Fréttablaðið - 03.06.2009, Síða 24

3. júní 2009 MIÐVIKUDAGUR2
Á Drangsnesi, sem er fámennt
sjávar þorp við norðanverðan Stein-
grímsfjörð á Ströndum, hefur verið
talsverður uppgangur síðastliðin
ár og eiga hjónin Ásbjörn Magn-
ússon og Valgerður Magnúsdóttir
þar hlut að máli. Þau reka Gisti-
heimilið Malarhorn og komu á fót
veitingastaðnum Malarkaffi, sem
dóttir þeirra Þuríður Ásbjörns-
dóttir rekur nú, en ferðaþjónustu-
ævintýri þeirra hófst árið 2006 og
fer í fullan gang í sumar.
Byggðin á Drangsnesi er frem-
ur ung en þéttbýli tók að myndast
um 1925. Þar búa nú tæplega níutíu
manns. Drangsnes er útgerðarbær
og hefur afkoma íbúanna grund-
vallast á sjósókn og fiskvinnslu.
En hvernig datt hjónunum í hug að
koma á fót ferðaþjónustu í þessu
litla þorpi?
„Kvótinn var orðinn lítill auk
þess sem rækjan yfirgaf okkur og
þá var bara að taka til sinna ráða,“
segir Ásbjörn. „Við fórum hægt af
stað og byrjuðum á því að leigja
íbúð í skólanum og leikskólanum
sumarið 2006 sem við síðan leigðum
út til gesta. Sumarið 2007 tókum við
í notkun lítið hús með fjórum her-
bergjum og eldhúsi ásamt því sem
við opnuðum Malarkaffi á efri hæð
fiskvinnsluhúss við hlið gistiheim-
ilisins. Um mitt fyrrasumar var
svo tíu herbergja bjálkahús tekið
í notkun og fer starfsemin í fullan
gang í sumar.“
Þá býður Ásbjörn upp á siglingar
með Sundhana ST-3 bæði í náttúru-
skoðunarferðir og reglulegar ferðir
út í Grímsey sem er í seilingarfjar-
lægð. En hvað er það sem dregur
ferðamenn að? „Þetta er auðvitað
nokkuð sérstakur staður en sveitar-
stjórinn okkar Jenný Jensdóttir
heldur því fram að þetta sé minnsta
sjávarþorp í heimi. Ég veit nú ekki
hvort það sé rétt hjá henni en held
þó að það hljóti að vera nokkuð
nærri lagi. Þá hefur nálægðin við
Grímsey mikið aðdráttarafl ásamt
steindranginum Kerlingu sem
þorpið dregur nafn sitt af. Sagan
segir að drangurinn sé eitt þeirra
trölla sem ætluðu að grafa Vestfirð-
ingafjórðung frá meginlandinu og
stofna tröllaríki en hana má kynna
sér betur á www.malarhorn.is.“
vera@frettabladid.is
ÁST, RÓMANTÍK OG KYNLÍF
er þemað á sumarsýningu Minja-
safnsins sem verður opnuð 17. júní.
Nánar á www.minjasafn.is.
Hægt er að bregða sér í heita potta við flæðarmálið og nýja sundlaug skammt frá.
Ásbjörn fór hægt af stað en starfsemin
fer á fullt í sumar. MYND/ÚR EINKASAFNI
Uppgangur á Drangsnesi
Hjónin Ásbjörn Magnússon og Valgerður Magnúsdóttir komu á fót kaffihúsi og reka gistiheimili í einu
minnsta sjávarplássi í heimi. Grímsey er í seilingarfjarlægð og tröllkerling trekkir einnig að.
Hér má sjá glitta í kaffihúsið, gistiheimilið, Grímsey og hina steinrunnu tröllkerlingu sem Drangsnes dregur nafn sitt af.
