Náttúrufræðingurinn - 1951, Blaðsíða 34

28
NÁTTÚRUFRÆÐINGURINN
Oftast held ég að fálkinn slíti hausinn af þeim fuglum, sem hann
veiðir, áður en liann fer að éta þá, og á þetta jafnt við um þá fugla,
sem hann slær og þá sem hann grípur með klónum. Ekki er auðvelt
að segja um hvers vegna hann gerir þetta, hvort það er til þess að
drepa fuglinn örugglega eða til þess að blóðið renni úr kjötinu.
Mér virðist að í langflestum tilfellum grípi fálkinn fuglana lif-
andi, með klónum, en slái þá sjaldan og aðallega þá fugla sem sitja
á vatni eða á vatnsbökkum, því alltaf óttast hann vatnið og þykir
sennilega áhættuminna að taka dauðan fugl en lifandi af vatninu.
Þó kemur það fyrir að hann sést taka lifandi fugl á vatni, en fremur
mun það þó sjaldgæft.
Um búrfiskinn (Hoplostethus islandicus Kotthaus)
í 2. hefti Náttúrufræðingsins 19,00 getur Árni Friðriksson nýrrar
fisktegundar, sem fundizt hafði í ytri halla Öræfagrunns á um 340
metra dýpi. Dr. A. Kotthaus, sem lýsti tegundinni, gaf henni Iieitið
Hoplostethus islandicus, en á íslenzku nefnir mag. Árni Friðriksson
fiskinn búrfisk.
Samkvæmt bréfi, sem Árna Friðrikssyni hefur borizt frá dr. Kott-
haus, veiddust 23 l'iskar þessarar tegundar þann 15. janúar 1951 í
halla Síðugrunnsins (á 63° 14 n. br. og 17° 50' v. 1.), í 220—240 metra
dýpi. Þýzkur togari frá Bremerhafen veiddi fiskana.
Dr. Kotthaus telur sennilegt, að þetta séu talsvert gamlir fiskar,
lengd frá 54.2—63.0 cm. Fiskarnir voru komnir nálægt kynþroska og
er því ástæða til að ætla að tegund þessi hrygni hér við land, ef til
vill á sömu slóðum og þeir voru veiddir. Gefst dr. Kotthaus þess
kostur að gera ýtarlegri rannsókn á búrlisknum og mun von á nán-
ari greinargerð frá honum um það efni.
H. E.