starf í hreyfingunni.
Anna Egilsdóttir USÚ flutti framsögu
um æskulýðsmál. Hún ræddi um þátt
barna og unglinga innan hreyfingarinnar
og sagði að neysla áfengis og vímuefna
hefði farið vaxandi og færðist neðar í
aldurshópinn. Anna sagði að UMFI
hefði mikið verk að vinna. í stefnuskrá
samtakanna stæði að eitt af
markmiðunumværiaðvinnaaðbindindi
um nautn áfengra drykkja og
skaðnautna. Hún beindi því til
ungmennafélaga að hefja fræðslu og
fyrirbyggjandi aðgerðir og hvetja
foreldra og forráðamenn barna og
unglinga til þess að vera þeim góð
fyrirmynd. Anna hvatti til þess að
ungmennafélög héldu skemmtanir þar
sem öll fjölskyldan gæti skemmt sér án
áfengis.
Björn B. Jónsson flutti framsögu um
almenningsíþróttir. Hann sagði það
grunnverkefni fyriröll ungmennafélög
að leggja áherslu á almenningsíþróttir.
Það efldi innra starf, fleiri fengjust til
starfa og skilningur hinna fullorðnu á
ungmenna- og íþróttastarfi ykist. Björn
sagði almenningsíþróttir vera: Iþróttir
sem almenningur stundar sér til ánægju
og heilsubótar.
Sigurður Aðalsteinsson flutti framsögu
um umhverfismál. Hann ræddi um
almenna umhverfisvernd svo sem í
sambandi við söfnun á áldósuni og ekki
síður alls konar plastefnum. Sigurður
sagði að plastefni söfnuðust upp hjá
bændum og væri erfitt að losna við þau
nema að brenna þau, en við það yrði
mikil mengun. Þá ræddi hann um að
pappírsafgangar söfnuðust víða upp og
sagði að ungmennafélagar ættu að
athuga hvort þeir gætu ekki nýtt sér
söfnun á plasti og pappír til fjáröflunar.
Miklarog góðarumræðurspunnusteftir
að framsögumenn höfðu lokið erindum
sínum og ljóst er að fundir sem þessir
geta skipt starf ungmennafélaganna
miklu.
A sambandsráðsfundinum 3. nóvember
samþy kkt u ungmennafélagar margar og
markverðar tillögur, má þar nefna
þessar:
27. sambandsráðsfundur UMFÍ
samþykkir að stefnt skuli að því að
hvert einstakt ungmennafélag ílandinu
taki að sér “fósturbarn” úr n á 11 ú r u
landsins. Fósturbarnið verði tekið í
umsjá fyrstu helgina íjúní 1991 og
standi verkefnið yfir í þrjú ár. Hvert
félag velur sér fósturbarn sem getur
verið: Fjara sem hreinsuð er reglulega,
vegarkafli sem hreinsað er meðfram,
land tiluppgræðslu, gróðursetning í
ákveðið landsvæði eða hefting foks eða
annað það sem landinu kemur til
góða.
Nesjaskóli í Hornafiröi.
27. sambandsráðsfundur UMFÍ
skorar á ríkisstjórn Islands og Alþingi
að flýtauppbyggingu íþróttamiðstöðvar
Islands á Laugarvatni og veita
nauðsynlegu fjármagni þegar á árinu
1991 til uppbyggingar frjáls-
íþróttaaðstöðu með varanlegu efni, og
sundlaugarbyggingar, auk annarrar
nauðsynlegrar aðstöðu. Mjög
mikilvægt er að aðstaða þessi verði
kominífullnotárið 1993. Brýnnauðsyn
er á að þetta komist til framkvæmda
svo hægt verði að halda 21. Landsmót
UMFI á Laugarvatni. Þá er löngu
tímabært að endurbæta aðstöðu
Iþróttakennaraskóla Islands, miðað
við nýjustu kröfur í þeim efnum, svo
hún sé boðlegskólanum ognemendum
hans.
24
Skinfaxi