Fréttablaðið - 09.07.2009, Blaðsíða 54

42 9. júlí 2009 FIMMTUDAGUR
1
6 7 8
10
13
119
12
15
16
18
21
20
17
14
19
2 3 4 5
MORGUNMATURINN
LÁRÉTT
2. gól, 6. hljóm, 8. púka, 9. gilding,
11. borðaði, 12. egó, 14. nautnalyf,
16. utan, 17. húsfreyja, 18. lærir, 20.
ólæti, 21. heimsálfu.
LÓÐRÉTT
1. mats, 3. í röð, 4. tré, 5. op, 7. sósa,
10. fjör, 13. tilvist, 15. ganga úr fiðri,
16. árkvíslir, 19. ætíð.
LAUSN
LÁRÉTT: 2. gagg, 6. óm, 8. ára, 9.
mat, 11. át, 12. sjálf, 14. ópíum, 16.
án, 17. frú, 18. les, 20. at, 21. asíu.
LÓÐRÉTT: 1. dóms, 3. aá, 4. gráfura,
5. gat, 7. majónes, 10. táp, 13. líf, 15.
múta, 16. ála, 19. sí.
VEISTU SVARIÐ
Svör við spurningum á síðu 8
1 Tíu.
2 Jón Ólafsson.
3 Warner.
„Já, sumarfríið stóð í einn dag. Þá varð
ég viðþolslaus. Neinei, ég var búinn að
ákveða að vera með mannskapinn til
taks ef eitthvað kæmi upp. Þannig að
fólk er ekki alveg laust við okkur,“ segir
Þórhallur Gunnarsson, dagskrárstjóri
og ritstjóri Kastljóss Ríkissjónvarpsins.
Breytingar hafa orðið á dagskrá Sjón-
varpsins en til stóð að Kastljósið yrði í
sumarfríi til 4. ágúst. Að sögn Þórhalls
er það liður í sparnaðaraðgerðum hjá
RÚV. Þátturinn var í sumarfríi í fyrra
en þá vegna EM í knattspyrnu. Þórhall-
ur segir að sumrin séu alla jafna bless-
unarlega átakalaus. Þingið í fríi og póli-
tíkin ekki mjög lifandi. „Og stærri mál
ekki uppi. En nú eru átakatímar. Fram-
undan eru stórar ákvarðanir í tengslum
við sumarþing. Ályktun um ESB sem
verður samþykkt eða synjað, Icesave-
samkomulagið sem við vitum ekki
hvernig fer. Og svo þessi húsrann-
sókn sem kom upp. Og önnur stór
mál sem nú eru uppi. Formlega
séð er mannskapurinn í sumar-
fríi en ég kalla hann út ef þurfa
þykir. Ég tek ákvörðun miðað við
atburðarás hvers dags,“ segir
Þórhallur Gunnarsson. - jbg
RAGNHILDUR STEINUNN Hún,
sem og aðrir Kastljósliðar,
eru í startholunum vegna
ástandsins í þjóðfélaginu.
„Á morgnana fæ ég mér hálfan
lítra af kók og sígarettu. Ég
borða vanalega upp úr hádegi
og þá finnst mér gott að fá mér
avokadó og perur.“
Solveig Pálsdóttir, rekur Gallerí Crymogea
á Laugavegi.
Hríseyingar munu um þarnæstu
helgi lýsa yfir fullveldi og efna til
fyrsta Hríseyjarsundsins. Ýmislegt
verður svo sér til skemmtunar gert
þessa helgi, til dæmis ætlar Björn
Jörundur Friðbjörnsson að mæta
á svæðið og syngja með heima-
hljómsveitinni Stormsveitinni.
Björn á ættir að rekja til
Hríseyjar, beinn afkom-
andi Hákarla-Jörundar,
frumkvöðuls byggðar í
eynni, en þaðan er nafnið
komið: Björn, Jör-
undur og Friðbjörn
eru gegnumgang-
andi nöfn þeirrar
ættar allrar.
