Fréttablaðið - 27.05.2009, Qupperneq 6

6 27. maí 2009 MIÐVIKUDAGUR
EVRÓPUMÁL Ráðherrar sjávarút-
vegsmála frá aðildarríkjum Evr-
ópusambandsins urðu sammála
um það á fundi í Brussel í fyrra-
kvöld að afnema skuli í raun þær
reglur sem hingað til hafa gilt um
ákvörðun heildarkvóta í lögsögu
aðildarríkjanna. Draga skuli úr
miðstýringu hinnar sameiginlegu
fiskveiðistefnu sambandsins og
færa ábyrgðina á stjórn fiskveiða
nær útgerðunum.
Ráðherrarnir ályktuðu líka sér-
staklega um brottkast, hversu
alvarlegt vandamál það væri og
mikill ágalli á sameiginlegu fisk-
veiðistefnunni. Grípa á tafarlaust
til margvíslegra ráðstafana til
að stemma stigu við því, innan
ramma óbreyttrar stefnu. Síðan
verði róttækari breytingar gerðar
á stefnunni í því endurskoðunar-
ferli sem nú er í gangi og á að leiða
til lykta fyrir árið 2012.
Á fundi ráðherranna var svo-
nefnd grænbók um endurskoðun
sameiginlegu fiskveiðistefnunn-
ar rædd, en grænbók þessa lagði
framkvæmdastjórn ESB fram
fyrir mánuði sem grunn að víð-
tækri umræðu um róttæka endur-
skoðun stefnunnar.
Það er líka einhuga stuðning-
ur meðal ESB-ráðherranna um að
draga mjög úr miðstýringu sam-
eiginlegu fiskveiðistefnunnar.
Stjórnvöld í strandríkjunum og
útgerðarfyrirtækin sjálf eigi þess
í stað að bera meiri ábyrgð á stjórn
fiskveiðanna. Þetta hefur frétta-
vefur BBC eftir tékkneskum full-
trúa sem tók þátt í viðræðunum,
en Tékkar gegna nú formennsk-
unni í ESB.
Breyting í þessa veru var að
sögn BBC eitt af höfuðmarkmið-
um bresku ríkisstjórnarinnar.
Haft er eftir breska sjávarútvegs-
ráðherranum, Irranca Davies, að
það væri lykilatriði að í stað hinna
árlegu „hrossakaupa“ um landa-
kvóta kæmi kerfi þar sem „lang-
tímasjónarmið á grunni góðra
rannsókna og stjórnunar í héraði“
réðu frekar ferðinni.
Fulltrúar Danmerkur höfðu
opinberlega hvatt til þess að ESB
hætti að ofstýra sjávarútvegi
innan sambandsins og hjálpa til
við að hindra ofveiði og smáfiska-
dráp með því að grípa til róttækra
ráðstafana gegn brottkasti á borð
við að koma fyrir eftirlitsmynda-
vélum um borð í fiskiskipum.
Framkvæmdastjórn ESB hefur
sagt að um 80 prósent fiskistofna
í lögsögu ESB-ríkjanna sæti of
miklu veiðiálagi. Joe Borg, sem
fer með sjávarútvegsmál í fram-
kvæmdastjórninni, hefur farið
þess á leit við Íslendinga að þeir
taki virkan þátt í endurskoðun
sameiginlegu fiskveiðistefnunn-
ar.
audunn@frettabladid.is
SJÁVARÚTVEGUR „Mér finnst eðlilegt
að þeir endurskoði sína fiskveiði-
stefnu,“ segir Jón Bjarnason sjáv-
arútvegsráðherra um samþykkt
kollega hans hjá aðildarríkjum
Evrópusambandsins í Brussel í
fyrrakvöld.
„ Ég vona að það gangi vel hjá
þeim. Eins og allir vita hefur
stefna þeirra ekki verið að skila
góðum árangri og þessi mikla
miðstýring, sem þeir núna viður-
kenna að hafi ekki verið til heilla.
En hversu langt þeir ganga í þeim
efnum, ég vona að þeir gangi
sem lengst, þeirra vegna. Þeir
eru fyrst og fremst að hugsa um
sjálfa sig í þessum efnum, en það
er alveg hrikalegt hvernig þessi
sjávarútvegsstefna hefur geng-
ið og sýnir hversu brýnt það er
fyrir Evrópusambandið að skoða
sín innri mál.“
Adolf Guðmundsson, formaður
stjórnar LÍÚ, segir þessi tíðindi
góð svo langt sem þau ná. „Það er
mjög gott ef fulltrúar í ráðherra-
ráði Evrópusambandsins eru að
vitkast,“ segir hann. „En nú á
þetta eftir að fara til hvers lands
fyrir sig svo maður veit ekkert
hvernig þetta endar.“
Aðspurður hvort þetta auki
á líkur þess að LÍÚ telji Ísland
eiga samleið með ESB segir hann:
„Nei, þetta eru hugmyndir sem
er varpað inn í umræðuna en enn
þá vitum við ekki hvernig þessi
sjávarútvegsstefna sambandsins
verður sem líta á dagsins ljós árið
2012.“
- ss / jse
Eins og
allir vita
hefur stefna
þeirra ekki verið
að skila góðum
árangri...
