Náttúrufræðingurinn - 1932, Blaðsíða 26

88
nAttCtrupr.
skipta sér af þessari æðarkollu. 8. júní kom eg í varpeyjuna. Lá
þá æðarkollan enn á 4 eggjum; enn sat líka æðarkóngurinn
við hreiður hennar, þótt margir æðarblikar hefðu þá yfirgefið-
varplandið.
Þessi 4 egg í hreiðri æðarkollunnar voru ekki í neinu frá-
brugðin venjulegum æðareggjum. Skömmu síðar varð eg að
fara burtu frá Bæ, og gat því miður ekki athugað ungana, sem
komið hafa úr eggjunum, né vitað, hvort þeir væru kynblend-
ingar. Það er löngu kunnugt, að þessar tvær tegundir, æðar-
kóngur og æðarfugl, geta tímgast saman, og hefir allmörgum
slíkum kynblendingum verið lýst (Neumann). Nýlega hefir
slíkra bastarða og verið getið í Grænlandi.
Hamburg, 24. apríl 1932.
Finnur Guðmundsson.
Síáttnes.
Flestir íslendingar kannast við Slúttnes1) að nafninu til, jafn-
vel þeir, sem þangað hafa aldrei komið, og vita, að það er talið
með fegurri stöðum hér á landi. Þó er nafn þetta lítt skiljanlegt
og gefur ranga hugmynd um staðinn, því að Slúttnes er ekki nes,
heldur eyja, — ein af 40(?) eyjum Mývatns. Ef til vill hefir eyja
þessi í fyrndinni verið nes, sem síðar hafi skilizt frá landi við
landsig. Þó er fyrri hluti nafnsins enn verri viðfangs, því að
enginn þykist vita með vissu, hvað „Slútt“ eða „Slút“ eigi að
þýða.
Myndin, eða kortið af Slúttnesi, sem hér er prentað, á
að fræða lesarann um lögun Slúttness og legu þess á Mývatni.
Jóhannes Sigfinnsson á Grímsstöðum við Mývatn mældi eyjuna
og frumteiknaði kortið, og eftir því teiknaði Samúel Eggertsson
kort það, sem hér er prentað.
Slúttnes er flatlend, lág eyja, með einkennilegum víkum,
vogum og smánesjum, og í eyjunni sjálfri eru alldjúpar kringlótt-
ar smátjarnir. Undirstaða eyjarinnar er helluhraun úr dökkleitu
basalti. Á stöku stað sést fyrir mjóum, gapandi hraunsprungum,
en víðast eru þær fylltar mold og gróðri. Jarðvegurinn ofan á
J) Þannig er nafnið ritað af sumum, og er það samliljóða framburði
þess í Mývatnssveit. Aðrir rita: Slútnes.