Fréttablaðið - 09.07.2009, Qupperneq 28

9. JÚLÍ 2009 FIMMTUDAGUR2 ● fréttablaðið ● viðhald og viðgerðir
Í rafræna viðhaldsbók er
hægt að skrá upplýsingar um
framkvæmdir á eignum og um
fagmenn sem vinna verkin.
„Ef viðhaldsbók eigna væri al-
mennt þekkt og allir notuðu hana
yrði hún smátt og smátt krafa í
viðskiptum. Þá væri beðið um við-
haldsbókina við sölu og auðvelt
væri að sýna fram á að eigninni
væri vel við haldið,“ segir Þóra
Jónsdóttir tölvunarfræðingur,
sem stofnaði viðhaldsbók á netinu
á heimasíðunni www.v3.is, fyrir
nokkrum misserum. „Meira að
segja væri hægt að hafa það þannig
að við sölu væri hægt að opna við-
haldsbókina frá söluvefnum.“
Þóra segir að hún hafi ákveðið
að fara af stað með viðhaldsbókina
þegar hún hjálpaði syni sínum að
kaupa íbúð fyrir nokkrum árum.
„Ýmsir vissu mjög lítið um hvað
hafði verið gert fyrir húsin sem
við vorum að skoða. Þá kviknaði
sú hugmynd að stórsniðugt væri að
geta farið á netið og skráð hjá sér
upplýsingar um viðhald á eignum
sínum,“ upplýsir hún og bætir við
að hægt sé að skrá viðhald eign-
arinnar og garðsins, viðhald hús-
félagsins og þá sé einnig verkbók
fagmanns þar sem fagmenn skrá
upplýsingar um þjónustu sína.
Þóra segir að um 450 manns hafi
skráð sig fyrir viðhaldsbók sem sé
ókeypis og um 150 heimsæki vef-
síðuna í mánuði. „Viðhaldsbókin er
búin til fyrir íbúðina á fastanúm-
er hennar þannig að ef ég flyt þá
getur sá sem kaupir skráð sig inn
í viðhaldsbókina og fært eignina á
sig og þá getur hann séð það sem
ég hef skrifað áður í bókina,“ segir
Þóra og heldur áfram: „Nýi eigand-
inn getur ekki breytt neinu sem ég
hef skrifað. Hann getur bara séð
það.“
Hver er framtíð viðhaldsbókar-
innar? „Það væri áhugavert ef ein-
hverjir stærri aðilar myndu vilja
nýta þennan grunn og koma þessu
áfram. Við verðum bara að bíða og
sjá hvað verður.“ - mmf
Viðhaldið skráð á netinu
Þóra segir að Viðhaldsbókin sé áhugamál hennar sem hún telur að áhugavert væri að koma til stærri aðila. FRÉTTABLAÐIÐ/VALLI
Gott getur verið að skrá hvenær húsið var málað síðast í viðhaldsbókina til að fylgj-
ast með hvenær á næst að gera það. FRÉTTABLAÐIÐ/GVA
Í Húsverndarstofu á Árbæjarsafni
er boðið upp á ráðgjöf um viðhald
og viðgerðir eldri húsa á miðviku-
dögum frá klukkan fjögur til sex.
„Ráðgjafarnir eru arkitektar frá
Minjasafni Reykjavíkur og Húsa-
friðunarnefnd sem eru með mikla
reynslu og þekkingu á þessu sviði
og er þjónustan veitt endurgjalds-
laust,“ segir Dagný Guðmundsdótt-
ir, safnstjóri Minjasafns Reykja-
víkur.
Í Húsverndarstofu má finna
bækur og bæklinga um það hvern-
ig á að halda við, gera við og gera
upp eldri hús. „Þá er ekki bara
verið að meina gömlu timburhús-
in heldur líka fúnkíssteinhús,“ út-
skýrir Dagný og heldur áfram: „Við
erum líka með byggingarhluti sem
eru enn í framleiðslu og hægt er
að nota í húsin og leiðbeinum fólki
hvar er viðeigandi að nota þá.“
Dagný segir að Húsverndar-
stofan sé hugsuð fyrir húseigend-
ur, iðnaðarmenn, arkitekta, náms-
menn og allt áhugafólk um bygg-
ingarsögu og húsvernd.
