Skinfaxi - 01.08.1992, Side 5

F R Á RITSTJÓRA
Að allir fái tækifæri og sitji
ekki alltaf á bekknum
Unglingalandsmót ungmennafélaga var haldið í fyrsta
skipti í sumar. Engin lágmörk voru sett og gaf það mörgum
bömum og unglingum sitt fyrsta tækifæri tii að keppa á
stórmóti, án þess að hafa áður skarað fram úr í íþróttum.
Samtals 1100 keppendur mættu til leiks.
Það er einmitt þetta sem íþróttakennarar, þjálfarar, for-
ystumenn og foreldrar eiga að stefna að, þ. e. að gefa sem
flestum tækifæri til að stunda íþróttir. Þátttaka í unglinga-
landsmótinu var mikil hvatning, bæði ungu afreksfólki og
þeim sem komu til þess að spreyta sig og vera með. Með
tilkomu unglingalandsmóta UMFI munu börn og unglingar
hafa gott takmark að stefna að og mótin munu án efa leiða til
þess að fleiri börn halda áfram í íþróttum.
Mikilvægt að stunda fleiri en eina
íþróttagrein
Og þá erum við komin að öðru máli en það er áherslan á
það að leiðbeina með val á fleiri en einni íþróttagrein. Við
vitum að áhrif fjöimiðla eru mikil og börn og unglingar fá
m.a. áhuga á viðkomandi íþróttagrein í gegn um þá. Það er
því okkar hlutverk að benda á fleiri íþróttagreinar en þær sem
mesta umfjöllun fá í fjölmiðlum. Ahrif boltaíþrótta eru e.t.v.
of mikil og hafa leitt til þess að of margir hafa einblínt á þær
og ekki gefið öðrum íþróttagreinum gaunt. Það geta nefnilega
ekki allir verið með í leiknum sjálfum og það er betra að vera
virkur í annarri íþróttagrein, en þurfa alltaf að sitja á bekkn-
um.
Það er gott að setjast niður og drekka þegar maður er orð-
inn þreyttur á að hoppa. Myndin er tekin í líkamsrœkt-
arstöðinni Táp og fjör á Egilsstöðum í vor. Þessi ungu
hörn eru að öðlast sínafyrstu reynslu af íþróttum með því
aðfá að koma með mömmu að hoppa og stökkva.
Foreldrar; til starfa!
Þriðja málið er foreldrastarfið. Gott foreldrastarf er lykill
að góðu starfi félags eða deildar og stuðlar alltaf að aukinni
þátttöku. Það getur verið að foreldrar viti ekki hvað þeir geti
svo sem hjálpað til og það sé ástæðan fyrir því að þeir bjóða
sig ekki fram að fyrra bragði, en það er margt sem hægt er að
gera. Ungir krakkar þurfa t.d. meiri aðstoð en þeir eldri, það
þarf að reima skó, fylgjast með klæðnaði o.fl. Foreldrar geta
aðstoðað við innanfélagsmót með því að mæla stökk og köst,
skrá árangur og fleira. Starf foreldra á enn fremur að vera
börnunum hvatning og með þátttöku þeirra í starfinu aukast
möguleikar þeirra til þess að standa börnunum nær, þannig að
þau sjái að foreldrarnir hafi áhuga á því sem þau taka sér fyrir
hendur. En menn rnega ekki rugla saman eðlilegri hvatningu
og kröfunni um árangur. Leikur yngri barna er stór þáttur í
þroska þeirra og krafan urn árangur eyðileggur leikþörfina.
Ef krafan um árangur verður yfirsterkari getur það leitt til
þess að börnin hætti í íþróttum.
Hvernig vilja foreldrarnir að
starfið sé?
Dreifing verkefna er mjög mikilvæg í félagsstarfi. Ef
vinnan er á hendi eins manns eða fárra leiðir það að lokum til
þess að starfið fellur niður. Það hefur enginn, einn eða fáir,
tíma til þess að sinna öllu og þegar vinnudýrið lætur af
störfum er enginn til þess að taka við.
Persónuleg bréf og fréttabréfaútgáfa eru heppilegar
aðferðir til þess að fá fleiri til starfa því upplýsingastreymið
verður að vera til staðar, bæði áður en hvatning á sér stað og
einnig eftir á.
Fyrsti fundur með foreldrum verður að vera vel undir-
búinn. Forráðamenn mega ekki koma þannig fram að foreldr-
ar fái á tilfinninguna að þjálfari og stjórn séu að reyna að
komast hjá verkefnunum. Gera þarf foreldrunum ljóst að starf
þeirra sé til þess ætlað að efla íþróttastarfið og samskipti
barna, þjálfara og foreldra.
Fundinn verður að boða með fyrirvara og ítreka boðun
stuttu áður. Yfirskriftin gæti t.d. verið: Hvernig vilja foreldr-
arnir að starfið í félaginu eða deildinni ætti að vera? Á
fundinum mætti bjóða upp á eitthvert hollmeti, t.d. niður-
skorið grænmeti og ávexti og góða ávaxtadrykki. Andrúms-
loftið þarf að vera létt og skemmtilegt þannig að foreldrarnir
finni strax að starfið er skemmtilegt.
t/rncc ^yyicnr-cCí.
Skinfaxi
5