Fréttablaðið - 09.07.2009, Page 50
38 9. júlí 2009 FIMMTUDAGUR
FÓTBOLTI „Þetta lið er svipað að
styrkleika og við. Ég tel að við
eigum alveg möguleika á að kom-
ast áfram þrátt fyrir þetta tap
á útivelli,“ segir Kristján Guð-
mundsson, þjálfari Keflavíkur.
Hans sveit tapaði 3-0 fyrir Val-
letta frá Möltu í fyrri leik sínum
í 1. umferð Evrópudeildar UEFA.
Í kvöld er síðan komið að heima-
leiknum í Keflavík.
„Við ætlum að fara eftir ákveð-
inni áætlun og leiðrétta það sem
gerðist í fyrri leiknum. Stefnan er
sett á að skora tiltölulega snemma.
Við héldum boltanum illa í fyrri
leiknum og ætlum okkur að laga
það. Við þekkjum mótherja okkar
náttúrulega betur núna og von-
umst til að þeir verði aðeins kæru-
lausir,“ sagði Kristján.
Þekktasti leikmaður Valletta
er klárlega Jordi Cruyff sem lék
á sínum tíma með Barcelona og
Manchester United. Hann stóð
ekki alveg undir þeim væntingum
sem til hans voru gerðar þegar Sir
Alex Ferguson keypti hann til Old
Trafford 1996. Cruyff er í dag 35
ára og er spilandi aðstoðarþjálf-
ari Valletta.
„Okkur langar áfram. Ég veit að
strákarnir munu mæta ákveðnir
og grimmir til leiks. Það er alveg
ljóst að lukkudísirnar þurfa að
vera með okkur en við ætlum að
vinna þennan leik og gera það með
þeim hætti að við förum áfram,“
segir Kristján Guðmundsson sem
segir að undirbúningur liðsins
fyrir þennan leik verði með sama
hætti og fyrir leiki í Pepsi-deild-
inni.
Framarar verða einnig í eld-
línunni í dag í sömu keppni. Þeir
munu mæta TNS í Wales en Fram
vann fyrri leikinn 2-1 á Laugar-
dalsvelli. „Hér eru toppaðstæð-
ur og fer mjög vel um okkur. Við
vorum að ljúka við æfingu á þess-
um velli sem við erum að fara að
keppa á. Þetta er gervigrasvöllur
af nýrri kynslóð, mjög svipaður
þessum sem við eigum heima,“
sagði Þorvaldur Örlygsson, þjálf-
ari Fram, við Fréttablaðið í gær.
„Við spilum bara okkar leik
og áherslurnar eru ekkert mikið
öðruvísi. Það eru náttúrulega að
fara að mætast þrír pólar í þess-
um leik, lið frá Íslandi og Wales
og svo danskur dómari. Við erum
bjartsýnir eftir þennan fyrri leik
og eigum mjög góðan möguleika.
Vissulega þurfa þeir bara að
skora eitt mark en á móti þurfum
við bara eitt til að komast í lykil-
stöðu,“ sagði Þorvaldur.
„Leikmenn hafa kannski ekki
mikla reynslu í Evrópukeppni
en það gæti líka verið kostur.
Menn eru spenntir fyrir að prófa
nýja hluti. Menn eru hungraðir
í að komast áfram og hafa mjög
gaman af þessu verkefni,“ sagði
Þorvaldur. - egm
Keflavík og Fram verða bæði í eldlínunni í Evrópudeild UEFA í dag þegar þau leika síðari leiki sína:
Reynsluleysi Fram gæti verið kostur
SPENNA Þorvaldur Örlygsson segir sína menn fulla af eftirvæntingu fyrir leikinn.
FRÉTTABLAÐIÐ/ANTON
FÓTBOLTI FH-ingar hafa verið á
miklu flugi í Pepsi-deild karla í
sumar og geta í kvöld unnið sinn
þrettánda leik í röð í deild og bikar
þegar þeir taka á móti Fylkis-
mönnum í Kaplakrika klukkan
20. FH-liðið er þegar komið með
níu stiga forskot á toppnum og er
þegar farið að ýta við mönnum að
dusta af metabókum efstu deildar
karla.
