Náttúrufræðingurinn - 1933, Blaðsíða 32

26
NÁTTÚRUFR.
nærri hvítur á framanverðum hálsi ofan frá kverk, bringu og kviði,
og er fuglinn allur hinn ásjálegasti. Ungir fuglar (2—3 ára) hafa
módröfnótta, all-breiða rák þvert yfir bringuna ofanverða og gerir
það fuglinn enn einkennilegri. Það var ungur fugl, er hér fannst.
Fiskiörninn á heima víða i norðlægum (ekki þeim norðlægustu)
löndum beggja megin Atlantshafsins. Hann lifir nær eingöngu á
fiskum er hann veiðir sjálfur. Þar af er nafnið komið. Hann er alls
ekki hrææta eins og haförninn íslenzki. Það er skemmtilegt að sjá
Fiskiörninn á veiðum. Hann Svífur þá allhátt í lofti yfir vötnum
eða ám, víkum og vogum, og sjái hann fisk koma nærri yfir-
borðinu, steypir hann sér eins og örskot þráðbeint niður þangað
og hremmir fiskinn. Sjást þá oft gusur miklar og boðaföll þar sem
hann kemur niður, því svo hart steypir fiskiörninn sér, að það ber
við, að hann kaffærir sjálfan sig. Honum skýtur þó nær jafnhratt
upp aftur og hefur hann sig til flugs með miklu busli og flýgur
með bráðina til lands. Þó er sagt, að það geti borið við, að hann
klófesti svo stóra fiska og sterka, að þeir verði honum ofurefli, og
er honum þá bráður bani búinn, ef hnnn getur ekki losað sig
nógu fljótt. Fiskiörninn er í rauninni ekki örn nema að nafninu
einu. Það er sérstæð ættkvísl (Genus) meðal ránfuglanna, og svipar
honum í sumu til uglanna annars vegar, en hins vegar til arna,
fálka o. fl. Ekki verður neitt um það vitað, hvernig fugl sá, er hér
fannst, hefir drepizt, en líklegast er, að það hafi orsakast af ein-
hverjum slysum. Fiskiörninn á heima í ýmsum nágrannalöndum
vorum, einkum á meginlandinu, allt norður í sunnanverð Norður-
lönd. Hans hefir tvisvar sinnum orðið vart í Færeyjum.
M. B.
¥
Arangttr islenzkra fuglamerkínga.
ii.
í 11.—12. hefti »Náttúrufr.« 1932, bls. 188, var getið um end-
urheimtir á merktum fuglum, sem þá var kunnugt um. Höfðu þá
tveir fuglar náðst erlendis, en um þrjá aðra höfðu fengist upp-
lýsingar innanlands. Síðan hafa borist fregnir um þá fugla er
hjer segir:
Erlendis hafa náðst:
Smirill, merktur 2Hle — ’32, hjá Spóastöðum í Biskupstungum
(var þá ófleygur ungi í hreiðri). Skotinn ca. 24/12 — ’32, hjá Clog-
han í konungssýslu (Kings County) á írlandi.