Kálfatjörn, 9 holu golfvöllurinn
á Vatnsleysuströnd, á auknum
vinsældum að fagna. Golfarar sem
sækja völlinn kættust í vikunni
þegar nýr ræsir var mættur til að
stjórna umferðinni af röggsemi og
með spaugsyrði á vörum. Var þar
enginn annar lifandi kominn en
sirkusstjórinn og skemmtikraftur-
inn Jörundur Guðmundsson en
hann er búsettur úti
á Spáni. Jörundur
er hins vegar einn
forvígismanna
stofnunar Golf-
klúbbs Vatnsleysu-
strandar og öllum
hnútum kunnugur
– lagði meira að
segja þökur á
eina flöt eða
tvær.
Hvernig kemurðu 34 Argentínubú-
um í símaklefa? Þú lýgur því í þá
að þeir eigi hann. Geir Ólafsson
söngvari er grand á því og hefur lík-
lega haft þessa örsögu í huga þegar
hann ákvað að bjóða öllum Íslend-
ingum til útgáfuteitis á Vínbarinn á
föstudag milli sex og átta. Þetta er
til að halda upp á útgáfu nýs disks
söngvarans sem heitir Af
hamingju ég syng og
Geir ætlar að bjóða
upp á nokkuð
sem gæti orðið
til að draga að
mannfjölda: Bjór,
rauðvín, hvítvín og
snittur. - jbg
FRÉTTIR AF FÓLKI
Kastljós kallað út úr sumarfríi
„Við erum komnir með lið frá Kanada og svo
hafa pólskir túristar boðað komu sína. Við
erum í þeirra augum orðið eitthvert gósen-
land þar sem allt er nánast gefins,“ segir
Jóhann Bæring Gunnarsson, drullusokkur
hins árlega Mýrarboltamóts sem haldið er á
Ísafirði um verslunarmannahelgina. Rétt er
að taka fram að aðstandendur mótsins líta
á það sem Evrópumeistaramótið en heims-
meistaramótið var haldið í Finnlandi um þar-
síðustu helgi. Jóhann státar reyndar af þátt-
töku á því móti, keppti þá með sænska liðinu.
„Við töpuðum öllum leikjunum, fengum alveg
skelfilega dómgæslu. Mér var síðar sagt að
Finnarnir hefðu dæmt miskunnarlaust á
móti okkur til að hefna fyrir einhverja alda-
langa kúgun.“ Jóhann bjóst þó ekki við liðum
frá hinum Norðurlöndunum enda væru þau
blönk eins og Íslendingar.
Mýrarboltamótið var fyrst haldið árið
2004, vakti töluverða athygli og hefur verið
haldið allar götur síðan þá. Þótt notaður sé
fótbolti í leiknum á mýrarboltinn sjálfur lítið
sameiginlegt með knattspyrnu. „Ef þú hefur
getað tekið skærin einhvern tímann á græna
vellinum þá nýtist það þér ekki í drullunni,“
útskýrir Jóhann. Eftirsóttustu verðlaun-
in, merkilegt nokk, eru titillinn drullugasti
keppandinn.
Drullusokkurinn Jóhann segir konur
sækja mikið í þessa íþróttagrein hér á landi.
„Fyrsta árið voru þær svona tuttugu prósent,
í fyrra voru þær fjörutíu og við reiknum með
að þær geti orðið meira en helmingur þátt-
takenda í ár,“ segir Jóhann og bætir því við
að þær leggi mikið upp úr búningum sínum.
Áhugasamir geta enn skráð sig til leiks á
heimasíðunni myrarbolti.com en mótið getur
aðeins tekið við 350 manns. „Lokahófið
annar ekki fleirum,“ segir Jóhann. - fgg
Konur að taka yfir Mýrarboltamótið
KONUR ÁHUGASAMAR Mýrarboltamótið á Ísafirði er
orðið árviss viðburður um verslunarmannahelgina og
konur virðast sérstaklega áhugasamar um að demba
sér ofan í mýrina. FRÉTTABLAÐIÐ/VILHELM
„Ja, sko, ef maður ætti frí, til
dæmis á sunnudaginn, þá kæmist
ég ekkert í golf enda allur blár og
marinn og með brákað rifbein,“
segir Þórhallur Sigurðsson, Laddi.
