Skinfaxi - 01.02.2003, Blaðsíða 17
fHítt-GuðmtHHteaon
Ég held að það hefðu allir gott að af því
að vera svolítið sveitó
Það hefur löngum verið talið að hjarta UMFÍ slái hvað hraðast
úti á landsbyggðinni. Hvernig stendur á þessu?
„Það er sjálfsagt vegna þess að allt frá því að UMFÍ var stofnað
1907 þá hefur hreyfingin verið hvað öflugust á landsbyggðinni,
meðal annars vegna þess að það hefur tekist betur að varðveita
ungmennafélagsandann og hugsjónina úti á landi en hér í
Reykjavík og stærri þéttbýliskjörnum þar sem kominn er meiri
hraði, keppni og stress í mannskapinn og almenningur mest
upptekinn í því að olnboga sig áfram í lífsgæðakapphlaupinu.
Enda er það nú orðið svo að maður hittir í hverri viku fjöldann
allan af Reykvíkingum sem eru á leiðinni úr borginni, komast
eitthvað út í sveit til að að slaka á. Enda er það hluti af ungmenna-
félagsstarfinu að rækta sjálfan sig, stunda íþróttir og útivist,
mennta sig og kannski ekki síst að slaka á og byggja sig upp. Og
einhverra hluta vegna virðist betra að stunda þessa iðju úti á
landi. Enda er UMFÍ mjög stolt af því að vera landsbyggðar-
samtök og jafnvel sveitó í jákvæðri merkingu þess orðs. Ég held
að það hefðu allir gott að af því að vera svolítið sveitó. En það
þýðir samt ekki að að við tileinkum okkur ekki nýjungar í starfi,
og erum í fararbroddi á mörgum sviðum sem varða þau mál sem
við störfum að. Og þannig hefur það löngum verið með ung-
mennafélagshreyfinguna. Ungmennafélögin hafa margoft haft
forystu í málum í þjóðfélaginu sem varða íþróttir, umhverfismál,
menntun og menningu ýmis konar."
Hluti af starfi kynningarfulltrúa er að vera í samstarfi við
fjölmiðla. Hvernig hefur það gengið?
„Það hefur gengið ágætlega, mér finnst þetta skemmtilegt
umhverfi og fjölmiðlar almennt eru jákvæðir fyrir þeirri starfsemi
sem ungmenna og íþróttafélögin standa fyrir. Reyndar myndi ég
vilja sjá miklu meiri jákvæða umræðu um það fjölbreytta og góða
starf sem íslensk ungmenni eru að taka þátt í í hinum ýmsu
félagasamtökum í landinu. En því rniður er nú einhvern veginn
svo að það telst varla frétt nema að einhver sé drepinn, laminn
eða rændur. Vonandi breytist þetta til betri vegar og jákvæð
málefni geta líka talist til frétta, ekki bara uppfyllingarefni í lok
fréttatímans. En auðvitað eru aðrir dagskárliðir fjölmiðla sem
taka á hinum ýmsu málum, þar á meðal okkar starfi."
Nú hafa stór verkefni verið í gangi að undanförnu sem hafa
gengið mjög vel t.d. Hættum að reykja og Fíkn er fjötur. Nú er
sumarið framundan sjálfsagt einhver ný verkefni sem eru að
fara af stað?
„Jú þetta eru hvoru tveggja fín
verkefni sem hafa gengið vel.
Varðandi sumarið þá ber hæst
Unglingalandsmót UMFI í
umsjón HSV og landsverkefnið
UMFÍ Göngum um ísland sem
er í umsjón UÍA, sem og
verkefnið Fjölskyldan á fjallið
sem er verkefni stjórnar um-
hverfissviðs UMFÍ. Þá má nefna
norræna leiðtogaskólann á
Laugarvatni í júli og ung-
mennaviku í Syd Slesvik í júní.
Islandsleikhús verður á ferðinni
um landið frá seinni part júní
og fram að unglingalandsmóti.
En síðan ætlum að snúa okkur
enn frekar að innra starfinu og
vera dugleg að heimsækja hér-
aðssambönd og ungmennafé-
lög á komandi misserum," segir
Páll Guðmundsson kynningar-
fulltrúi UMFÍ að lokum.
VELKOMIN í
ÍÞRÓTTAMIÐSTÖÐINA í
BORGARNESI
Sérstök tilboð fyrir hópa sem
vilja koma í æfingabúðir