JÓN BJARNASON
SJÁVARÚTVEGSRÁÐHERRA
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
Stilling hf. • Sími 520 8000 • www.stilling.is • stilling@stilling.is
Bílavarahlutir
• Rafhlaðan endist í allt að 15 tíma. Hentar vel í útileguna,
sumarbústaðinn og í ferðalagið. Þú stingur símanum eða
iPod í samband við Power2Charge og hleður af rafhlöðunni
• 6 millistykki fyrir t.d. síma, iPod, myndavélar og önnur 5V tæki
• Snúran er í litlu handhægu kefli
• Millistykki geymd í gúmmíbandi
• Ferðapoki
Hleðslutæki með
innbyggðri rafhlöðu
Hleður síma, iPod og myndavélar
Þeir veitingastaðir sem á annað borð hafa
opið bjóða upp á ódýrari matseðil í hádeg-
inu heldur en á kvöldin. Að fara út að borða í
hádeginu er því góður kostur og fyrir barna-
fólk er það að auki heppilegra því börnin
eru í umsjá ríkis eða borgar á þessum tíma.
Ólafur Þór Gylfason skrifar um hádegis-
hlaðborð Basil & Lime á Klapparstíg. Það er
opið á milli 11.30 og 14. „Á hlaðborð-
inu var gott úrval suður-evr-
ópskra rétta með íslensku
ívafi“, skrifar hann.
„Dæmi um rétti sem
ég man eftir voru
spænsk paella, pasta
með spínati og tígr-
i srækjum , pa sta
með kjötbollum og
parmesan, nýbakað
brauð, heimalagað pestó
og hummus, rocket með buffaló mozzarella,
ítölsk grænmetissúpa, nautakjöt í sósu, ofn-
steiktar kartöflur með hnetum og hvítlauk,
plokkfiskur (sem útlendingarnir sem voru
þarna voru sérlega sólgnir í) og fleira sem
ég kann ekki að nefna. Sumsé mjög gott og
frískandi en um leið saðsamt. Fréttirnar eru
hins vegar þær að fyrir herlegheitin þurftum
við aðeins að borga 990 kr. á mann – sem
er eingöngu 260 kr. dýrara en í ISS
mötuneytinu í vinnunni! Ekki
mikið fyrir ferð til útlanda
(útitjaldið er svona eins og
í útlöndum, sjáðu til).“
Neytendur: Ódýrara að borða úti í hádeginu
Til útlanda fyrir 990 kall
BASIL OG LIME Hlægilegt verð
á hádegishlaðborðinu hjá
Basil & Lime.
Eiga kennarar að samþykkja
að taka á sig fimm prósenta
launalækkun gegn því að fá
lengra frí?
Já 64,8%
Nei 35,2%
SPURNING DAGSINS Í DAG:
Á að fækka háskólum hér á
landi niður í tvo?
Segðu þína skoðun á visir.is
Viðbrögð sjávarútvegsráðherra Íslands og formanns stjórnar LÍÚ:
Gott svo langt sem það nær
SVEITARSTJÓRNIR „Borgin hefur átt
í þessum viðræðum og ég á von á
því að við fáum niðurstöðu í málið
í þessari viku,“ segir Hanna Birna
Kristjánsdóttir, borgarstjóri í
Reykjavík, um fimm milljarða
króna lántöku borgarinnar hjá líf-
eyrissjóðum.
Að sögn Hönnu Birnu er vænt-
anlegt lán í samræmi við fjár-
hagsáætlun borgarinnar þar sem
gert sé ráð fyrir lántöku til að fara
í mannaflsfrekar framkvæmd-
ir. Meðal helstu framkvæmda eru
Sæmundarskóli og Norðlinga-
skóli og uppbygging í Úlfarsárdal,
Austurstræti 22, Lækjargötu 2 og
við Hlíðarfót. - gar
Framkvæmdir í Reykjavík:
Fimm milljarða
lán lífeyrissjóða
Hverfa á frá miðstýr-
ingu fiskveiða í ESB
Sjávarútvegsráðherrar ESB hafa komið sér saman um að færa skuli fiskveiði-
stjórn innan sambandsins að miklu leyti frá miðstjórnarvaldinu í Brussel út til
stjórnvalda og útgerða í strandríkjunum. Efna á til átaks gegn brottkasti.
VILL UMBÆTUR Joe Borg, sem fer með sjávarútvegsmál í framkvæmdastjórn ESB, fagn-
ar vilja ESB-ráðherranna til róttækrar endurskoðunar sameiginlegu fiskveiðistefnunnar.
NORDICPHOTOS/AFP
KJÖRKASSINN