Fréttablaðið - 09.07.2009, Page 10

10 9. júlí 2009 FIMMTUDAGUR
STRAND Á SKERI Ekki er gott að sjá
hvernig þessi breska skúta tollir á
skerinu, en þarna endaði hún eftir
að undan henni flæddi við strendur
Frakklands áður en bátsverjar áttuðu
sig. NORDICPHOTOS/AFP
SVEITARSTJÓRNIR Framkvæmdaráð
Hafnarfjarðar hefur samþykkt að
hækka gjaldskrá fyrir kalt vatn
frá Vatnsveitu Hafnarfjarðar
um 50 prósent. Eftir hækkunina
kosta eitt þúsund lítrar af köldu
vatni átján krónur í staðinn fyrir
tólf krónur. Þetta jafngildir því
að einn lítri af neysluvatni kosti
tæpa tvo aura.
Fram kemur í fundargerð
framkvæmdaráðsins að gjaldkrá
Vatnsveitunnar hafi ekki verið
hækkuð frá árinu 2006. Jafn-
framt þessu á að bjóða út trygg-
ingar, rafmagn, öryggisþjónustu,
eldsneyti, salt og holræsahreins-
un. - gar
Fjárhagsáætlun Hafnarfjarðar:
Vatnið hækkar
um 50 prósent
KALDÁRBOTNAR Vatnsból Hafnfirðinga
er í Kaldárbotnum.
SVÍÞJÓÐ, AP Sænsk stjórnvöld hafa
ákveðið að setja kjarnorkuverið
í Ringhals undir sérstakt eftir-
lit vegna þess að undanfarin ár
hefur öryggismálum þar ekki
verið sinnt sem skyldi.
Tvö mjög alvarleg atvik hafa
orðið þar undanfarið ár, að því er
Mattias Skold, talsmaður geisla-
varnaeftirlits Svíþjóðar, segir.
Stjórn kjarnorkuversins þykir
ábótavant og fyrri ábendingum
hefur ekki verið sinnt.
Kjarnorkuverið í Ringhals er
stærsta orkuver Svíþjóðar, og
eitt af þremur kjarnorkuverum
í landinu. Í Ringhals eru fjórir
kjarnaofnar. - gb
Geislavarnir í Svíþjóð:
Kjarnorkuver
undir eftirlit
VÍMUEFNI Dómsmálaráðherra
segir það ekki næga ástæðu til að
endurskoða stefnu ríkisins gagn-
vart kannabisefnum að landlækn-
ir og prófessor í afbrotafræði hafi
varað við „fíkniefnastríðinu“, og
virðist telja núverandi stefnu
komna í ákveðna blindgötu.
„Ég er ekki að vinna að því að
lögleiða fíkniefni. Það þarf eitt-
hvað meira að koma til en þetta,
svo ég byrji á því,“ segir hún.
Í nýútgefnu bréfi landlæknis
bendir hann á kannanir sem segi
að kannabisefni séu minna ávana-
bindandi en tóbak og áfengi.
Helgi Gunnlaugsson, prófessor
í afbrotafræði, hefur í viðtali við
Fréttablaðið bent á góða reynslu
frá löndum sem hafa „afglæpað“
kannabisefni.
Hann telur ríkjandi bannstefnu
geta klofið samfélagið, enda þurfi
kannabisneytendur að versla við –
og gerast um leið – glæpamenn.
„Ég stend landlækni ekki á
sporði með læknisfræðimennt-
un, en ég verð bara að segja það
að það eru vísbendingar í öðrum
löndum um að þetta snúist ekki
bara um neysluna, heldur allt sem
fylgir henni.
Lönd sem hafa lögleitt þetta
hafa ekki losnað við öll vandamál
sem fylgja þessum efnum,“ segir
Ragna. - kóþ
Dómsmálaráðherra spurð um orð landlæknis og prófessors um kannabisefni:
Þarf meira til að lögleiða fíkniefni
RAGNA
ÁRNADÓTTIR
Dómsmálaráð-
herra er ekki á
þeim buxunum
að lögleiða
kannabisefni.
Hún segir að
fólk fari ekki
í fangelsi fyrir
neysluna eina
og því myndi
lögleiðing ekki
leysa úr pláss-
leysi fangelsa.