FH-ingar hafa unnið sex síð-
ustu deildarleiki án þess að fá á sig
mark en í þremur af fyrstu fjórum
sigurleikjum sumarsins kom FH-
liðið til baka og tryggði sér sigur
eftir að hafa lent undir. KR-ingur-
inn Bjarni Guðjónsson var síðastur
til að skora gegn FH-ingum þegar
hann kom KR í 1-0 á KR-vellinum
28. maí síðastliðinn. FH-liðið var
þá enn ekki búið að halda hreinu í
mótinu þrátt fyrir að komið væri
fram í fimmtu umferð en Hafn-
firðingar hafa heldur betur bætt
úr því.
FH-ingar hafa nú skorað 22 mörk
í röð í Pepsi-deildinni án þess að
andstæðingar þeirra hafi náð að
svara fyrir sig. Þeir fóru úr fjórða
sæti upp í það annað með því að
vinna 5-0 sigur á Val í síðasta leik.
Þá vantar enn tvö mörk til að jafna
afrek Valsmanna frá árinu 1978 en
Valsliðið skoraði þá 24 mörk í röð
í deildinni.
Atli Eðvaldsson, nýráðinn
þjálfari Valsmanna, fór mikinn í
sóknarleik Valsliðsins á þessum
kafla í mótinu en hann skoraði þá
7 af 10 mörkum sínum í þessum tíu
leikjum. Annar Atli er markahæst-
ur í spretti FH-inga en Atli Viðar
Björnsson hefur skorað sex mörk í
síðustu sjö leikjum, einu meira en
Matthías Vilhjálmsson.
Valsmenn áttu sannkallað met-
sumar fyrir rúmum þremur ára-
tugum og urðu þar með eina liðið
til að tapa ekki leik á tímabili frá
því að tíu lið fóru að skipa efstu
deild. Valsliðið vann sextán fyrstu
leiki sína á tímabilinu og vann að
lokum alla leiki nema einn, sem
endaði með markalausu jafntefli.
Valsvörnin gaf engin færi á sér og
þá sérstaklega um mitt mót þegar
liðið lék átta deildarleiki í röð og í
samtals 824 mínútur án þess að fá
á sig mark.
Daða Lárusson, markvörð FH-
liðsins, vantar enn 252 mínútur
upp á að jafna þetta met Sigurðar
Haraldssonar, markvarðar Vals-
liðsins fyrir 31 ári, en miðað við
framgöngu FH-liðsins að undan-
förnu gæti það alveg eins fallið.
FH-liðið spilar næstu þrjá heima-
leiki í deildinni á heimavelli og
haldi Daði hreinu í þeim er metið
í höfn.
Sigurður Haraldsson gerði
reyndar gott betur en að halda
hreinu í þessum rúmu átta deildar-
leikjum í röð því hann fékk ekki
heldur á sig mark í þremur bikar-
leikjum Valsliðsins á þessum tíma.
Samtals hélt hann því markinu
hreinu í 1.094 mínútur í deild og
bikar. FH-vörnin var búin að halda
hreinu í 678 mínútur í deild og
bikar þegar Eyjamaðurinn Tonny
Mawejje skoraði hjá henni í bikar-
leik liðanna í Eyjum á sunnudag-
inn.
FH-ingar eru þegar búnir að
bæta met Valsmanna í sigurleikj-
um en þeir gerðu það fyrir fjór-
um árum með því að vinna átján
deildarleiki í röð. FH-ingar eru
komnir nálægt því að taka tvö met
til viðbótar af Hlíðarendamönnum.
Það verður fróðlegt að sjá hvort
mörk ÍBV í bikarnum um síðustu
helgi hafi brotið varnarmúrinn eða
hvort Eyjmenn hafi komið Hafn-
firðingum aftur upp á tærnar.
ooj@frettabladid.is
METHAFINN Sigurður Haraldsson, mark-
vörður Valsmanna 1978 hélt marki sínu
hreinu í 824 mínútur.
7 AF 24 MÖRKUM Atli Eðvaldsson var í
miklu stuði um mitt sumar 1978.
FH-ingar nálgast 31 árs gömul met
FH-liðið hefur skorað 22 mörk í röð og haldið marki sínu hreinu í 572 mínútur í Pepsi-deildinni. Íslands-
meistararnir eiga nú ágæta möguleika á að jafna tvö met Valsmanna frá því sumarið 1978.
