Fréttablaðið - 03.06.2009, Blaðsíða 16

MARKAÐURINN 3. JÚNÍ 2009 MIÐVIKUDAGUR2
F R É T T I R
„Þótt staðan á Íslandi sé eins-
dæmi og afar slæm, eru til lausnir
til endurreisnar,“ segir Baldur
Péturs son, aðstoðarframkvæmda-
stjóri Endurreisnar- og þróunar-
banka Evrópu (EBRD).
„Núverandi vandi er hins vegar
svo stór að við hann verður ekki
ráðið nema með stórauknu sam-
starfi við alþjóðasamfélagið. Með
umsókn um aðild að Evrópusam-
bandinu, líkt og stjórnvöld stefna
að, megi byggja upp traust og trú-
verðugleika sem sé forsenda fyrir
aðgengi að alþjóðlegu fjármagni.“
Umsókn segir Baldur jafnframt
nauðsynlega til að forða frá enn
meira hruni, þótt hún nægi ekki
ein og sér. „Samhliða verður að
hefja samstarf við Seðlabanka
Evrópu um aðgerðir til að tryggja
styrkingu krónunnar og gengis-
stöðugleika. Slíkt samstarf myndi
byggja bæði á umsókn um aðild að
ESB sem og EES-samningnum.“
Baldur segir að með sam-
starfi við Seðlabanka Evrópu
mætti tryggja gengishækkun
krónunnar og varða leiðina út
úr gjaldeyriskreppunni. „Slíkum
samningum við Seðlabanka Evr-
ópu ætti að vera hægt að ná á til-
tölulega skömmum tíma miðað við
skyldur samningsaðila innan EES-
samningsins,“
segir hann og
telur að með
samstarfinu
væri hægt að
styrkja gengi
krónunnar um
n á l æ g t þ v í
3 0 p r ó s e n t .
„ Þ a n n i g a ð
eftir um rúmt
ár væri hægt að
ná þeirri stöðu sem var í upphafi
2008 og ná gengisvísitölunni í 140.
Slíkt verkefni má ekki taka lengri
tíma en eitt ár.“ Baldur segir vísi-
töluna 140 vera langtímajafnvægis-
stöðu krónunnar og þá stöðu sem
við verði að miða við endurreisn
bankanna. „Þetta er afar mikil-
vægt atriði ef nýir bankar eiga að
hafa möguleika til lengri tíma.“
Stöðuna hér á Íslandi, sem orðið
hafi fyrir meira efnahags áfalli
en nokkurt annað ríki í fjármála-
kreppunni, segir Baldur hins
vegar vera þannig að ekkert megi
fara úrskeiðis, eða tefja á leiðinni
til endurreisnar.
Baldur var hér á landi í síðustu
viku til að kynna starfsemi EBRD
og fjárfestingarkosti á starfs-
svæði bankans í Austur-Evrópu
og Asíu. - óká
BALDUR
PÉTURSSON
Gengið gæti styrkst um 30 prósent á einu ári
FYRIRTÆKJALAUSNIR VALITOR • Laugavegi 77 • 101 Reykjavík • Sími: 525 2080
fyrirt@valitor.is • www.valitor.is
Við bjóðum veflausnir og posa í erlendum gjaldmiðlum!
Þú getur selt erlendum ferðamönnum vörur og þjónustu í
erlendum gjaldmiðlum* og færð þá gert upp í sama gjaldmiðli.
*EUR, GBP, USD og DKK
G E N G I S Þ R Ó U N
Vika Frá ára mót um
Alfesca 23,5% 0,0%
Bakkavör 7,6% -54,6%
Eimskipafélagið 0,0% -20,0%
Föroya Bank -0,8% -1,7%
Icelandair 2,2% -65,4%
Marel 1,8% -19,0%
Össur 2,4% 6,8%
Úrvalsvísitalan OMXI15 267
Úrvalsvísitalan OMXI6 733
*Miðað við gengi í Kaup höll í gær.
„Við ætlum að prufukeyra raf-
rænu afladagbækurnar í fjórum
skipum í Færeyjum í sumar en
vonumst til að þær verði settar
upp í öllum færeyska fiskiskipa-
flotanum,“ segir Steingrímur
Gunnarsson, sölustjóri hugbún-
aðarfyrirtækisins Trackwell.
Færeyski flotinn telur áttatíu
skip.
Í síðasta mánuði var undirritað-
ur samningur milli fyrirtækis ins
og Føroya Reiðara felag (Lands-
samtaka færeyskra útgerðar-
manna) um afhendingu á raf-
rænum afladagbókum um borð
í færeyskum fiskiskipum.
Færeyingar hafa unnið að upp-
byggingu miðlægs gagnagrunns
sem heldur utan um skráningar
um fiskafurðir allt frá veiðum
til vinnslu og sölu afurða og eru
gögn úr afladagbókum Trackwell
fyrsti hlekkur keðjunnar.
