Sjómannablaðið Víkingur - 01.07.1990, Blaðsíða 29

ISLENDINGUM OGN
vegi eru engan veginn á sama
máli og segja veiðarnar byggj-
ast á 20-25 ára gömlum fiski
þannig að enginn hætta sé sjá-
anleg á ofveiði. Sem stendur
eru menn enn að þrátta um
þessa hluti og boltinn liggur hjá
ráðamönnum þjóðarinnar, en
sýnt er a.m.k. að ekki verður
um aukningu á kvóta að ræða
næstu árin.
Ef svo fer að um niðurskurð
verði að ræða þá sjá menn
helst vonarneista í veiðum á
„hoki“. Hann er einnig djúpsjáv-
arfiskur, grár að lit og til að lýsa
honum fyrir íslendingum væri
helst að finna samlíkingu í
smárri blálöngu. Til þessa hafa
frystihúsin notast við hoka til
uppfyllingar, þegar „orange
roughy" er ófáanlegur og hafa
þau unnið hann á heimamark-
að. Einhverjar tilraunir hafa
verið gerðar til að selja hoka á
Ameríkumarkaðinn en kaup-
endur þar hafa ekki verið hrifnir
af bragðinu af honum.
Ástæðan fyrir þessu auka-
bragði stafar af fiturák sem
liggur eftir fiskinum endilöng-
um. Þessi fiskfita þránar fljótt
og skemmir út frá sér. Nú hafa
menn verið að þreifa fyrir sér
með að ná þessari fiturák burt
og takist þeim það með viðráð-
anlegum kostnaði telja þeir að
Ameríkumarkaður standi þeim
opinn og það er þess vegna
sem íslendingum stendur ógn
af Nýsjálendingum. Nú þegar
hafa tvö fyrirtæki, Fletcher og
Sealord, markaðssett tilrauna-
framleiðslu á fitulausum hoka
og fyrstu viðbrögð eru sögð
góð.
En kostnaðurinn við þessa
framleiðslu er geysihár, sér-
staklega hjá Sealord, sem not-
ast við tölvuvædda vatns-
skurðarlínu. Fletcher senda
sinn fisk til vinnslu á Tahilandi
og þar er notast við ódýrt vinnu-
afl en sú aðferð er seinleg og
ekki líkleg til að skila miklum
VÍKINGUR 29