Náttúrufræðingurinn - 1932, Qupperneq 14

76
NÁTTÚRUFR.
Þegar hringarnir eru komnir heim, mun það strax verða
tilkynnt í blöðunum. Mun þá einnig verða leitað aðstoðar allra
þeirra, sem áhuga hafa fyrir þessu máli, og sem vilja stuðla að
framgangi þess með því að taka að sér að merkja. Vonandi
mætir málið góðum undirtektum, enda er það ekki með öllu
vansalaust fyrir oss Islendinga, að standa hjá og láta okkur
engu skipta mikilsverðar rannsóknir á fuglalífi okkar eigin
lands.
III.
Leiðbeiningar til að merkja fugla.
Hringarnir.
Eins og áður var tekið fram, verða hringar þeir, sem not-
aðir verða, af 9 stærðum. Eru þessir 9 stærðarflokkar merktir
með einkennistölunum 1—9, þannig, að á hverjum hring stend-
ur, auk númersins, einhver af tölunum 1—9. Viðvíkjandi þess-
um 9 stærðarflokkum skulu hér gefnar nokkrar bendingar um
það, fyrir hvaða fuglastærð hver flokkur er ætlaður. Ann-
ars verður hver að nokkru leyti að skera úr því sjálfur, hvaða
hringstærð sé mátuleg í það og það skiptið.
1. stærðarflokkur (einkennistala 1) fyrir erni og álftir.
2. stærðarfl. (eink.tala 2) fyrir gæsir, skarfa, súlur og
himbrima.
3. stærðarfl. (eink.tala 3) fyrir fálka, hrafna, stóra máfa
(t. d. svartbak, grámáf og hvítmáf), skúma, margar endur (á
stærð við stokkönd og stærri).
4. stærðarfl. (eink.tala 4) fyrir tjalda, spóa, kjóa, rjúpur
og svartfugl.
5. stærðarfl. (eink.tala 5) fyrir litla máfa (t. d. ritu), litl-
ar endur (t. d. urtönd), smyrla, ýmsa vaðfugla (t. d. heiðlóu,
stelk o. s. frv.).
6. stærðaríl. (eink.tala 6) fyrir skógarþresti, kríur, litla
vaðfugla (t. d. sandlóu, lóuþræl, sendling o. s. frv.).
7. Stærðarfl. (eink.tala 7) fyrir snjótittlinga, steindepla og
máríötlur.
8. stærðarfl. (eink.tala 8) fyrir þúfutittlinga og auðnu-
tittlinga.
9. stærðarfl. (eink.tala 9) fyrir músarrindla.
Þeim, sem taka vilja að sér að merkja fugla, verða sendir
hringar af ýmsum stærðum, þeim að kostnaðarlausu. Ungling-