Húsverndarstofan er opin á af-
greiðslutíma Árbæjarsafns frá tíu
til fimm yfir sumartímann en ráð-
gjöfin er á miðvikudögum allt árið
um kring. - mmf
Ráðgjöf um viðgerð húsa
Í Húsverndarstofu má finna bækur og bæklinga um það hvernig á að halda við og
gera við eldri hús. MYND/SIGURLAUGUR INGÓLFSSON
„Með ástandsskoðun er viðhalds-
þörf metin og gerð kostnaðaráætl-
un eða útboð í framhaldi af því,“
segir Davíð Karl Andrésson, mats-
maður fasteigna hjá Matfasteigna.
is, og húsasmiður.
„Ástandsskoðun er til dæmis
framkvæmd þegar menn eru ekki
klárir á hvernig ástand fasteignar-
innar er og fer það oft eftir því
hvað húsið er gamalt. Þá er skoð-
að hvort eitthvað sé að eigninni og
ef svo er hvað þarf að laga núna
og hvað má gera seinna,“ útskýr-
ir Davíð Karl. Bæði kaupendur og
seljendur fasteigna geta látið fram-
kvæma ástandsskoðun á fasteign.
„Best er ef báðir aðilar taka þátt í
ástandsskoðuninni en oftast er það
nú kaupandinn. Yfirleitt vinnum
við þó viðhaldsskoðanir til að sjá
hvað þarf að laga,“ segir hann.
Gerð er skýrsla um fasteign-
ina þar sem fram kemur allt er
lýtur að ástandi eignarinnar.
„Eins er skoðað ef um er að ræða
byggingargalla. Svo sjáum við um
öflun opinberra gagna með til-
liti til laga og reglugerða svo sem
byggingarreglugerðar,“ útskýr-
ir Davíð Karl og heldur áfram:
„Við erum orðnir reyndir í þessu
og þetta er mjög staðlað þannig að
þetta tekur enga stund. Auk þess
held ég að það spari húseigendum
fé að láta fagaðila gera svona mat,“
segir Davíð Karl en þeir hjá Mat-
fasteigna.is eru menntaðir húsa-
smíðameistarar auk þess að hafa
menntað sig í matstækni hjá Há-
skólanum í Reykjavík. „Við erum
því gildir skoðunarmenn fast-
eigna.“
Ekki er skylda að láta ástands-
skoða fasteign áður en hún er sett
á sölu hér á landi en á Norðurlönd-
unum er því öðruvísi farið. „Þetta
var sett í lög hér árið 2004 en var
svo kippt út á síðustu stundu. Á
Norðurlöndunum er hins vegar
skylda að láta ástandsskoða fast-
eignir áður en þær eru seldar og
er það mjög klókt. Þá eru sérfræð-
ingar í húsum látnir skoða þau og
tryggir það sanngjarnari samn-
inga,“ segir Davíð Karl ákveðinn.
Ástandsskoðun fasteigna
Sniðugt er að láta ástandsskoða fast-
eign áður en fest eru á henni kaup.
FRÉTTABLAÐIÐ/STEFÁN
Vilt þú...
• Læra að hlaupa á léttari máta?
• Hlaupa með minna álagi á fætur,
liðamót og mjóbak?
• Hlaupastíl með minni líkum á meiðslum?
• Bæta hlaupatíma þína án meira álags?
• Hlaupa þig í þína kjörþyngd og halda
kjörþyngdinni með hlaupum
• Hlaupa og bæta heilsu þína,
þol og þrek?
Hlaupastíls námskeið
Skráning á
www.smartmotion.org
og hjá Smára í síma
896 2300
Afsláttur af málningarvörum
20%
Sérhönnuð málning fyrir íslenskar aðstæður.