Ákveðið var að ganga til sam-
starfs við Trackwell vegna
reynslu fyrirtækisins í svipuðum
verkefnum, en hugbúnaður frá
Trackwell er meðal annars not-
aður í rafrænar afladagbækur ís-
lenskra fiskiskipa og um næstu
áramót eiga öll skip stærri en
fimmtán brúttólestir að hafa
tekið upp slíkan búnað. - jab
Rafrænar dagbækur
Trackwell í Færeyjum
Óli Kristján Ármannsson
skrifar
Kröfuhafar gömlu bankanna fara
þessa dagana yfir gögn áður en
formlega hefjast viðræður um
endanleg skil á milli gömlu bank-
anna og þeirra nýju. Meðal þess
sem verið er að kynna þeim eru
viðskiptaáætlanir fyrir nýju
bankana og verðmat Deloitte á
eignum bankanna.
Önnur gögn sem liggja þurfi
fyrir áður en endanleg skipti milli
nýju og gömlu bankanna fara
fram eru endurskoðaðir reikn-
ingar bankanna miðað við síðustu
áramót og endurskoðun reikninga
fyrstu þrjá mánuði þessa árs. Þá
kemur fram í nýlegri uppfærslu
skilanefndar Kaupþings á stöðu-
skýrslu til kröfuhafa að finna
þurfi lausn á gengisójöfnuði eftir
eignatilfærslur milli gömlu og
nýju bankanna.
„Tímasetning formlegra við-
ræðna við kröfuhafana hefur ekki
verið sett niður, en það er svona
nánast næsta skref,“ segir Gylfi
Magnússon viðskipta-
ráðherra, en gefur þó
ekki nákvæmari
tímasetningu
en núna í
vor, eða snemma sumars.
Gylfi segir þó að ýmsu að
hyggja, því þótt Deloitte hafi
skilað af sér mati á verðmæt-
um bankanna þá hlaupi það mat
á ákveðnu bili. „Kröfuhafarnir
eiga eftir að fara yfir þetta og svo
þarf að setjast niður með þeim og
finna út úr því hvar á þessu bili,
eða jafnvel utan þess, endanleg
niðurstaða verður.“
Samkvæmt heimildum blaðs-
ins standa vonir til þess að hægt
verði að ljúka uppgjöri milli
gömlu og nýju bankanna eftir
mánuð eða svo. Fjármálaeftirlitið
(FME) gaf um miðjan mánuð-
inn frest til þess að ljúka skilun-
um, þótt ekki lægi fyrir hversu
langur fresturinn þyrfti að vera.
Ákvörðun um lengd frestsins á að
liggja fyrir hjá FME um miðjan
þennan mánuð.
Gangi eftir að lokið verði við
skil nýju og gömlu bankanna um
næstu mánaðamót, er það um
fjögurra mánaða dráttur frá upp-
haflegri áætlun eins og hún var
sett fram í samkomulagi ríkis-
stjórnarinnar og AGS.
Kröfuhafar
skoða gögn
Vonir standa til að ljúka megi við skil
gömlu og nýju bankanna eftir mánuð.
Næsta skref er viðræður við kröfuhafa.
„Við skoðuðum SPRON en höfð-
um ekki áhuga á að kaupa net-
banka og húsgögn,“ segir Janus
Pedersen, forstjóri Føroya
Banka. Hann segir fréttaflutn-
ing af meintum áhuga bank-
ans á SPRON byggðan á veikum
grunni.
Pedersen, sem í gær kynnti
starfsemi bankans á fjárfesta-
degi færeysku félaganna í Kaup-
höllinni, segir Føroya Banka hafa
kannað kostina við kaup á SPRON
skömmu eftir að Fjármálaeftir-
litið tók starfsemi hans yfir seint
í mars síðastliðnum. „Þegar í ljós
kom að innlán höfðu verið færð
til Nýja-Kaupþings var lítið eftir.
Við höfðum ekki áhuga á því,“
segir Pedersen.
Føroya Banki hefur frekari
tilraunir til landnáms hér ekki á
dagskrá á næstunni. Frekar verði
horft til Danmerkur – bankinn er
með útibú í Kaupmannahöfn – og
Noregs. Ástæðuna segir Pedersen
þá að hlutur sjávarútvegs vegi þar
þungt líkt og í Færeyjum og liggi
innan sérhæfingar bankans. Ekki
er horft til fleiri Evrópulanda, að
hans sögn. - jab
JANUS PEDERSEN Forstjóri Føroya Banka, hér fremstur, segir framtíðarvöxtinn liggja í
Skandinavíu. MARKAÐURINN/ANTON
Höfðu ekki áhuga á SPRON
BANKARNIR
FRÉTTABLAÐIÐ/SAMSETT MYND