252 MÍNÚTUR FRÁ METI Daði Lárusson hefur haldið hreinu í undanförnum sex deild-
arleikjum. FRÉTTABLAÐIÐ/ANTON
MARKVERÐIR SEM HAFA
HALDIÐ LENGST HREINU
(Frá því að deildin var fyrst skipuð
10 liðum 1977)
Sigurður Haraldsson, Val 1978 824
Birkir Kristinsson, Fram 1988 742
Gunnleifur Gunnleifs. KR 1998 636
Birkir Kristinsson, Fram 1989-90 609
Daði Lárusson, FH 2009 572
FLEST MÖRK LIÐA Í RÖÐ
(Frá því að deildin var fyrst skipuð
10 liðum 1977)
Valur 1978 24
FH 2009 22
Fram 1988 19
ÍA 1978 18
FH 2005 17
KR 1998 16
22 MÖRK FH-INGA Í RÖÐ
SUMARIÐ 2009
Atli Viðar Björnsson 6
Matthías Vilhjálmsson 5
Tryggvi Guðmundsson 4
Atli Guðnason 2
Ásgeir Gunnar Ásgeirsson 2
Björn Daníel Sverrisson 2
Davíð Þór Viðarsson 1
24 MÖRK VALSMANNA Í
RÖÐ SUMARIÐ 1978
Atli Eðvaldsson 7
Guðmundur Þorbjörnsson 6
Ingi Björn Albertsson 4
Albert Guðmundsson 3
Hörður Hilmarsson 2
Dýri Guðmundsson 1
Jón Einarsson 1
FÓTBOLTI Fanndís Friðriksdóttir
fór meidd af velli þegar Breiða-
blik sló Þór/KA út úr VISA-bik-
arnum á þriðjudag. Meiðsli henn-
ar eru þó ekki eins alvarleg og
óttast var í fyrstu, en hún fer í
nánari skoðun hjá lækni í dag.
„Ég fékk þá skipun á sjúkra-
húsinu að að liggja heima í tvo
sólarhringa og með fótinn upp
í loft. Ég er strax orðin mun
skárri,“ sagði Fanndís sem fer
því líklega með U19 landsliðinu
til Hvíta-Rússlands um helgina
þar sem liðið tekur þátt í úrslita-
keppni EM.
„Ég er nokkuð bjartsýn á að ég
ég sé að fara út á laugardaginn.
Ég er ákveðin í því, nenni ekki að
hanga hér.“ - egm
Fanndís Friðriksdóttir:
Fer líklega með
á Evrópumótið
FÓTBOLTI Guðmundur Reynir
Gunnarsson er á leið aftur í KR
en sænska félagið GAIS hefur
ákveðið að lána hann til Vestur-
bæjarliðsins. Guðmundur er tví-
tugur, getur leikið sem bakvörður
og kantmaður og verður orðinn
löglegur með KR þegar félaga-
skiptaglugginn opnast 15. júlí.
Hann gekk í raðir GAIS síðast-
liðið haust en eins og hinir Íslend-
ingarnir hjá GAIS hefur hann
ekki náð að vinna sér inn sæti í
liðinu. Hann hefur aðeins tvíveg-
is verið í byrjunarliðinu í sænsku
úrvalsdeildinni. - egm
KR fær liðstyrk 15. júlí:
Guðmundur
á heimleið
Á FLEYGIFERÐ Fanndís Friðriksdóttir í
leiknum umrædda. FRÉTTABLAÐIÐ/VILHELM
Sænska kvennadeildin:
Hammarby-Örebro 0-2
Edda Garðarsdóttir skoraði seinna mark Örebro
og lék allan leikinn ásamt Ólínu Guðbjörgu
Viðarsdóttur.
Kristianstad-AIK 3-2
Margrét Lára Viðarsdóttir skoraði annað mark
Kristianstad og Hólmfríður Magnúsdóttir lagði
upp það fyrsta. Guðný Óðinsdóttir og Erla Steina
Arnardóttir voru einnig í byrjunarliðinu.
Umeå-Djurgården 0-0
Guðbjörg Gunnarsdóttir átti stórleik í marki
Djurgårdens og Guðrún Sóley Gunnarsdóttir lék
allan leikinn í vörn liðsins.
Piteå-LdB FC Malmö 0-2
Dóra Stefánsdóttir sat á bekknum.
Stattena-Linköping 1-3
Kopparbergs/Göteborg-Sunnanå 1-0
STIG LIÐA FYRIR LANDSLEIKJAHLÉ
Umeå 38, Linköping 33, LdB FC Malmö 31,
Kopparbergs/ Göteborg 30, Örebro 29,
Djurgården 26, Sunnanå 20, AIK 20, Hammarby
14, Kristianstad 9, Piteå 5, Stattena 3.
ÚRSLITIN Í GÆR