Skinfaxi - 01.08.1993, Qupperneq 38

Knapinn á hestbaki er kóngur um stund, Einar Óli sýnir listir sínar.
ekta mammútstönn, sem komin var alla
leið frá Síberíu, var þarna ásamt mörgu
fleiru. Er þetta gott dæmi um hvernig setja
má áhugaverðan hlut upp á einfaldan og
fróðlegan hátt,
Þar sem við vorum staddir í Mekka
fjarðarhestsins norska var fjarðarhesta-
búgarður að sjálfsögðu sóttur heim. Þar
gátu menn brugðið sér í stuttan reiðtúr. Það
gekk allt vel, en heldur fundust mér þeir
hægferðugir, blessaðir. Þarna var hægt að
fara í smá reiðtúr, eins og við reyndum,
salíbunu um nágrennið á hestvagni, eða
allt að hálfs mánaðar ferðir um fjöll og
fimindi.
Hef ég nú stiklað á helstu skoðunar-
ferðum og því sem þar var að sjá, auk
norskrar náttúru, sem er stórkostlega
gróskumikil og falleg, svo ekki er hægt að
lýsa í fáum orðum.
Fróðlegir fyrirlestrar
Fyrirlestrarnir um „lifandi byggðir" og
„byggðastefnu“ voru fróðlegir og eftir-
tektarvert hvað Norðmenn hafa byggt sig
vel upp í þessum efnum. Þeir byrja oftast
með atvinnutækifærin í smáum stíl og láta
starfsemina byggja sig upp sig að eftir-
spurn. Þetta á til dæmis við hvað varðar
ferðaþjónustu. Þetta og margt fleira mætt-
um við íslendingar taka okkur til fyrir-
Þátttakendur í ferðinni f.v. Sœmundur,
Einar Óli og Sigurður.
myndar. Þarna virtist víðs fjarri þessi gull-
grafarahugsunarháttur, sem er svo ein-
kennandi þegar nýjum atvinnutækifærum
er ýtt úr vör hér á landi.
Þá fannst mér athyglisvert, en ekki fyrir
minn smekk, þegar rætt var um framtíðina,
að þá snérist umræðan að stærstum hluta
um Efnahagsbandalag Evrópu og aðlögun
að því, umræða, sem við Islendingar erum,
að því er virðist, blessunarlega lausir við.
Að ráðstefnunni lokinni var haldið
sömu leið til baka, til Oslóar, þaðan sem
tekin var ferja til Kaupmannahafnar. Lauk
þar með þessari fróðlegu ferð, sem bæði
var^agn og gaman að.
Eg vil að lokum senda þakkir til Ung-
mennafélags íslands, sem valdi mig til
þessarar ferðar. Einnig þakka ég ferða-
félögum mínum, Einari Ola og Sæmundi,
fyrir ógleymanlega samveru.
Sigurður Aðalsteinsson
Vaðbrekku
IMýí herrailmurinn
frá GIVENCHY
Vörusalan
Hafnarstræti 104, 600 Akureyri
Sími 96-22449
38
Skinfaxi