Sjómannablaðið Víkingur - 01.01.1991, Qupperneq 58

MIKILVÆGAR MARKAÐSFRÉTTIR
i

58 VÍKINGUR
ÞORSKVEIÐAR á íslandsmiðum hafa dregist sam-
an á síðustu tveim-þrem árum. Það hefur þó ekki
sakað mikið þvi verð á helstu mörkuðum hefur verið
hátt. Á markaði fyrir frystan þorsk í Bandaríkjunum
hafa orðið svo miklar hækkanir að menn eru fyrir
löngu farnir að óttast afturkipp í sölu. Hann lætur þó
á sér standa og eru taldar minni líkur á verðhruni en
oft áður því hið háa verð stafar af litlu framboði, bæði
frá íslandi og öðrum þjóðum. Verðið á blokkinni, sem
löngum hefur verið um eða rétt neðan við tvo dollara
fyrir pundið, hefur á skömmum tíma rokið upp í yfir
2,40 dollara og flökin fara á yfir 3 dollara pundið.
Gjaldmiðill Bandaríkjanna hefur verið á nokkuð
hraðri niðurleið gagnvart evrópskum myntum að
undanförnu en það hefur ekki sakað.
Evrópskir gjaldmiðlar hafa nú orðið miklu meiri
þýðingu fyrir íslenskan sjávarútveg en dollarinn
vegna þess að útflutningur til Evrópu hefur aukist
hröðum skrefum og er orðinn töluvert meiri en til
Bandaríkjanna. Það hefur því veruleg áhrif til góðs
þegar breska sterlingspundið tekur upp á því að
rjúka upp á við eins og það gerði á síðasta ári. Við
borð lá að fiskverð á breskum mörkuðum fylgdi
pundinu eftir á fluginu því meðalverðið sem fékkst
fyrir íslenskan fisk í breskum höfnum á síöasta ári
var 2731% hærra í sterlingspundum en árið 1989. í
íslenskum krónum var hækkunin þó enn meiri, eöa
40-47%. Hækkanir á karfa og ufsa í þýskum höfnum
voru ívið minni, 17% og 8% í mörkum talið en 38% og
22% í íslenskum krónum.
Kannski stafar þetta góða verð af minna framboði
á íslenskum fiski, um það skal ekkert fullyrt, en stað-
reyndin er sú að útflutningur á ísuðum þorski, ýsu,
karfa og ufsa dróst saman um 8% á síðasta ári. Svo
virðist þó sem hið háa verð vegi samdráttinn upp og
gott betur. Því enn er verulegur hluti heildaraflans á
þessum tegundum fluttur út ísaður: 12% af þorskin-
um, 35% af ýsunni, 13% af ufsanum og 27% af
karfanum.
Loðnan ætlar að halda áfram ólíkindalátum sín-
um. Þegar þetta er skrifað biða menn spenntir eftir
því hvort leyft verður að veiða eitthvað sem heitið
getur af loðnu áður en göngurnar verða komnar
vestur fyrir Reykjanes. Ef það verður ekki blasir fátt
annað en dauðinn og djöfullinn við þeim mörgu sem
reitt hafa sig á loðnuveiðar.
ÞORSKUR Alls var landað á árinu 1990 31.000 tonn-
um af ísuðum þorski úr skipum og gámum í breskum
höfnum, en það er 15% minna en árið áður. Meðal-
verð ársins var hins vegar 1,31 pund sem er 31%
hærra en árið áður. í íslenskum krónum er munurinn
enn meiri, eða 47%. Meðalverðið var 136 krónur. Nú
í janúar er verðið yfir meðalverði síðasta árs þótt það
sé ekki jafnhátt og það varð hæst á sl. hausti, enda
heldur meira framboð, 2.056 tonn. Fyrir kílóið af
þorski fengust í janúar að meðaltali 1,43 pund í
breskum höfnum en það samsvarar 152,04 krónum.
Á íslensku mörkuðunum þremur var í fyrra landað
29.793 tonnum af þorski og fengust að meðaltali
79,30 kr. fyrir kílóið. í janúar var landað 2.303 tonn-
um á mörkuðunum þremur á suðvesturhorninu og
var meðalverðið mjög gott, 103,70 kr. fyrir kilóið.
ÝSA í fyrra var landað tæpum 18.000 tonnum af ýsu í
Bretlandi sem er 6% minna en árið áður. Meðal-
verðið sem fékkst fyrir ýsukílóið var hins vegar 1,37
pund, 142 krónur, sem er 27% hærra í pundum talið
en árið á undan en 40% hærra í krónum talið. Og
verðið heldur áfram að hækka því í janúar var landað
560 tonnum af ýsu í Bretlandi og fengust fyrir þau
1,82 sterlingspund eða 194 krónur að meðaltali. Hef-
ur ýsuverðið ekki áður orðið hærra í breskum höfn-
um. Allt árið í fyrra var landað 10.575 tonnum af ýsu á
íslensku mörkuðunum þremur og var meðalverðið á
kíló 88 krónur. Nú í janúar var landað 517 tonnum af
ýsu og fengust fyrir kílóið 102,86 krónur að meðaltali.
KARFI Þótt sviptingasamt hafi verið í þýskum stjórn-
málum á síðasta ári náðu þær sviptingar ekki til
fiskmarkaðanna svo nokkru nemi. Þó hélt verðið á
karfanum áfram að styrkjast og var yfir árið 2,88
mörk að meðaltali fyrir kílóið sem er 17% hærra en
árið áður. í íslenskum krónum var verðið 104 kr. sem
telst vera 38% hærra en árið 1989. Magnið sem
íslensk skip lönduðu af karfa í þýskum höfnum var
6% minna en árið 1989, losaði 26.000 tonn. [ janúar
hefur verðið á karfanum verið afbragðsgott þótt
framboðið hafi verið í meðallagi. Alls var landað
2.003 tonnum og fengust að meðaltali 3,26 mörk
fyrir kílóið sem gerir 119,19 krónur. Á íslensku mörk-
uðunum þremur var landað 7.951 tonni af karfa i
fyrra og var meðalverðið fyrir kilóið 36,40 krónur.
Litlu var landað af karfa á mörkuðunum nú í janúar,
aðeins 260 tonnum en verðið var í hærri kantinum,
46,95 krónur fyrir kílóið að meðaltali.
UFSI í fyrra var landað 10.182 tonnum af ufsa í
þýskum höfnum sem var 7% meira en árið áður.
Enda hækkaöi verðið á ufsanum minnst af þessum
fjórum helstu tegundum sem íslensk skip landa í
evrópskum höfnum. Að meðaltali fengust 2,38 mörk
fyrir kílóið sem er 8% hærra en árið 1989.1 íslenskum
krónum talið var meðalverðið 85 krónur sem gerir
22% hækkun milli ára. í janúarmánuði var svo lítið
um landanir á ufsa úr íslenskum skipum í Þýskalandi
að það getur varla talist marktækt. Einungis 64,3
tonnum var landað enda meðalverðið afarhátt, 3,64
mörk eða 133,07 krónur. Á íslensku mörkuðunum
var landað 10.723 tonnum af ufsa í fyrra og fengust
að meðaltali 41,30 kr. fyrir kílóið. (janúarmánuði var
litlu landað af ufsa, einungis 156,5 tonnum og með-
alverðið var lika í hærra lagi, 48,38 kr. fyrir kílóið.