MYND/ÚR EINKASAFNI
„Gönguleiðir verða merktar inn
í GPS-tæki þannig að fólk getur
gengið sjálft um svæðið,“ upplýsir
Elín Lóa Baldursdóttir, annar
tveggja staðarhaldara í Kerlingar-
fjöllum. „Þá verða líka hnit af
athyglisverðum stöðum sett inn í
tækið.“
Elín Lóa nefnir að einnig verði
í boði gönguferðir með leið-
sögn um svæðið frá 10. júlí til
verslunarmannahelgar. „Annar
staðar haldarinn, Snæbjörn Guð-
mundsson, sem er að klára nám
í jarðfræði við Háskóla Íslands,
mun halda utan um ferðirnar.
Þetta verða um það bil þriggja til
fjögurra tíma göngur um svæðið,“
segir Elín Lóa og bætir við að
einnig sé hægt að fara í lengri
göngur um svæðið. „Í Kerlingar-
fjöllum eru fjölmargar merktar
gönguleiðir og þær verða settar
inn í GPS-tækið, sem fólk getur
þá leigt og gengið með.“
Elín Lóa segir að ákveðið hafi
verið að fara af stað með þessar
nýjungar til þess að auðvelda
fólki að ganga um svæðið. „Það
er meira öryggi í að hafa GPS-
tæki þegar gengið er um hálend-
ið. Fólki finnst oft þægilegra að
hafa merktar leiðir og GPS-tæki,“
útskýrir hún. „Nýjungarnar eru
hugsaðar fyrir Íslendinga og
erlenda ferðamenn því þær auð-
velda í raun öllum þeim sem vilja
ganga um svæðið.“ Spurð hvað
geri Kerlingarfjöll að heillandi
göngusvæði segir Elín Lóa það
meðal annars stórbrotna náttúru-
fegurð. „Kerlingarfjöllin eru eitt
best geymda leyndarmál hálendis-
ins. Svæðið er fallegt og svolítið úr
alfaraleið en þó er tiltölulega auð-
velt að komast þangað. Þar er til
dæmis fjall sem heitir Snækollur
og í góðu skyggni þá er eitt besta
útsýni landsins þaðan. Þar er hægt
að sjá til sjávar bæði til norðurs og
suðurs og því er vel þess virði að
koma og ganga á fjallið.“
Nánari upplýsingar um göngu-
leiðir í Kerlingarfjöllum má finna
á www.kerlingarfjoll.is.
Gengið í náttúrufegurð
Í Kerlingarfjöllum má finna ýmsar skemmtilegar gönguleiðir. Í sumar verður þar í fyrsta skipti boðið upp
á gönguferðir um svæðið með leiðsögn en einnig verður hægt að leigja GPS-tæki með gönguleiðum.
Kynning
Selatalningin mikla er talningarverkefni framkvæmt við Vatnsnes og austurströnd
Heggsstaðaness á ári hverju. Talið er til skiptis í júlí og ágúst. Sjálfboðaliðar ganga
þá allar fjörur á talningarsvæðinu og skrá á sérstakt blað alla seli, bæði á sjó og
landi, staðsetningu þeirra og tímasetningu.
Sjá www.selasetur.is
ÁRMÚLA 42 - SÍMI 553 4236
BÍLSKÚRS OG IÐNAÐARHURÐIR
• Hurðir til á lager • Smíðað eftir máli
• Eldvarnarhurðir • Öryggishurðir
Jónsmessunótt á Fimmvörðuháls
Skráning í
Jónsmessunæturgöngu
Útivistar í síma
562 1000
Upplifðu stemninguna
Hringdu í síma
ef blaðið berst ekki
Kerlingarfjöll eru rómuð fyrir mikla nátt-
úrufegurð og skemmtilegar gönguleiðir.
MYND/KARL BIRKIR FLOSASON
M
YN
D
/V
A
LG
ER
Ð
U
R
R
Ú
N
A
R
SD
Ó
TT
IR