FRÉTTABLAÐIÐ/PJETUR
ÍTALÍA, AP Leiðtogar G8-ríkjanna
eru sammála um að bíða með að
draga úr fokdýrum björgunar-
aðgerðum fyrir efnahagslífið. Til
þess sé ástandið ekki enn farið að
lagast nógu mikið.
Leiðtogum ríkjanna átta tókst
ekki heldur að ná samkomulagi
við þróunarríki um að dregið
verði úr losun kolefnis um helm-
ing næstu fjóra áratugina, eins
og stefnt hafði verið að.
Þess í stað náðu þeir samkomu-
lagi um metnaðarminni aðgerðir,
sem ættu að tryggja að lofthiti á
jörðinni hækki að meðaltali ekki
um meira en tvær gráður.
Leiðtogar Bandaríkjanna, Bret-
lands, Frakklands, Ítalíu, Japans,
Kanada, Rússlands og Þýskalands
hittust í fjallaþorpinu L‘Aquila á
Ítalíu í gær til að ræða sameigin-
leg hagsmunamál ríkjanna.
Í dag bætast leiðtogar fleiri
ríkja í hópinn til skrafs og ráða-
gerða, en Hu Jintao, forseti Kína,
hvarf þó af vettvangi í gær vegna
átakanna í Xinjiang-héraði og
tekur því ekki þátt í fundarhöld-
unum.
Barack Obama Bandaríkjafor-
seti vakti nokkra athygli á Ítalíu
í gær, nýkominn frá Rússlandi,
þegar hann bar lof á Giorgio Nap-
olitano forseta, sagði hann njóta
óskiptrar aðdáunar ítölsku þjóð-
arinnar fyrir heiðarleika sinn og
fágun. Mörgum þótti hann vera
þarna óbeint að skjóta á Silvio
Berlusconi, forsætisráðherra og
gestgjafa fundarins.
gudsteinn@frettabladid.is
Sættust á tvær gráður
Leiðtogafundurinn á Ítalíu tók ákvörðun um að láta lofthita jarðar ekki hækka
um meira en tvær gráður. Ekki náðist samkomulag um metnaðarfyllri aðgerðir.
GLATT Á HJALLA Í L‘AQUILA Barack Obama gantast við Nicolas Sarkozy, en Angela
Merkel fylgist með. FRÉTTABLAÐIÐ/AP
Lamisil Once 1% húðlausn inniheldur 10 mg af terbínafíni (sem hýdróklóríð). Lamisil Once er einskammta meðferð við
fótsvepp (tinea pedis). Ekki má nota Lamisil Once ef til staðar er ofnæmi fyrir terbínafíni eða einhverju öðru innihaldsefni
lyfsins. Lamisil Once er eingöngu ætlað til útvortis notkunar. Lyfið er eingöngu ætlað til húðmeðferðar á fótum. Lamisil
Once á ekki að nota á meðgöngu nema brýna nauðsyn beri til. Konur með barn á brjósti eiga ekki að nota Lamisil Once.
Börn og unglingar undir 18 ára aldri eiga ekki að nota lyfið þar sem reynslu skortir af slíkri notkun. Lyfið á einungis að
bera á einu sinni. Best er að bera Lamisil Once á húðina eftir sturtu eða bað. Lyfið verður að bera á báða fætur, jafnvel
þótt einkenni sjáist einungis á öðrum fæti. Þetta tryggir eyðingu sveppsins. Hann getur leynst víðar á fótum þótt ekki
sjáist nein merki um hann. Lamisil Once er mild lausn og ertir sjaldnast húðina. Geymið þar sem börn hvorki ná til né sjá.
Lesið vandlega leiðbeiningarnar sem fylgja hverri pakkningu. Markaðsleyfishafi: Novartis Healthcare. Umboð á Íslandi:
Artasan ehf., Suðurhrauni 12a, 210 Garðabæ.
Drepur fótsveppinn
- þarf aðeins að bera á einu sinni

½½
Notaðu alla Lamisil
Once® túpuna á báða
fæturna til að forðast
að sýkingin taki sig
upp á ný
Berðu Lamisil
Once® á:
á milli tánna, bæði undir
þær og ofan á
bæði á iljar og jarka
24h
Til að ná sem bestum
árangri skal ekki þvo
fæturna í sólarhring
1 32
Húsgagnahöllinni, sími: 585 7239