Skinfaxi - 01.04.2003, Síða 44

Við viljum vekja athygli á Reykhóla-
hreppi í Austur-Barðastrandarsýslu,
en segja má að nær ekkert svæði Vest-
fjarða sé aðgengiiegra íbúum höfuð-
borgarsvæðisins.
Útsýnið yfir Breiðafjörð er stórfenglegt
og Vaðalfjöll (fyrir ofan sumarhótelið
Bjarkalund) setja mikinn svip á hér-
aðið. Fuglalíf er mikið, enda einhvern
mesta mun flóðs og fjöru á öllu íslandi
að finna hér. Hin eina sanna Barma-
hlíð er á leiðinni út á Reykhóla en um
hana kvað Jón Thoroddsen kvæðið sitt
fræga, „Hlíðin mín fríða" á 19. öld.
Á Reykhólum (sem er söguf rægt höf uð-
ból) er að f inna mesta jarðhitann á Vest-
fjörðum, enda er þar mjög góð sund-
laug, Grettislaug. Á Reykhólum hefur
myndast þorp, enda er Þörungaverk-
smiðjan þar, hvíldar- og hjúkrunar-
heimilið Barmahlíð og fleira.
Á Reykhólum er einnig að finna hlunnindasýn-
ingu en Reykhólar voru og eru mikil hlunninda-
jörð. Þar sátu höfðingjar til forna og höfðu um
sig hirð mikla. Væringar voru tíðar með mönn-
um og því oft gott að stutt var að ieita fanga til
matar fyrir heimilisfólk og gesti. Breiðafjörður-
inn var og er mikil matarkista. Eyjamar á Breiða-
firði og sjórinn þóttu gefa vel bæði af fugli og
fiski. Þetta er „þemað“ í hlunnindasýningunni
á Reykhólum þar sem einnig er staðsett upplýs-
ingamiðstöð fyrir ferðamenn. Sýningin er opin
frákl. 10-12ogkl. 14-18alladagayfirsumarið.
Á sýningunni er tekin fyrir nýting selsins,
nýting æðarfuglsins og sex tegundir sjófugla.
Á veggjum og gólfi eru myndir og uppsettir
hlutir. Texti er bæði á íslensku og ensku. Selur
flæktur í net hangir á vegg. Þrjú myndbands-
tæki eru í gangi með myndum af lífi þessara
dýra og ýmsu sem tengist þeim. Hægt er að
hlusta á enskan upplestur eða íslenskan með
myndunum. Barnahorn er í salnum útbúið með
fullt af myndum af fuglum og liti til að lita
fuglana þegar búið er að skoða þá.
Það er því tilvalið að skreppa í helgarferð til
Reykhóla sem eru einungis 230 km frá Reykja-
vík. Skoða þessa fögru sveit þar sem landslag
er afar tjölbreytt. Gista í tjaldi eða gistiheimili,
fara í sund eða heita potta, nota sér gönguleiðir
sem búið er að merkja í nágrenninu, skoða
Hlunnindasýninguna og enda svo með góðum
kvöldverði í Bjarkalundi þar sem líka er hægt
að gista.
SIGURÐUR FLJÓTI0G 0FURMARAÞ0N
Fyrir nokkru var sagt frá tveimur ís-
lendingum sem tóku þátt í heimsmeist-
aramóti ofurmaraþonhlaupara. Þá rifj-
aðist upp frásögnin af Sigurði Jónssyni.
Sigurður þessi var bóndi í Breiðavík á
árunum 1765-1806, en Breiðavík á land
að Látrabjargi. Sigurður var samtíða sr.
Birni Halldórssyni í Sauðlauksdal þess
er talin er hafa fyrstur ræktað kartöflur
á íslandi.
Sigurður mun hafa verið þrek- og
kjarkmaður og fékk ungur viðumefnið
„fljóti“ sökum þess hversu fljótur hann
þótti í förum. Frásögnin hér að neðan
virðist benda til þess að Sigurður hafi
hlaupið fyrsta ofurmaraþonhlaup ver-
aldar.
Það var einn vetur sem oftar, að snjóa-
samt var og mikil ófærð á fjallvegum
og raunar allstaðar. Það hafði því dregist
að fara í kaupstað, svo sem venja var
fyrir jólin og nú var komin Þorláks-
messa. Þótti þá Sigurði, að ekki
mætti lengur við svo búið standa.
Hann fór í fyrra lagið í fjósið og gaf
kúnum, en leggur síðan af stað inn á
Eyrar en svo var Patreksfjarðarkaup-
staður kallaður áður.
Sé fært sjóveður yfir fjörðinn, er
venjan sú að fá sig fluttan úr Örlygs-
höfn eða Vatnsdal eða fá lánaðan bát, ef
fleiri en einn eru í ferðinni. Eigi að fara
alla leið á landi, þarf að krækja inn fyrir
allan Patreksfjörð, og er það löng leið og
seinfarin að vetrarlagi.
Sigurður hefur ekkert viljað vera upp á aðra
kominn, enda er ekki víst að sjóveður hafi
verið gott. Hann ákveður því að fara
landveg alla leið og er þá annað hvort að
fara inn með firði, sem kallað er, eða fara
svo nefnt Dalverpi og er þá komið af fjalli
niður í Sauðlauksdal, sem er nokkuð
innarlega í Patreksfirði. Þessa leið valdi
Sigurður, með því að hún er líka talsvert
styttri en sú fyrrnefnda. Segir lítt af ferðum
Sigurðar nema það, að hann kemur í
kaupstaðinn og leggur af stað heimleiðis
með 30 punda bagga á baki. Ekki getur það
almennt kallast þung byrði, en hún er meiri
en nóg, þegar fara á fljótt yfir í mikilli
ófærð og langa leið.
Sigurður átti að hafa komið heim til sín
aftur fyrir gjafir um kvöldið, talið hafa
verið um kl. 7. Vera má, að ekki sé þessi
tími nákvæmur og ekki er víst hvenær
Sigurður lagði af stað um morguninn. En
ekki virðist hann hafa getað verið meira
en 10 klst. í ferðalaginu. Vegalengdin
virðist, lauslega áætluð, 90-100 km.