Náttúrufræðingurinn - 1933, Side 29
NÁTTÚRUFR.
23
mér líklegast þá, að þær hefðu verið þar alla nóttina. En þó svo
kunni að hafa verið, þá er víst að þær fara alltaf eitthvað til
þess að sofa að vetrarlagi, og á öðrum tíma árs, að minnsta
kosti þegar ekki er gott veður. En hvert fara þær? Reynslan
hefir sýnt erlendis, að ýmsar máfategundir (og fleiri fuglar)
þyrpast saman á ákveðna staði til þess að hafa þar náttstað, þó
þeir ekki verpi á þeim stöðum. Nú væri gaman að vita, hvar
þetta máfastóð, sem heldur til hjá okkur, hefir náttstað. Það
er kunnugt, að veiðibjöllur halda sig í nokkurum smáfjöllum
hér suður í hraununum í hundraðatali, þó aðeins örfáar verpi
þar í grend. Eru okkar veiðibjöllur þar á nóttunni? Eða þyrp-
ast þær úti í eyjunum hérna við Kollaf jörð eða skerjunum hinu-
megin við nesið?
Ólafur Friðriksson.
Fíjága rfúptírnar tíl Grænlands?
Einstöku sinnum hefir það verið borið á borð fyrir lesendur
dagblaðanna hér á landi, að ein af orsökunum til rjúpuþurðarinn-
ar hér síðustu árin væri ef til vill sú, að rjúpurnar hefðu að mestu
flutt af landi burt og haldið til Grænlands, eins og Eiríkur rauði
gerði forðum. Vegna þess, að þetta virðist almennt skoðun margra,
vil eg leggja nokkur orð í belg.
Af hvaða ástæðu ættu rjúpurnar að fljúga til Grænlands? Er
Grænland slíkt „Gosenland", einnig í meðvitund rjúpnanna, að
þangað sé vert að stefna leiðangrum héðan frá íslandi til land-
vinninga? Ef einhver vill telja sjálfum sér eða öðrum trú um það,
að rjúpur fljúgi héðan til Grænlands, verður hann að benda á það
með rökum, hver orsökin geti verið. Líklegasta skýringin yrði lík-
lega sú, að rjúpurnar færðust í hvítan vetrarbúning á haustin, á
meðan jörð væri ennþá auð, eins og skeð getur í góðærum, og teldu
sig ekki tryggar þar, sem búningurinn stingi í stúf við umhverfið.
Sæu þær nú ís fyrir landi, leituðu þær þangað, til þess að láta sam-
litni umhverfisins vernda sig gegn voða. Hvað skýring þessi nær
skammt, sézt bezt á því, hve fáar þær rjúpur myndu vera, sem
sæu ís, enda þótt hann lægi að landi. Hinar myndu fleiri, sem sæu
jöklana, og í þeim hóp yrðu allar rjúpurnar, sem byggja Suðvestur-,
Suður- og Austurland. Ennfremur er lítill vafi á því, að rjúpur
myndu aldrei komast lifandi til Grænlands, jafn tregfleygar og þær