Fréttablaðið - 03.06.2009, Blaðsíða 20

3. JÚNÍ 2009 MIÐVIKUDAGUR2 ● fréttablaðið ● skólar og námskeið
Tvær nýjar námsleiðir eru í boði
hjá Landbúnaðarháskólanum.
Þetta eru Þjóðgarðar – verndar-
svæði og Náttúra – saga.
Landbúnaðarháskóli Íslands er
mennta- og rannsóknastofnun á
sviði náttúrunýtingar og umhverfis-
fræða með áherslu á verndun
og sjálfbæra nýtingu auðlinda
landsins, skipulagsmál, menn-
ingu og sjálfbæra þróun. Innan
námsbrautar innar Náttúru og
umhverfis fræði hjá LbhÍ eru boðn-
ar fjórar áherslur: Almenn nátt-
úrufræði sem veitir nemendum
grunnþekkingu á íslenskri náttúru,
náttúrufari og vistkerfum; nátt-
úrunýting sem veitir nemendum
grunnþekkingu á náttúruauðlind-
um og sjálfbærri nýtingu þeirra.
Frá hausti 2009 verða til við-
bótar tvær nýjar áherslur í boði
eins og áður sagði: Þjóðgarðar –
verndar svæði og Náttúra – saga.
Náttúra og saga er námsbraut
þar sem tvinnað er saman í BS-
grunnnám raunvísindanámi ann-
ars vegar og hugvísindanámi hins
vegar. Námsbrautin er samvinnu-
verkefni Landbúnaðarháskóla Ís-
lands og Háskóla Íslands.
Þjóðgarðar og verndarsvæði er
námsbraut þar sem markmiðið er
að mennta fólk til starfa við ört
stækkandi þjóðgarða og verndar-
svæði hérlendis.
Meiri upplýsingar um nám við
Landbúnaðarháskóla Íslands má
nálgast á heimasíðunni www.lbhi.
is. - sg
Tvær nýjar námsleiðir
Innan Náttúru og umhverfisfræða hjá
LbhÍ verða tvær nýjar áherslur í boði frá
hausti 2009: Þjóðgarðar – verndarsvæði
og Náttúra – saga. MYND/ÚR EINKASAFNI
Svo virðist sem leigumarkaður-
inn á Íslandi sé að lifna við og
velta margir fyrir sér hvort eftir-
spurn eftir stúdenta íbúðum
hafi minnkað í kjölfarið.
Félagsstofnun stúdenta hefur
ekki fundið fyrir miklum breyt-
ingum þótt þeirra hafi orðið
vart annars staðar.
„Eftirspurn eftir stúdentaíbúðum
hjá Félagsstofnun stúdenta hefur
ekki minnkað,“ segir Rebekka
Sigurðardóttir, upplýsingafulltrúi
Félagsstofnunar stúdenta. „Sem
stendur er reyndar sá árstími þar
sem einna fæstir eru á biðlistum
hjá okkur. Þeir sem eru að hefja
nám við Háskóla Íslands gátu sótt
um hjá okkur frá og með 1. júní
en núverandi nemar við Háskóla
Íslands geta sótt um allt árið um
kring.“
Yfirleitt eru biðlistar eftir hús-
næði á Stúdentagörðum langir.
„Lengdin á biðlistanum hefur ekki
breyst og jafnvel má búast við því
að listarnir verði lengri núna þar
sem nemendum við Háskóla Ís-
lands hefur fjölgað mikið. Þegar
stjórnvöld báðu háskólana um að
innrita fleiri en verið hefur vegna
ástandsins í þjóðfélaginu fjölgaði
verulega eins og gera má ráð fyrir
með auknu atvinnuleysi,“ útskýrir
hún en bætir við að í góðærinu hafi
nemendum líka fjölgað á háskóla-
stigi. „Því virðist ekki skipta máli
hvort það er góðæri eða kreppa,
eftirspurnin eftir okkar þjónustu
er jafnmikil og áður.“
Stúdentaíbúðirnar hafa verið
leigðar á töluvert lægra verði
en gengur og gerist á almennum
markaði enda byggðar á öðrum
forsendum. „Flestir sem byggja
sér húsnæði eru að hugsa til fram-
tíðar og þá er yfirleitt um að ræða
stórt rými sem mikið er lagt í.
