Skinfaxi - 01.04.2003, Blaðsíða 14

Ungmennafélag íslands hefur
undanfarin tvö ár staðið fyrir Leið-
togaskóla sem hefur notið mikilla
vinsælda. Skólinn er sniðinn að þörf-
um einstaklinga sem hafa í hyggju
að vera í forystu í félagsstörfum.
Leiðtogaskólinn er tvískiptur því
annars vegar er haldið námskeið
eingöngu fyrir íslendinga og hins
vegar er haldið námskeið í sam-
starfi við NSU þar sem þátttakend-
ur koma frá Norðurlöndunum. Það
er Valdimar Gunnarsson fræðslu-
stjóri UMFI sem heldur utan um
skólann.
VILTU VERÐA LEWTOGI?
LEIÐTOGASKÓLIIMAJ
Leiðtogaskólinn fyrir íslendinga er fimm daga
námskeið haldið í tveimur hlutum. í fyrri hlut-
anum, sem haldinn er fyrir áramót, er tekið
þriggja daga námskeið þar sem ýmsir þekktir
sérfræðingar koma og halda fyrirlestra. Eftir
áramót er síðan tveggja daga námskeið og er
þar m.a. farið yfir verkefni sem þátttakendur
unnu í millitíðinni og tengist fjölmiðlum.
I leiðtogaþjálfuninni er farið í samskipti forystu-
manna við fjölmiðla og er m.a. farið yfir eftir-
farandi þætti á námskeiðinu: Hvernig á að
byggja upp viðtöl fyrir fjölmiðla, hvernig á að
skrifa greinar í fjölmiðla, hvernig á að nálgast
fjölmiðla og einnig er farið í leiðtogafræði,
sjálfsuppbyggingu, framkomuþjálfun o.fl. Fyrir
forsvarsmenn félagasamtaka er þekking þessara
þátta nauðsynleg hverjum og einum.
Innan íslenska Leiðtogaskólans eru líka haldin
formannanámskeið. Þau taka einn og hálfan dag
og lúta að stjórnun þ.e.a.s. hvernig á að stýra
félagi eða félagasamtökum.
VEL TÓKST TIL MEÐ SÍÐASTA LEIÐTOGASKÓLA
Tuttugu nemendur víðs vegar af landinu tóku
þátt í leiðtogaþjálfun á vegum Leiðtogaskólans
þegar síðasta námskeið var haldið. Þátttakendur
komu bæði úr ungmennafélagshreyfingunni, frá
sveitarfélögum og öðrum félagasamtökum.
Fyrirlesarar voru m.a. Guðrún Bachman, Gísli
Blöndal, Jóhann Ingi Gunnarsson og Rannveig
Einarsdóttir. Fyrirlestrarnir fjölluðu m.a. um
framkomu, fjölmiðla, ræðulist, leiðtoga og hlut-
verk þeirra. Margt fleira er til gamans gert á
námskeiðunum, m.a. farið á skauta, í skot-
keppni, karaoke og í ýmsa leiki og verkefni.
Það geta allir sótt þessi námskeið sem hafa
áhuga á að starfa að félagsmálum, hvort sem þeir
gera það á þessari stundu eða ætla sér að gera
það í framtíðinni.
LEIÐTOGASKÓLI UMFÍ OG NSU
í sumar verður Leiðtogaskóli NSU haldinn á
Laugarvatni 7. -13. júlí. Þetta er í annað sinn
sem þessi skóli er haldinn á íslandi. Síðasta
sumar var hann haldinn á Gufuskálum en verður
nú á Laugarvatni. Leiðtogaskólinn er ætlaður
ungu fólki á aldrinum 18 -25 ára. Hugmyndin
með skólanum er að byggja upp leiðtoga eða
forystufólk og mynda tengsl eða sambönd á
milli ungra leiðtoga á Norðurlöndum. Með
auknum tengslum er líklegra að samvinna á
milli landanna aukist þegai' leiðtogamir hafa hist
og þekkjast persónulega. Með þessu samstarfi
við NSU er einnig leitast við að fá hugmyndir
hjá þátttakendunum um sýn þeirra á NSU á
komandi árum þ.e.a.s. hvernig samtökin eigi að
starfa og hver markmið þeirra eigi að vera.
Nauðsynlegt er að þátttakendur geti tjáð sig á
skandinavísku og ensku. Þátttakendur koma frá
öllum Norðurlöndunum og eru á bilinu 30 - 35
þar af eru Islendingarnir sex. Skólinn er styrktur
af Youth prógrammi Evrópusambandsins og
Nordisk Ungdomskomitee og er þátttakendum
að kostnaðarlausu. Fyrirlesarar eru allir helstu
sérfræðingar okkar á þessu sviði. í fyrra vakti
Leiðtogaskólinn mikla athygli og mikil aðsókn
er í hann í ár. Það eru félögin sem tilnefna þátt-
takendur þannig að þeir sem hafa áhuga sækja
um í gegnum sitt ungmennafélag.
Þeir sem hafa áhuga á að taka þátt í Leiðtoga-
skóla UMFÍ geta haft samband við Valdimar
Gunnarsson á Þjónustumiðstöð UMFÍ Fells-
múla og fengið nánari upplýsingar. Þá berast
skrifstofu UMFI fjöldi upplýsinga um spenn-
andi ráðstefnur og námskeið erlendis og er
UMFÍ oft boðið að senda á þessar ráðstefnur á
hagstæðu verði. I fyrra voru t.d. tíu ungmenni
send á námskeið vfðs vegar um Evrópu. Á næstu
dögum fara tveir fslendingar á vegum UMFI til
Alicante á Spáni þar sem þeir taka þátt í
ráðstefnu í verkefnisstjórnun. Tilboð þessi eru
auglýst á vef UMFÍ, www.umfi.is.
Valdimar Gunnarsson t.v. frœðslustjóri UMFI og framkvœmdastjóri NSU hefur veg og vanda af
Leiðtogaskólanum og með honum á myndinni er I’áll Guðmundsson kynningarfulltrúi UMFÍ.