Hann fékk að finna fyrir högg-
þunga mótleikara síns, Stefáns
Halls Stefánssonar, þegar verið var
að taka upp slagsmálaatriði fyrir
kvikmyndina Jóhannes í Kaldár-
seli, rétt fyrir utan Hafnarfjörð,
á mánudaginn. Stefán lét höggin
dynja á Ladda með þeim afleiðing-
um að allar golfhugleiðingar eru
foknar út í veður og vind. „Mönn-
um hljóp kannski aðeins kapp í
kinn,“ segir Laddi en skiptir síðan
snögglega um gír. „Nei, nei, þetta
er bara alvöru, ekkert feik. Ég
vona bara að þetta sjáist vel þegar
myndin verður sýnd í bíó.“
Laddi hefur reyndar lítið komist
í golf þetta sumarið enda allt brjál-
að að gera hjá honum. Kvikmynd-
in Jóhannes verður í tökum næstu
vikur og svo tekur annað verkefni
við. „Vinnan er alveg búin að eyði-
leggja golfið fyrir manni, ég verð
bara að hætta að vinna á sumrin,
tek bara næst að mér hlutverk á
veturna; í skauta-og skíðamynd-
um,“ segir Laddi en hann náði því
meðal annars að komast í landslið
öldunga á sínum tíma þótt hann
vilji ekki, af sinni alkunnu hóg-
værð, tjá sig mikið um það. „Nei,
enda á maður ekki möguleika leng-
ur, allir þessir gömlu meistarar
eru komnir á þennan aldur, menn
eins og Björgvin Þorsteinsson,“ en
Björgvin þessi er einhver sigur-
sælasti kylfingur íslenskrar golf-
sögu.
En segja má að sveitungi Ladda
úr Firðinum, Stefán Karl Stefáns-
son, hafi borgað rækilega fyrir bar-
smíðar Stefáns Halls. Því í atrið-
inu á Stefán að stoppa nafna sinn
með því að brjóta blómapott á höfði
hans. „Í handritinu stóð að ég ætti
að kasta pottinum í bakið á honum
og hann ætti að rotast en mér
fannst það eitthvað asnalegt, menn
rotast ekkert ef þeir fá eitthvað í
bakið,“ segir Stefán sem spurði því
leikmunadeildina hvort einhver
hætta skapaðist af því ef umrædd-
ur blómapottur myndi brotna á haus
Stefáns Halls. „Leikmunadeildin
svaraði því til að þetta væru blóma-
pottar úr sykri og því væri engin
hætta á ferðum.“ Stefán gleymdi
hins vegar að nefna að blómapott-
urinn var fullur af mold og gras-
lauk og afleiðingarnar urðu því
nokkuð blóðugar. „Það voru saum-
uð þrjú spor í höfuð hans, menn eru
ekkert í neinum gamnislag í Hafn-
arfirðinum,“ segir Stefán sem sjálf-
ur slapp, án allra meiðsla frá þessu
blóðuga atriði. „Sem er alveg í sam-
ræmi við karakterinn sem ég leik í
myndinni, hann er svona sléttur og
fínn og hálfgerð tepra.“
freyrgigja@frettabladid.is
ÞÓRHALLUR SIGURÐSSON: ALLUR BLÁR OG MARINN EFTIR STEFÁN HALL
LADDI LAMINN Í KLESSU
BLÓÐUGAR BARSMÍÐAR Laddi var bæði blár og marinn eftir slagsmálaatriði með þeim Stefáni Halli og Stefáni Karli. Stefán Hallur
fékk síðan blómapott í hausinn með þeim afleiðingum að sauma þurfti þrjú spor og hér er gert að sárum hans.
LÚÐUSPRENGJA
ÖLL LÚÐA Á
1.490 KR/KG
Á MEÐAN BIRGÐIR ENDAST