Efniviður og stærð eru því í allt
öðrum anda en lagt er upp með
á Stúdentagörðum. Þar er lögð
áhersla á hagkvæmni, góða end-
ingu og nýtingu, þannig ekki er
mikið pláss fyrir eitthvað auk-
reitis. Þetta húsnæði er því af allt
öðrum toga,“ segir Rebekka og
bætir við: „Einnig hefur verið lögð
áhersla á að byggja á háskólalóð-
inni eða í nálægð við hana. Þegar
farið hefur verið út fyrir háskóla-
lóðina eru íbúðirnar staðsettar ná-
lægt samgönguæð, eins og strætis-
vögnum eða hjólreiðastígum,
þannig að fólk hafi kost á því að
vera bíllaust.“
Hins vegar eru til önnur sam-
tök sem bjóða upp á stúdentaíbúðir
eins og Byggingafélag náms-
manna og hafa þau átt erfitt með
að manna sínar íbúðir í vetur. „Þá
er um húsnæði í úthverfum að
ræða. Keilir og Bifröst hafa einn-
ig fundið fyrir samdrætti í útleigu
stúdentaíbúða. Ástæðan fyrir að
við höfum ekki fundið eins mikið
fyrir þessu hér er kannski sú að
við erum betur staðsett og höfum
lagt áherslu á litlar og hagkvæmar
einingar. Hins vegar veit ég ekki
hvernig biðlistarnir verða í haust.
Við höfum fundið fyrir því síð-
ustu mánuði að fólk á ekki jafnauð-
velt með að losa sig úr leigu ann-
ars staðar. Þá er fólk bundið leigu-
samningi og leigusalarnir vilja
ekki sleppa því. Síðan búa nem-
endur stundum í foreldrahúsum
og vilja bíða og sjá hvað gerist og
hafa þá ekki verið tilbúnir til að
stökkva inn á garða. Fólk hugsar
sig betur um og við finnum vissu-
lega fyrir einhverjum óróleika,“
segir hún en nefnir að húsnæði
kosti sitt alls staðar. „Í raun er
ekkert ódýrt húsnæði í boði á al-
mennum markaði í dag. Þrátt fyrir
að leiga hafi lækkað þá var verðið
orðið svo gríðarlega hátt að litlu
munar. Við búumst því við að eftir-
spurn verði áfram mikil og tölu-
verður hópur muni ekki komast
að eins og vanalega.“
Félagsstofnun stúdenta er á
hinn bóginn að byggja um 80
nýjar íbúðir sem teknar verða í
notkun um áramót. „Þær eru við
Skógaveg, við hlið Borgarspítal-
ans, og er þetta það lengsta sem
við höfum farið frá skólalóð-
inni. Þetta eru stærri fjölskyldu-
íbúðir, um 60 til 70 fermetrar, en
þess háttar íbúðir hafa ekki verið
byggðar í hátt á annan áratug.
Ástæðan fyrir staðsetningunni er
að hjólastígur liggur alla leið frá
Skógavegi að Háskóla Íslands og
einnig er gróið útivistar svæði í ná-
grenninu,“ segir Rebekka. - hs
Staðsetning skiptir máli
Rebekka segir stöðuga eftirspurn vera eftir stúdentaíbúðum hjá Félagsstofnun stúd-
enta, enda eru þær vel staðsettar og hagkvæmar og fjöldi nemenda hefur aukist.
FRÉTTABLAÐIÐ/VILHELM
„Námskeiðið er fyrir leikmenn og einhverja sagnfræðinga,“ segir Ill-
ugi Jökulsson, ritstjóri tímaritsins Sagan öll, sem ætlar að vera með
námskeið hjá Endurmenntun Háskóla Íslands í haust undir yfirskrift-
inni Söguleg skrif fyrir almenning.
„Ég hef orðið var við mikinn áhuga fólks á að
koma sögulegum skrifum sínum á framfæri,“
segir Illugi og vitnar í reynslu sína sem rit-
stjóra tímaritsins. Námskeiðið er einmitt
hugsað sem svar við þessari þörf. „Algengt
er að þeir sem eru óvanir að koma frá sér
sögulegu efni hafi oft tilhneigingu til að gera
hlutina full flókna og erfiða,“ segir hann.
„Á námskeiðinu verður meðal annars farið
í það hvernig best sé að bera sig að við það að
skrifa lipran og léttan texta þar sem þar á við.“
Námskeiðið verður haldið þrjú kvöld í
senn, 22. og 29. september og 6. október
frá klukkan 20.15 til 22. Nánar á
www.endurmenntun.is undir
flokknum Menning, sjálfsrækt
og tungumál. - vg
Söguleg skrif fyrir
leikmenn og lærða
Illugi segist hafa orðið var við
áhuga fólks að koma sögulegum
skrifum sínum á framfæri.
FRÉTTABLAÐIÐ/HARI