Sjómannablaðið Víkingur - 01.07.1949, Side 23

námskeið yfir víðast hvar tvær til þrjár vikur.
Skípafélögin munu, að því er ég bezt veit, kosta
stýrimenn sína til þess að sækja slík námskeið.
Ef skólinn hefði yfir að ráða fullkomnum Gyro-
kompás, mundu þeir, sem útskrifast úr far-
mannadeild, að sjálfsögðu fá kennslu í meðferð
og gæzlu kompássins, og væru. þá ávallt fyrir
hendi menn á skipunum, er gætu tekið þennan
starfa að sér.
S.l. vetur keypti skólinn lítið Gyroskop, nauð-
synlegt tæki við útskýringar á þeim lögmálum,
er kompásinn sem siglingatæki byggist á. Um
hagnýta kennslu getur þó aldrei orðið að ræða
við skólann í þessari grein, fyrr en hann fær
Gyrokompás. Hin aukna tækni á sviði siglinga-
færðinnar krefst aukinnar þekkingar.
Það er mikið gleðiefni, að sjá ný, íslenzk skip
koma til landsins, hvert eftir annað, útbúin ný-
ustu siglingatækjum, en til þess að þau tæki
komi að fullum notum, þarf menn, sem hafa
þekkingu á að fara með þau. Hinn sjálfsagði
vettvangur til þess að veita þá þekkingu, er að
mínu áliti Stýrimannaskólinn, en til þess að það
geti orðið, verður skólinn að eignast nauðsyn-
leg tæki til kennslunar. Bókleg fræðsla eingöngu
á því sviði dugir ekki. Ég vona, að enginn taki
orð mín svo, að ég sé með þeim að gefa í skyn,
að þeir yfirmenn, sem nú eiga að sjá um hin
nýju siglingatæki i skipunum, séu ekki starfi
sínu vaxnir. Tækin hafa yfirleitt reynzt vel, og
ber það Ijósan vott um að þeir, sem með þau
fara, séu fyllilega færir um það, enda hafa þeir
leitað sér aukinnar fræðslu til þess starfa. Það,
sem ég á við, er eingöngu, eins og áður er tekið
fram, að æskilegast væri að Stýrimannaskólinn
gæti veitt þá fræðslu.
Nokkrir sjóðir heyra skólanum til, og eru þeir
þessir:
1. Styrktarsjóður nemenda Stýrimannaskól-
ans i Reykjavík, stofnaður 1921 af nem-
endum skólans. Nemendur leggja árlega í
sjóðinn, og er ársgjaldið nú kr. 10,00. Til-
gangur sjóðsins er að styrkja þá nemend-
ur, er fyrir veikindum verða meðan þeír
dvelja í skólanum.
2, Verðlauna- og styrktarsjóður Páls Hall-
dórssonar skólastjóra, stofnaður af göml-
um nemendum Páls Halldórssonar fyrrv.
skólastjóra Stýrimannaskólans. Tilgangur
sjóðsins er: 1 fyrsta lagi, að verðlauna þá
nemendur, er að dómi sjóðsstjórnar hafa
sýnt frábæran dugnað og reglusemi við
námið. í öðru lagi, að styrkja fasta kenn-
ara skólans til þess að leita sér fræðslu
erlendis um nýungar á .sviði siglingafræð-
innar.
vÍKINGUR
3. Styrktarsjóður Ingvars Guðjónssonar, sem
ættingjar Ingvars heitins Guðjónssonar
útgm. gáfu til minningar um hann. Til-
gangur sjóðsins er að styrkja fátæka nem-
endur, meðan þeir eru við nám í skólanum.
4. Korta- og bókasafnssjóður, .sem frú Ágúst-
ína Viggósdóttir og Þorgils Ingvarsson,
bankafulltrúi, gáfu til minningar um son
þeirra, Viggó, er var nemandi í skólanum,
en fórst með e.s. Heklu. Tilgangur sjóðs-
ins er að hjálpa nemendum til þess að
eignast kennslubækur og sjókort.
5. Gjöf Geirs Sigurðssonar, er gamlir nem-
cndur Markúsar heitins Bjarnasonar hafa
safnað í til þess að reisa brjóstlíkan af
honum í skólanum. Líkanið á að vera til-
búið á 100 ára afmæli Markúsar, sem er
nú í haust.
6. Gjöf frá dánarbúi Elísabetar Gunnarsson.
Gjöfinni skal varið til kaupa á bókum,
kennsluáhöldum eða öðrurn munum í þarfir
skólans, í sambandi við byggingu nýs
skólahúss.
7. Áheitasjóður Sjómannaskólans.
Árið 1941 átti Stýrimannaskólinn 50 ára
starfsafmæli. Að tilhlutun Friðriks V. Ólafs-
sonar, skólastjóra Stýrimannaskólans, var gefið
út rit í tilefni þessa afmælis. „Stýrimannaskól-
inn í Reykjavík 1891—1941“. Einar heitinn
Jónsson mag. art., þáverandi tungumálakenn-
ari skólans, samdi ritið, og er í því samankom-
inn mikill fróðleikur um sjómannafræðslu hér
á landi frá fyrstu tíð. Ritið er samið af þeirri
vandvirkni og nákvæmni, er einkenndi öll verk
Einars heitins. Einar lézt árið 1947. við skyldu-
störf sín í skólanuih, og var það 26. árið hans
sem kennari við skólann. Sama ár lézt annar
fastur kennari skólans Guðmundur B. Krist-
jánsson siglingafræðikennari og hafði hann
kennt við skólann 39 ár.
Vegna mannkosta, þekkingar og frábærra
kennsluhæfileika hafa báðir þessir menn getið
sér varanlegan orðstír i sögu skólans.
Drykkjarvatnið í þorpinu var ákaflesa vont, bland-
að rauðamýri og öðrum óhreinindum. Borgari nokk-
ur, sem blöskraði þetta óholla skólp, tók sig ein-
hverju sinni til, hellti sýnishorni á flösku, sendi
það héraðslækninum, sem átti heima i næsta þorpi,
og bað hann að rannsaka það.
Skömmu seinna fékk liann svohljóðandi svar frá
lækninum.
— Ég get glatt yður með því, að þvagprufan, sem
þér senduð mér, sýnir að þér eruð gallhraustur í
nýrunum.
163
I